Nyɛ̀nɛ̀ŋ 10:11 - WƆŊ FƐ̀Ì EBÒ SÌÀŊ DAYÀA

¹¹ Wò naŋ yɛ̀mɛ̀ ko àìjɛnɛ̀ŋ naŋ yilè, yèè e nɛ̀ŋ bà yaà dèyà sùà mààŋ wɔŋ deè fàà gbee, e teenè mààŋ anyùùŋ bà kùwà wuùŋ maŋ gènè tiinàŋ maŋ àŋ yaà wuùŋ dèèyè sùà e ɗuunyaàŋ diɛŋ.

Nyɛ̀nɛ̀ŋ 10:11 ပူးပေါင်းရင်းမြစ်များ

Maafiù 8:11

Anyuùŋ zimgbe do wa nàwèè nàŋ yèwè maŋ tàta màŋ gbiŋ sùà wèè aŋ jɛ̀ì wo Eɓulɔhɛɛ̀ŋ, wo Ààze, yaà wo Jègɔ kɔɔ ko jììyè nɛ̀ŋ e Kànà àìjɛnɛ̀ɛŋ sùà.

Luù 3:21

Nààŋ wo Jɔ̀ɔŋ yaà wa gùùyè anyùùŋ nyaŋ, wo Jisɛ̀ wuŋ pɛɛ naŋ wa nɔ̀ŋ gùauŋ. Kpeiŋ nààŋ wò yaà wa zoolo, ke nyiliɛ̀ naŋ yilè,

Jɔ̀ɔŋ 1:51

Mìŋ yààìŋ wòò sùà e tɔɔɓaaà kɛ̀ nìŋ do nàŋ yɛ̀mɛ̀ ko àìjɛnɛ̀ŋ ko yilè yèè naŋ yɛ̀mɛ̀ aŋ màìkà Dayà nyaŋ àŋ jowo àŋ deye e kìlà naŋ nyiŋ yɛmɛ̀ àŋ yaà dèyà sùà miàim wo Jɔ̀àfèlàà Nyuùŋ Kpùnɔɔ̀ŋ diɛŋ.”

Jɔ̀ɔŋ 11:52

Yèè wo Kaifɔ̀ naŋ ɓɛìŋ woò wààŋ kɛ̀ wo Jisɛ̀ fè wa nɔŋ fà sùà wèè nyiŋ guùŋ. Wò yaà wa fàa sùà wèè wo hìàŋ anyùùŋ Dayà nyaŋ gbiŋ naŋ wa ɓaayè nyaŋ wèè aŋ nɔ̀ŋ mìèsùàguùŋ.

Jɔ̀ɔŋ 12:32

Sèè miàim wo Jɔ̀àfèlàà Nyuùŋ kpùnɔɔ̀ŋ nɔ̀ŋ wa nàwèè jòòwoim e ɗuunyaàŋ diɛŋ, mìŋ do nàŋ nyɛ̀nɛ̀ŋ anyùùŋ nyaŋ gbiŋ aŋ hnàŋ ko nɛ̀ɛ̀ŋ miìŋ.”

Nyɛ̀nɛ̀ŋ 10:12

Maŋ ɗolònɛ̀ŋ kàntinàŋ gbiŋ, aŋ yilì gɔ̀ɛ̀ɛ̀ dìì e dììɛ diɛŋ, yèè aŋ wòì e yìwìà ke nyiliɛ̀ yaà wa wɔŋ dèè bi sùà.

Nyɛ̀nɛ̀ŋ 11:5

Wò naŋ nyiŋ woò wààŋ, “E teengaà mìŋ yaà dài ko jawaì àŋ nyaaŋ Jɔpà ko zòòlò Dayà lɛ, mìŋ naŋ gò e gɔa yèè mìŋ naŋ yɛ̀mɛ̀ e nɛ̀ŋ bà mààŋ wɔŋ deè fàà gbee, wɔ̀ŋ yaà dèyà sùà e yìwìà ko àìjɛnɛ̀ŋ e teenè mààŋ anyùùŋ bà kùwà wuùŋ maŋ gènè tiinàŋ maŋ, wɔ̀ŋ naŋ hàì koɓɛ̀i mìŋ yaà lɛ yèè wɔ̀ŋ naŋ jɛi gìli.

