Nyɛ̀nɛ̀ŋ 10:15 - WƆŊ FƐ̀Ì EBÒ SÌÀŊ DAYÀA

¹⁵ Ke mìèɛ naŋ ɓɛìŋ gbòò ko nɛ̀ɛ̀uŋ niìŋ wààŋ, “Sèè wo Dayà wo woò wààŋ e nɛ̀ŋ yaà tɛ̀ɛ̀ wèè e nɛ̀ŋjè, ɓɔ̀ mùŋ woò mààŋ e fè zɛ̀nɛŋ niŋ yèè e fè tɛ̀ɛ̀ wèè jèe.”

Nyɛ̀nɛ̀ŋ 10:15 ပူးပေါင်းရင်းမြစ်များ

Maafiù 15:11

E nɛ̀ŋjeɛ̀ kɔ̀àùm kò sùà lɛ, e fòum nyɛ̀nɛ̀ŋ maŋ nɔ̀ŋ wò nyuùŋ gò zɛ̀nɛ̀ŋ, sɔɔ̀ e nɛ̀ɛŋ fuliàùm ko nyààŋ lɛ, tiŋ nàŋ nyɛ̀nɛ̀ùm maŋ nɔ̀ŋ wo nyuùŋ gò zɛ̀nɛ̀ŋ.”

Nyɛ̀nɛ̀ŋ 10:16

Tɛɛ̀ naŋ kaaìŋ sùà taai, pangàà wɔŋ dèyèɔ naŋ ɓɛìŋ jòwò ko àìjɛnɛ̀ŋ fiò.

Nyɛ̀nɛ̀ŋ 10:28

Wo Pììlɛ naŋ nyiŋ woò wààŋ, “Nàŋ nyìmàŋ kɛ̀ è yaà ke sàwà kɛ̀ yàwi nààŋ Juùù nyaŋ e yìwìà wɔŋ fùɔ̀ŋ Jùdiàa yaà anyùùŋ nyaŋ fè àŋ Juùù nyaŋ ɓɔ̀ àŋ kpulià kè nyɛ̀nɛŋ ɔ̀ɔ̀ eiŋ nyiŋ jaamè. Kɛɛ wo Dayà wòim tɔɔ̀ kɛ̀ wo gò gongò kɛ̀ wò nyùùŋ gbiŋ fè zɛ̀nɛuŋ ɔ̀ɔ̀ wo fè tɛ̀ɛ̀.

Nyɛ̀nɛ̀ŋ 11:9

Ke mìèɛ naŋ ɓɛìŋ gbòò e yìwìà ko àìjɛnɛ̀ŋ kè naŋ woò wààŋ, ‘Sèè wo Dayà wo woò wààŋ e nɛ̀ŋ yaà tɛ̀ɛ̀ wèè e nɛ̀ŋjè, ɓɔ̀ mùŋ woò mààŋ e fè zɛ̀nɛŋ niŋ yèè e fè tɛ̀ɛ̀ wèè jèe.’

Nyɛ̀nɛ̀ŋ 15:20

Kɛɛ sìngà wiìŋ nyiŋ wɔŋ fɛi e woò nyiŋ kɛ̀ ɓɔ̀ àŋ jè è nɛ̀ŋ gbiŋ e yèɛ fè zɛ̀nɛŋ niŋ lɛ̀ e fèfoo kɛ̀ àŋ naŋ niŋ gììyè saaà koɓɛ̀ wò dayà joo, e kìlà aŋ gbaaì e kèè e hmɔŋtu nyɛ̀nɛŋ, yèè ɓɔ̀ àŋ gbìlà wò yilìɔ naŋ fɔ̀ yèè wo gò wùàŋ màŋ sɛ̀ìŋ wɔ, yèè ɓɔ̀ àŋ gbìlà màŋ sɛ̀ìŋ.

Nyɛ̀nɛ̀ŋ 15:29

kɛ̀ ɓɔ̀ nìŋ jè mànɛ̀ŋ jè saaà gbiŋ è yèɛ àŋ naŋ gììyè saaà koɓɛ̀ àŋ dayà joo lɛ̀, yèè ɓɔ̀ nìŋ gbìlà màŋ sɛ̀ìŋ. Ɓɔ̀ nìŋ gbìlà wò yilìɔ naŋ fɔ̀ yèè wo gò wùàŋ màŋ sɛ̀ìŋ wɔ, e kìlà nìŋ kuwa naŋ gbààì e kèè e hmɔŋtu nyɛ̀nɛŋ. Sèè nìŋ kuwo maŋ sàwà mɛɛ̀ŋ, kɛ̀ nàŋ nyɛ̀nɛ̀ŋ tɛ̀ɛ̀. È naiŋ tùɔ̀ŋ e zùùmo siaŋ, enììsìàiŋ.”

