Nyɛ̀nɛ̀ŋ 10:20 - WƆŊ FƐ̀Ì EBÒ SÌÀŊ DAYÀA

²⁰ Weètii yewà dìì muŋ dèyà, yèè ɓɔ̀ mùŋ gè màŋhɛɛ wèè nyɛ̀iŋ nyiŋ naŋ ka, esaɓù kɛ̀ miàŋ naŋ nyiŋ tùɔ̀ŋ.”

Nyɛ̀nɛ̀ŋ 10:20 ပူးပေါင်းရင်းမြစ်များ

Nyɛ̀nɛ̀ŋ 10:21

Yèè wo Pììlɛ naŋ dèyè koɓɛ̀ aŋ felaa nyàŋ yèè wò naŋ nyiŋ woò wààŋ, “Miàŋ nàŋ yaà wo nyùnɔ̀ɔŋ nìŋ yaà kaame wɔ̀. Wèè kiìŋ nìŋ naŋ hnè?”

Nyɛ̀nɛ̀ŋ 11:12

Wo Jìnàŋ Nɛɛmaàŋ naim woò wààŋ miŋ dè nyiŋ maŋjɛ̀wɛ e kaiŋ e kìlà wààŋ ɓɔ̀ mìŋ gè màŋhɛɛ. Anyuùŋ hààwe nyàŋ àŋ nɔɔnɔŋ dièguùŋ naim dè maŋjɛ̀wɛ e yìwìà ko Jɔpà yèè è naiŋ kɔ̀ ko Sesèlià, yèè yàwi nààŋ gbiŋ naiŋ jɔ̀ ko sààŋ Kɔ̀nilìɔ̀.

Nyɛ̀nɛ̀ŋ 13:4

Nààŋ wo Jìnàŋ Nɛɛmaàŋ naŋ tùɔ̀ŋ wo Bànaŋɓà yaà wo Sɔɔ̀, àŋ naŋ kɔ̀ ko Sèlesìà. E yìwìà kuii àŋ naŋ wa sɛ̀ɛ̀ wɔŋ meeè sùà yèè àŋ naŋ kɔ̀ ko Sapulɔ̀.

Nyɛ̀nɛ̀ŋ 8:26

Kɛɛ wo màìkà Kanaà naŋ wòò wo Felè wààŋ, “Yewà dìì yèè muŋ ka ko tèèngà ko jèè gɔɛɛ̀ koɓɛ̀ ke dòmàŋ ke fòùngà e diì wòaà ke yèɛ deye ko Gaazà lɛ e yìwìà ko Jùlusɛ̀làm.”

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Nyɛ̀nɛ̀ŋ 9:17

Wo Ananaayà naŋ kɔ̀ yèè wò naŋ jɔ̀ ko saaìŋ wo Sɔɔ̀ yaà wa lɛ̀, yèè wò nauŋ gbùwò maŋ kuàuŋ màŋ diɛŋ wò nauŋ woò wààŋ, “Wùìya miɔ̀ŋ Sɔɔ̀, wo Kanaà Jisɛ̀ naim tùɔ̀ŋ ko nɛ̀ɛ̀ŋ muìŋ, wo nyùùŋ gunɔ̀ɔŋ naum fòlò feìŋ ko dòmaìŋ nààŋ mùŋ yaà weè kià hinie lɛ̀. Wò naim tùɔ̀ŋ wèè maŋ ɓɛìŋ yɛ̀mɛ̀ dìì yèè wèè wo Jìnàŋ Nɛɛmaàŋ woum sɛ̀ɛ̀ ko sùà.”

Jìiiŋ 1:6

Kɛɛ wo nyùnɔ̀ɔŋ gbiŋ dawà wo Dayà wèè e nɛ̀ŋ wɔ, wo kuwiè e hààweɛ̀ yèè ɓɔ̀ wò sikà gbiŋ. Esaɓù kɛ̀ wo nyùnɔ̀ɔŋ gbiŋ naŋ dàwè Dayà e sìka sùà wɔ, wò yaà maàŋ e bɔ̀iŋ nɛ̀ wɔŋ juwoɔ̀. Sèè wɔŋ fòìɔ dè nɔŋ wɔŋ juwoɔ̀ ɓulanàŋ e bɔ̀iŋ nɛ̀ è jowo è deye.