Nyɛ̀nɛ̀ŋ 1:7 - WƆŊ FƐ̀Ì EBÒ SÌÀŊ DAYÀA

⁷ Wo Kanaà Jisɛ̀ naŋ nyiŋ fasàì wààŋ, “Wo Dèda miɔ̀ŋ wuŋ guùŋ nàŋ ɗewà kɛ̀ kiìŋ è teenga maŋ keì mɛɛ̀ŋ do nàŋ kaaìŋ. Wo Dayà goiŋ gè nyààŋ diɛŋ wèè naŋ nyìmàŋ è teengaà màŋ do nàŋ kaaìŋ lɛ.

Nyɛ̀nɛ̀ŋ 1:7 ပူးပေါင်းရင်းမြစ်များ

Maafiù 20:23

Yèè wo Jisɛ̀ naŋ nyiŋ woò wààŋ, “Tɔɔɓaa nìŋ do nàŋ tììyè wɔŋ kpòòɔ mìŋ do nàŋ tììyè sùà wɔŋ. Kɛɛ miŋ kuwà è gààaŋ wèè ka tà wò nyùùŋ gbiŋ kè ɗùù wèè woim jɛ̀ì wɔ̀ŋ kùàŋ gbɔnɔŋ ɔ̀ɔ̀ wɔ̀ŋ kùàŋ jìka. Wo Dayà, wo Dèda miɔ̀ŋ wuŋ bi nàŋ do nàŋ kìɛ̀ŋ maŋ jɛ̀i mɛɛ̀ŋ maŋ koɓɛ̀ anyùùŋ nyaŋ wò manaŋ wèè aŋ miŋ jɛ̀ì diɛŋ nyàŋ.”

Maafiù 24:36

Wo Jisɛ̀ naŋ wa ɓɛìŋ woò wààŋ, “Wo nyùùŋ gbiŋ nyimààŋ kè ɗɔɔɛ̀ ɔ̀ɔ̀ è teengaà màŋ keì mɛɛ̀ŋ do nàŋ kaaìŋ lɛ, miŋ dò nàŋ sɔ̀ aŋ màikà nyaŋ ko àìjɛnɛ̀ŋ ɔ̀ɔ̀ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ. Wo Dèdaà wuŋ guùŋ nɔŋ naŋ niŋ nyìmè.

Luù 21:24

Àŋ do nàŋ jìwìè aŋ bà nyiŋ maŋ kòyà ɗùà. Àŋ do nàŋ kɔ̀ɔ̀ aŋ bà nyiŋ e pèesìnàŋ dìì maŋ fuɔŋ joo sùà. Anyùùŋ nyaŋ fè àŋ Juùù nyaŋ do nàŋ ɓèmè ko Jùlusɛ̀làm, e kìlà aŋ doo nàŋ jeè e jèèsùà e tèèngà anyùùŋ maŋ fuɔŋ joo nyàŋ e jùà.

Nyɛ̀nɛ̀ŋ 17:26

E yìwìà wo nyùùŋ guùŋ sùà wo Dayà naŋ bànè anyùùŋ kpùuŋ nyàŋ e ɗuunyaàŋ, yèè wò naŋ wa ɗewè kɛ̀ kiìŋ è teenga yèè kòò anyuùŋ kpùuŋ gbiŋ do nàŋ nɔ̀ŋ.

Ɛfesɔ̀ 1:10

E ɗèweɛ̀ wo Dayà do yaà nàŋ nyɛ̀nɛ̀ŋ sèè e teenga nyiŋ nɛ̀ è haì lɛ, nàŋ yaà wèè wo hìàŋ manɛ̀ŋ bàneuŋ màŋ gbiŋ koɓɛ̀ guùŋ. E nɛ̀ŋ gbiŋ naŋ nɔ̀ŋ ko àìjɛnɛ̀ŋ yaà e ɗuunyaàŋ diɛŋ, yèè wo Jisɛ̀ Kulaì nɔ̀ŋ wo ɓɛ̀èɗìɔ e weè miŋ.

1Time 6:15

E hnàauŋ nɛ̀ do naŋ nɔ̀ŋ e teenga kɛnɛɛ̀ wo Dayà naŋ jàà e ɓula lɛ̀, wuŋ guùŋ nɔŋ nàŋ yaà wo Kana jòèyeɔ̀, wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔɔŋ nyaŋ gbiŋ diɛŋ.

2Time 3:1

Jàa jii kɛ̀ e keì nyìnga do wa nàwèè nàŋ nɔ̀ŋ maŋ ɗɔɔ dìàmaŋ màŋ sùà.