Nyɛ̀nɛ̀ŋ 10:1 - WƆŊ FƐ̀Ì EBÒ SÌÀŊ DAYÀA

¹ Wo felaa bà yaà wa ko Sesèlià àŋ nyaaŋ wo Kɔ̀nilìɔ̀. Wuŋ nàŋ yaà wa wo nyuùŋ gbeeɔ̀ wèè ke gbòò aŋ kààlòòɗùà Luùm nyaŋ àŋ nyaaŋ nyààŋ “Ètaliɛ̀ŋ Jɔ̀àa.”

Nyɛ̀nɛ̀ŋ 10:1 ပူးပေါင်းရင်းမြစ်များ

Maafiù 27:27

Kpeiŋ aŋ kààlòòɗùà Paalè nyaŋ naŋ kɔ̀ɔ̀ wo Jisɛ̀ ko sààŋ gbèè kanaà, yèè àŋ kààlòòɗùà gbànaŋ nyàŋ gbiŋ nauŋ gbònò kɔɔ.

Maafiù 27:54

Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

Luù 7:2

Wo kààlòòɗùà anyùùŋ Luùm nyaŋ bà koɓɛ̀ bi kuwa wa wo ɓɔìjɔ̀à wo yèɔ wò manaŋ wa zimgbe wɔ̀. Kɛɛ wo felaaà yaà wa siinyɛŋ ebɛ̀ŋ fàa.

Jɔ̀ɔŋ 18:12

Wo sìèfèìŋ aŋ kààlòòɗùà anyùùŋ Luùm nyaŋ yèè aŋ kààlòòɗùàuŋ nyàŋ, yèè aŋ ɓɔ̀ìjɔ̀à aŋ Juùù nyaŋ, naŋ kùwò wo Jisɛ̀ àŋ nauŋ dèkè.

Jɔ̀ɔŋ 18:3

Nààŋ wo Juɗà naŋ wa jɔ̀ɔ̀ e ɗààhiì wèè wo maàŋ wo Jisɛ̀, wò naŋ wa kɔ̀ ko kpòkpòi. Kɛɛ wò naŋ wa kɔ̀ɔ̀ ke gbòò aŋ kààlòòɗùà Luùm nyaŋ bà, yèè anyuùŋ tùnìàŋ ke Saaŋ Zòòlò Dayà nyaŋ bà, aŋ yè nyaŋ aŋ kànà sìèfèìŋ zòòlo nyàŋ yèè Fɛlosiì nyaŋ naŋ wa tùɔ̀ŋ wèè aŋ kùwà wo Jisɛ̀. Nààŋ àŋ yaà wa kɔɔyɛ, àŋ naŋ kɔ̀ɔ̀ maŋ sìngà mɛ̀ɛŋ, maŋ laumpò, yèè manɛ̀ŋ sùmiaŋ ko kààmè Jisɛ̀.

Nyɛ̀nɛ̀ŋ 10:24

Wɔŋ niìsìaà bàa àŋ naŋ hàì ko Sesèlià. Wo Kɔ̀nilìɔ̀ naŋ wa nyààŋ aŋ wùìyauŋ nyàŋ yèè aŋ dàwi mɔ̀ɔ̀nɔuŋ nyàŋ bà, esaɓù kɛ̀ àŋ yaà nyiŋ wa yɛ̀ɛ̀mɛ̀ dòmaŋ.

Nyɛ̀nɛ̀ŋ 21:31

Nààŋ àŋ yaà wa ɓùlìè wo Pɔɔ̀ wèè auŋ jìwà, ebò naŋ hàì koɓɛ̀ wo kànà aŋ kààlòòɗùà nyaŋ e yìwìà wɔŋ fùɔ̀ŋ anyùùŋ Luùm nyaŋ sùà kɛ̀ anyùùŋ nyaŋ dàà ke gbòà ko Jùlusɛ̀làm jawaì gbiŋ.

Nyɛ̀nɛ̀ŋ 21:8

Wɔŋ niìsìaà bàa è naiŋ kɔ̀ ko Sesèlià; yèè è naiŋ kɔ̀ ko gbòò Felè, wo nyuùŋ gbòà ke mìè Dayàa. Wò yaà wa anyùùŋ nɔɔnɔŋ le tìyèe nyàŋ bà guùŋ wo yèɔ naŋ wa kpùùmò aŋ keela tàeɗùù nyaŋ, yèè àŋ naŋ nɔ̀ŋ ko nɛ̀ɛ̀uŋ niìŋ.

Nyɛ̀nɛ̀ŋ 22:25

Kɛɛ nààŋ aŋ kààlòòɗùà nyaŋ nauŋ wa dèkè wèè auŋ ɓùlà, wo Pɔɔ̀ naŋ dàwè wo nyùùŋ gbèè aŋ kààlòòɗùà nyaŋ siao wa wɔ̀ wààŋ, “Ke sàwàa naiŋ gè nyààŋ diɛŋ wèè naŋ ɓùlà wo jɔ̀à kòmàŋ anyùùŋ ko Luùm nyaŋ bà paŋgàà nìŋ koàuŋ ke sàwàa fɛɛ̀feìŋ wèè nauŋ gbaì?”