Nyɛ̀nɛ̀ŋ 7:56

Wò naŋ nyiŋ woò wààŋ, “Yɛ̀mɛìŋ! Mìŋ yɛmɛ̀ ko àìjɛnɛ̀ŋ naŋ yilè yèè wo Jɔ̀àfèlàà Nyuùŋ Kpùnɔɔ̀ŋ sia wɔŋ kùàŋ jìkà Dayàa!”

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Luùm 9:4

Anyùùŋ Ezɔ̀ɛ̀ nyaŋ, nyiiŋ wo Dayà naŋ tàeɗùù. Wò naŋ nyiŋ ɓemè wèè aŋ nɔ̀ŋ anyunùuŋ. Wò naŋ nyiŋ tɔ̀ɔ̀ e jòòwouŋ nɛ̀, yèè wò naŋ bànè e ɗààhìì e mìèsùàguùŋ ko nɛ̀ɛ̀ŋ nyiŋ niìŋ yèè wò naŋ nyiŋ kìɛ̀ŋ maŋ Sàwàuŋ màŋ. Nyiiŋ nàŋ kanaŋ e ɗèwè kìì zòòlo kɛnɛɛ̀ yèè e ɗààhiìɛ wo Dayà naŋ ɓèmè ko nɛ̀ɛ̀ŋ nyiŋ niìŋ lɛ.

Gàla 2:15

Tɔɔɓaa, è yààìŋ aŋ Juùù e kòmò kii wilɛ̀ sùà yèè e feìŋ “ànyùùŋ màŋ jùumù” mààŋ ànyùùŋ nyaŋ fè àŋ Juùù nyaŋ, màànààŋ àŋ woà lɛ.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Ɛfesɔ̀ 1:10

E ɗèweɛ̀ wo Dayà do yaà nàŋ nyɛ̀nɛ̀ŋ sèè e teenga nyiŋ nɛ̀ è haì lɛ, nàŋ yaà wèè wo hìàŋ manɛ̀ŋ bàneuŋ màŋ gbiŋ koɓɛ̀ guùŋ. E nɛ̀ŋ gbiŋ naŋ nɔ̀ŋ ko àìjɛnɛ̀ŋ yaà e ɗuunyaàŋ diɛŋ, yèè wo Jisɛ̀ Kulaì nɔ̀ŋ wo ɓɛ̀èɗìɔ e weè miŋ.

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

Maŋ kèì nyɛɛnɛŋ 11:19

Ke Saaŋ Zòòlò Dayàa ko àìjɛnɛ̀ŋ yaà wa yìle nyiŋ, yèè mìŋ naŋ yɛ̀mɛ̀ wɔŋ Kààŋ e Ɗààhìì e Mìèsùàgùùŋ Dayàa jaao. Ko fùùiŋ naŋ wa gɛɛ̀ wàìŋ wàìŋ, ko gùmàŋ, ko kpààŋ, e dììɛ kìlà, yèè mìŋ naŋ yɛ̀mɛ̀ e gbamàŋkòmàŋ naŋ sɔ̀ɔ̀.

Maŋ kèì nyɛɛnɛŋ 19:11

Mìŋ naŋ yɛ̀mɛ̀ ko àìjɛnɛ̀ŋ naŋ yilè, yèè mìŋ naŋ yɛ̀mɛ̀ wo sòo fua. Àŋ nyaaŋ wa wo nyuùŋ dùùnyauŋ nɔɔ̀ŋ nyààŋ, Tɔ̀ɔ̀nyaàŋ yèè Tɔɔɓaa. Wò toomàŋ e tɔ̀ɔ̀nyaàŋ wèè wo hàà kiti e kìlà wo sòmàŋ e ɗuàuŋ nɛ̀.

Maŋ kèì nyɛɛnɛŋ 4:1

E teenga lɛɛ̀ sùà, mìŋ naŋ ɓɛìŋ gò e gɔa yèè mìŋ naŋ yɛ̀mɛ̀ wɔŋ gbemgbee naŋ yilè ko àìjɛnɛ̀ŋ. Mìŋ naŋ kòmò ke mìè gbòa mààŋ e pòtanàŋ àŋ yaà fuunyɛŋ, ke yèɛ mìŋ naŋ kòmò e tèèngà guùŋ bà kè yaà gbùùyè ko nɛ̀ɛ̀ŋ miìŋ. Ke mìèɛ naŋ woò wààŋ, “Jowà kià, mìŋ doum nàŋ tɔɔ̀ kɛ̀ kiìŋ nàŋ do nàŋ kaaìŋ eɓìèmàŋjɛ̀wɛ̀ tɛɛ̀.”