Nyɛ̀nɛ̀ŋ 15:9

Wo kuwà è tɛɛ gòòno yàwi nyiŋ è fèemàŋ. Àŋ naŋ sìè e hààwe nyiŋ nɛ̀ wo Dayà sùà, yèè wò naŋ nyɛ̀nɛ̀ŋ maŋ jii nyiŋ màŋ maŋ zɛ̀nɛ̀ŋ.

Luùm 14:14

Mìŋ naŋ tùlìè wo Kanaà Jisɛ̀ Kulaì jii, yèè wòim nyɛ̀nɛ̀ŋ kà nyìmàŋ kɛ̀ e nɛ̀ŋje gò zɛ̀nɛ̀ŋ bà gbiŋ fè wèè wò nyuùŋkpùuŋ. Kɛɛ sèè mùŋ gongà kɛ̀ manɛ̀ŋ je bà kòò màŋ yaào maŋ yè maŋ fè zɛ̀nɛŋ miŋ wèè jèe màŋ, kɛ̀ màŋ do nàŋ nɔ̀ŋ manɛ̀ŋ jè gbàŋ weèum.

Luùm 14:20

Ɓɔ̀ mùŋ dangè esàɓù è wànàŋ nɛ̀ŋjeɛ̀ mùŋ manaŋ lɛ̀ è do pɔ̀ɔ̀pɔ̀ɔ̀ è tòmoɛ̀ wò Dayà naŋ nyɛ̀nɛ̀ŋ lɛ. Wo nyùùŋ wò wɛ̀i ɓɛ̀nɛ̀ŋ jè manɛ̀ŋ je màŋ gbiŋ, kɛɛ è do nàŋ nɔ̀ŋ e keì ɓàa wèè maŋ jè e nɛ̀ŋje ɗewe gbiŋ e yèɛ do nàŋ nyɛ̀nɛ̀ŋ wo nyùùŋ ɓà ke dòmaŋ sìaŋ yèè wo sɛ̀ɛ̀ maŋ jùumù sùà.

1 Kɔliìŋ 10:25

Nìŋ yaà e nyaàŋ gè diɛiŋ wèè naŋ gbìlà yilì gbiŋ e yìwìà e bòliɛ̀ sùà, e yèɛ niŋ fè tùàŋ màŋ nɔnɔŋ gbiŋ èsàɓù è gòngoiŋ nɛ̀ sùà.

Taitɔ̀ 1:15

Wo nyùnɔ̀ɔŋ gbiŋ zɛnɛŋ wɔ̀, manɛ̀ŋ maŋ gbiŋ zɛnɛŋ weèuŋ. Kɛɛ wo nyùnɔ̀ɔŋ fè zɛ̀nɛ̀ŋ yèè wo kuwà è hààwe wɔ, e nɛ̀uŋ gbiŋ fè zɛ̀nɛ̀ŋ ke jiiuŋ nɛɛ̀ŋ kànɛ̀ɛŋ yèè e gòngouŋ nɛ̀ gbiŋ è naŋ pɔɔpɔ̀ɔ̀.

Maŋ kèì nyɛɛnɛŋ 14:20

Àŋ naŋ wa nɔ̀ɔ̀ maŋ gbɛ̀mɛ̀ɛ̀ŋ komaŋ màŋ wɔŋ golo tììlà maŋ gbɛ̀mɛ̀ɛ̀ɔŋ sùà, wɔŋ yèɔ fè wa kò jawa gbeeì wɔŋ, yèè nààŋ àŋ naŋ wa nɔ̀ɔ̀ maŋ gbɛ̀mɛ̀ɛ̀ŋ maŋ, maŋ sɛ̀ìŋ naŋ miŋ wa fòlò sùà. Maŋ sɛ̀ìŋ maŋ naŋ wa kìlè e wuiyè màaŋ gbee. E mùnlàŋ kìì wùìyèɛ yaà wa e sɔ̀ngɔ̀ e maàà hɔ̀nɔ̀ɔ̀ tìyèe, yèè e zùtuuŋ kii niŋ nɛ̀ yaà wa e sɔ̀ngɔ̀ e kùànsùà kpùù kpùù nɔɔnɔŋ e yèɛ naŋ ɓɛ̀nɛ̀ŋ ɓùwà wɔŋ kaì fàà kpuuɔ̀ wo nyuùŋ dùùnyàŋ sòoɔ̀ toomàŋ wèè sòoɔ̀ dùàŋ ɔ̀ɔ̀ wo sie wɔ̀ŋ.