Nyɛ̀nɛ̀ŋ 23:23

Wo kànà aŋ kààlòòɗùà nyaŋ naŋ nyààŋ aŋ sìèfèìŋ aŋ kààlòòɗùàuŋ nyàŋ àŋ tìyèe yèè wò naŋ nyiŋ woò wààŋ, “Sèè wɔŋ dùmɔ̀ɔŋ gboo nɔɔnɔŋ le tiinàŋ wɔŋ dùùm wɛɛ̀ŋ, bànèbanè aŋ kààlòòɗùà hɔ̀nɔ̀ɔ̀ tìyèe yèè anyuùŋ dùùnyàŋ aŋ sòo kpɛ̀ùŋ taai jɛ̀wɛ̀ zììyà yaà anyuùŋ sùmìàŋ maŋ kpɛɛ aŋ hɔ̀nɔ̀ɔ̀ tìyèe wèè niŋ ka ko Sesèlià.

Nyɛ̀nɛ̀ŋ 23:33

Nààŋ àŋ naŋ hàì ko Sesèlià, àŋ naŋ kìɛ̀ŋ wɔŋ fɛiɔ̀ koɓɛ̀ wo Kanaà Filɛ̀ yèè àŋ naŋ kìlè wo Pɔɔ̀ ko nɛ̀ɛ̀uŋ niìŋ.

Nyɛ̀nɛ̀ŋ 25:1

Nààŋ wo Fɛtɔ̀ naŋ tɔ̀ɔ̀tù e tòmouŋ nɛ̀, maŋ ɗɔ̀ɔ̀ taai naŋ mààŋ yèè wò naŋ kɔ̀ ko Jùlusɛ̀làm e yìwìà ko Sesèlià.

Nyɛ̀nɛ̀ŋ 25:13

E teenga bà naŋ mààŋ yèè wo Kanaà Àgulepɔ̀ yaà wo jaauŋ nɔɔ̀ŋ Bɛ̀niìŋ naŋ hnè ko Sesèlià ko jààmè wo Fɛtɔ̀.

Nyɛ̀nɛ̀ŋ 27:1

Nààŋ wo Fɛtɔ̀ yaà anyunùuŋ nyàŋ naŋ wa ɗewè wèè àŋ sɛɛ̀ wɔŋ meeɔ̀ sùà aŋ ka ko Luùm, àŋ naŋ wa kìlè wo Pɔɔ̀ yaà aŋ pèesìnàŋ gbànaŋ nyàŋ koɓɛ̀ wo kànà aŋ kààlòòɗùà titi nyàŋ, e deèuŋ nɛ̀ nàŋ yaà wa wo Juliɔ̀, wo Kànà Gbèè wɔŋ fùɔ̀ŋ anyùùŋ Luùm nyaŋ wèè wo yɛmɛ̀ nyiŋ diɛŋ.

Nyɛ̀nɛ̀ŋ 27:31

Wo Pɔɔ̀ naŋ wòò wo Juliɔ̀, wo kànà aŋ kààlòòɗùà nyaŋ yèè aŋ kààlòòɗùà nyaŋ wààŋ, “Sɔɔ̀ anyuùŋ dùùnyàŋ meeèɔ aŋ jèè wɔ̀ŋ meeèɔ sùà, sèè è go yɛi nɔ̀ŋ, kɛ̀ maŋ nyiiŋ màŋ fè jòèye miŋ.”

Nyɛ̀nɛ̀ŋ 27:43

Kɛɛ wo kànà aŋ kààlòòɗùà nyaŋ manaŋ wa wo jòèyè wo Pɔɔ̀, tiiŋ naŋ nyɛ̀nɛ̀ŋ aŋ kààlòòɗùà nyaŋ gò wa nyɛ̀nɛ̀ŋ è yèɛ àŋ naŋ wa ɗewè lɛ. Yèè wò naŋ wòò anyùùŋ nyaŋ gbiŋ naŋ wa ɓɛ̀nɛ̀ŋ sɛ̀ɛ nyàŋ kɛ̀ aŋ sɛɛ̀ ko kòiì aŋ jòwà ko tiwiì.

Nyɛ̀nɛ̀ŋ 8:40

Wo Felè naŋ wa yɛ̀mɛ̀ wuŋ bi wò yaà ko jawaì àŋ nyaaŋ ko Àzotɔ̀. Wò naŋ wa kìlìè maŋ jawa màŋ gbiŋ sùà wɔŋ fàà bi, e jèèsùà wo hàì ko Sesèlià, wo yaà wòò Ebò Siaàŋ e nyaàìŋ dè wo Jisɛ̀ koɓɛ̀ anyùùŋ nyaŋ.