Nyɛ̀nɛ̀ŋ 10:19 - WƆŊ FƐ̀Ì EBÒ SÌÀŊ DAYÀA

¹⁹ Nààŋ wo Pììlɛ yaà wa nɔŋ gòòngò e kèè e fàsàì e gɔaà, wo Jìnàŋ Nɛɛmaàŋ nauŋ woò wààŋ, “Aŋ felaa bà kòò àŋ yaà kià ko kaameum.

Nyɛ̀nɛ̀ŋ 10:19 ပူးပေါင်းရင်းမြစ်များ

Jɔ̀ɔŋ 16:13

Wo Jìnàaŋ tɔɔ̀ e tɔ̀ɔ̀nyaàaŋ wɔ̀, yèè wò do nàŋ kaikpɔ hnè wèè woiŋ yɛ̀mɛ̀ diɛŋ e tɔ̀ɔ̀nyaàŋ kɛnɛɛ̀ sùà. Wo Jinàaŋ fè gbòà è gààŋ wuŋ biɛ̀ sùà. Wò do nàŋ wòò e yèɛ gbiŋ wò naŋ kòmò mìŋ naŋ woò lɛ. Yèè wò doiŋ nàŋ wòò e yèɛ yaà hinie e kaaìŋ lɛ.

Nyɛ̀nɛ̀ŋ 10:18

Àŋ naŋ kpùlò kpɔkpɔ, yèè àŋ naŋ dawè sèè mààŋ kuii wo Saimɔ̀ŋ Piilɛ̀ joà.

Nyɛ̀nɛ̀ŋ 10:3

Ke ɗɔ̀ɔ̀ guùŋ bà e gɔɛɛ gbòà taaà e koya gɔɛɛ, wo Kɔ̀nilìɔ̀ naŋ gò e gɔa, yèè wò naŋ yɛ̀mɛ̀ wo màìkà Dayà wò naŋ hnè ko nɛ̀ɛ̀uŋ niìŋ wò nauŋ woò wààŋ, “Kɔ̀nilìɔ̀!”

Nyɛ̀nɛ̀ŋ 11:12

Wo Jìnàŋ Nɛɛmaàŋ naim woò wààŋ miŋ dè nyiŋ maŋjɛ̀wɛ e kaiŋ e kìlà wààŋ ɓɔ̀ mìŋ gè màŋhɛɛ. Anyuùŋ hààwe nyàŋ àŋ nɔɔnɔŋ dièguùŋ naim dè maŋjɛ̀wɛ e yìwìà ko Jɔpà yèè è naiŋ kɔ̀ ko Sesèlià, yèè yàwi nààŋ gbiŋ naiŋ jɔ̀ ko sààŋ Kɔ̀nilìɔ̀.

Nyɛ̀nɛ̀ŋ 13:2

E teengaà àŋ yaà wa zòòlò wo Kanaà yèè àŋ yaà kùwìè ke tɔùŋ lɛ, wo Jìnàŋ Nɛɛmaàŋ naŋ nyiŋ woò wààŋ, “Jàaìŋ wo Bànaŋɓà yèè wo Sɔɔ̀ e ɓula weèim wèè e tòmoɛ̀ mìŋ naŋ nyiŋ nyààŋ wèè aŋ nyɛ̀nɛ̀ŋ lɛ.”

Nyɛ̀nɛ̀ŋ 15:7

Nààŋ àŋ naŋ niŋ kpaane kpàànè wèè e teenga mùnlaŋ bà, wo Pììlɛ naŋ sie yèè wò naŋ nyiŋ woò wààŋ, “Wùìyaim nyàŋ, nàŋ nyìmàŋ kɛ̀ wo Dayà naim wa tàeɗùù e teenga gɔu bà sùà wèè ka wòò Ebò Siaàŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tɛɛ̀ nyɛ̀nɛ̀ŋ wèè aŋ kòmàŋ niŋ e kìlà aŋ kɛɛnɛ̀ŋ hààwe.

Nyɛ̀nɛ̀ŋ 21:4

È naiŋ wa kuii mɛ̀ɛ̀ŋ anyùùŋ hààwè Kanaà bà yèè è naiŋ nɔ̀ŋ ko nɛ̀ɛ̀ŋ nyiŋ niìŋ wèè maŋ ɗɔ̀ɔ̀ nɔɔnɔŋ le tìyèe. Wo Jìnàŋ Nɛɛmaàŋ naŋ wa wòò anyuùŋ hààwe nyàŋ wèè aŋ woò wo Pɔɔ̀ kɛ̀ ɓɔ̀ wò ka kò Jùlusɛ̀làm.

Nyɛ̀nɛ̀ŋ 8:29

Yèè wo Jinàŋ Nɛɛmaàŋ naŋ wòò wo Felè wààŋ, “Kɔ̀à koɓɛ̀ wɔŋ gɔ̀ sòo wiiŋ yèè muŋ sie wuŋ kɔɔ fɔ̀ɔ̀.”

1 Kɔliìŋ 12:11

Kɛɛ wo Jìnàŋ guùŋ kpò wɛɛ̀ nàŋ nyɛnɛŋ maŋ keì mɛɛ̀ŋ gbiŋ, nààŋ wò manaŋ lɛ̀. Maŋ kìɛŋ màŋ gbiŋ yaà gbàgbà koɓɛ̀ nyùùŋ gbiŋ.

1Time 4:1

Wo Jìnàŋ Nɛɛmaàŋ naŋ woò janjai wààŋ anyuùŋ nyaŋ bà nyiŋ do naŋ fè e hààweɛ̀ jɛwɛ teenga kpuu sùà, àŋ do naŋ jɔ̀ɔ̀lɔ̀ aŋ jinàŋ tòa dìì, e kìlà aŋ dè e kàà aŋ jinàŋ naanààŋ maŋjɛ̀wɛ.