Nyɛ̀nɛ̀ŋ 10:17 - WƆŊ FƐ̀Ì EBÒ SÌÀŊ DAYÀA

¹⁷ Nààŋ wo Pììlɛ yaà wa goongo kɛ̀ kiìŋ e gɔa gòo lɛɛ̀ naŋ fasàì, aŋ felaa nyàŋ wo Kɔ̀nilìɔ̀ naŋ wa tùɔ̀ŋ nyaŋ naŋ nɔ̀ɔ̀ŋ daawe kpoloo, yèè àŋ naŋ hàì wɔŋ gbàngiɔ̀ yɛmgbɛ̀ ko gbooì wo Saimɔ̀ŋ Piilɛ̀ yaà wa lɛ̀.

Nyɛ̀nɛ̀ŋ 10:17 ပူးပေါင်းရင်းမြစ်များ

Jɔ̀ɔŋ 13:12

Nààŋ wo Jisɛ̀ naŋ wa kpɛ̀ɛ̀yɛ̀ anyùùŋ màŋjɛ̀wɛ̀uŋ nyàŋ gùà maŋ gòlò, wò naŋ ɓɛìŋ gbìɛ̀ŋ wɔŋ deèuŋ nɔɔ̀ŋ gbààì yèè wò naŋ jɛi. Kpeiŋ wò naŋ nyiŋ dawè wààŋ, “Nàŋ nyìmàŋ kɛ̀ kiìŋ mìŋ naŋ yaà nyɛ̀nɛ̀ŋ lɛ?”

Nyɛ̀nɛ̀ŋ 10:3

Ke ɗɔ̀ɔ̀ guùŋ bà e gɔɛɛ gbòà taaà e koya gɔɛɛ, wo Kɔ̀nilìɔ̀ naŋ gò e gɔa, yèè wò naŋ yɛ̀mɛ̀ wo màìkà Dayà wò naŋ hnè ko nɛ̀ɛ̀uŋ niìŋ wò nauŋ woò wààŋ, “Kɔ̀nilìɔ̀!”

Nyɛ̀nɛ̀ŋ 2:12

E keì bi naŋ nyiŋ wa foonò yèè aŋ gbiŋ naŋ zùwò dìò sùà, e kìlà àŋ naŋ kùùnò dàwè nyiŋ bi e fèemàŋ nyààŋ, “Kiìŋ nàŋ yaà e fàsàì tɛɛ̀?”

Nyɛ̀nɛ̀ŋ 25:20

Kɛɛ nààŋ miŋ nyimààŋ kɛ̀ diè mìŋ naŋ ɓɛ̀nɛ̀ŋ è keì lɛɛ̀ tùàŋ màŋ nɔnɔŋ wèè ka nyìmàŋ è tɔɔɓaà lɛ, mìŋ naŋ dàwè wo Pɔɔ̀ sèè mààŋ wò ɓɛ̀nɛ̀ŋ nyìmee wèè wo kà ko Jùlusɛ̀làm wèè aŋ kuii wòò e keì bì.

Nyɛ̀nɛ̀ŋ 5:24

E teengaà aŋ kànà sìèfèìŋ zòòlo nyàŋ yaà wo sìèfèìŋ anyuùŋ tùnìàŋ ke saaŋ zòòlò Dayàa naŋ tɛɛ̀ kòmò lɛ, àŋ naŋ kùùnò gòngo sèè mààŋ kɛ̀ kiìŋ naŋ wɛ̀i kààìŋ koɓɛ̀ aŋ keela tàeɗùù nyaŋ.

Nyɛ̀nɛ̀ŋ 9:10

Wo nyùùŋ màŋjɛ̀wɛ̀ Kanaà Jisɛ̀ɔ bà guùŋ yaà wa ko Dàmakɔ̀ àŋ nyaaŋ wo Ananaayà. Wo Kanaà nauŋ wa woò e gɔagòo sùà wààŋ, “Ananaayà!” Yèè wò naŋ fasàì wààŋ, “Miàŋ wɛɛ̀, Kanaà.”

Nyɛ̀nɛ̀ŋ 9:43

Wo Pììlɛ naŋ wa nɔ̀ŋ ko Jɔpà ko gbòò wo kenàŋ bà àŋ nyaaŋ wo Saimɔ̀ŋ, wo yèɔ hewa tòòmò maŋ fɛ̀ì yilì wèè manɛ̀ŋ zimgbe bàne.

1Pììlɛ 1:11

Àŋ naŋ fɛ̀ɛ̀ wèè aŋ nyìmàŋ kɛ̀ kiìŋ nàŋ do nàŋ nɔ̀ŋ e teengaà, yèè dièsɔa è do nàŋ hnè. Tɛɛ̀ nàŋ yaà wa e teengaà, e yèɛ wo Jìnàŋ Jisɛ̀ Kulaìɔ yàà nyiìŋ sùà wɔ, yaà wa tɔ̀ɔ sùà kiiyò, nààŋ wò yaà nyiìŋ wa wòò e kèì ko dòmàŋfeìŋ e nyaàiŋ dè e keì nyìngaà wo Jisɛ̀ Kulaì kuwa wèè wo kà dìì yèè e jòòwo gbeeɛ̀ doiŋ nàŋ dè maŋjɛ̀wɛ lɛ̀.