Nyɛ̀nɛ̀ŋ 1:25 - WƆŊ FƐ̀Ì EBÒ SÌÀŊ DAYÀA

²⁵ wèè wo nyɛ̀nɛ̀ŋ e tòmò keela tàèɗùùɛ ebɛ̀ŋ wo Juɗà, wo yèɔ naŋ dàngè e tòmoɛ̀ yèè wò naŋ kɔ̀ koɓɛ̀i wò kanaŋ wa lɛ̀.”

Nyɛ̀nɛ̀ŋ 1:25 ပူးပေါင်းရင်းမြစ်များ

Maafiù 25:41

“Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Maafiù 26:24

Miàim wo Jɔ̀àfèlàà Nyuùŋ Kpùnɔɔ̀ŋ do nàŋ fɔ̀ màànààŋ nɔŋ è yaà sìnga niŋ wɔŋ fɛ̀ì Dayàa sùà e nyaàiŋ eim dè. Kɛɛ diè e keì nyìnga do yɛi nàŋ nɔ̀ŋ wèè wo nyùnɔ̀ɔŋ do nàŋ mààŋ miàim wo Jɔ̀àfèlàà Nyuùŋ Kpùnɔɔ̀ŋ le! È hewa weè nàŋ nɔŋ tɛ̀ɛ̀ weèuŋ sèè wo nààŋ gouŋ wa weè komàŋ gbiŋ!”

Jɔ̀ɔŋ 13:27

Wo Juɗà naŋ nɔŋ kùwò ke gbɔ̀uɛ̀ fa, wo Sɛ̀tanàaŋ wò sɛ̀ɛ̀ ke jiiuŋ nɛɛ̀ŋ sùà. Yèè wo Jisɛ̀ nauŋ woò wààŋ, “Nyɛnɛ̀ŋ e yèɛ mùŋ manaŋ maŋ nyɛ̀nɛ̀ŋ lɛ fiò.”

Jɔ̀ɔŋ 17:12

E teengaà yàwi nyiŋ yààìŋ wa koɓɛ̀ guùŋ lɛ, mìŋ naŋ nyiŋ wa yɛ̀mɛ̀ diɛŋ e yìwìà e gààaŋ mùŋ naim wa kiɛ̀ŋ lɛ sùà. Mìŋ naŋ nyiŋ wa gbònò koɓɛ̀ guùŋ, yèè wo bà gbiŋ gò wa go, sɔɔ̀ wò guùŋ, wo jɔ̀àfèlàà wo nyùùŋ maŋ kpèè naanààŋ bà wo yèɔ naŋ wa sɔ̀ dèè wèè wo go wɔ̀. Tɛɛ̀ zà naŋ wa kaaìŋ wèè kɛ̀ e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

1 Kɔliìŋ 9:2

Sèè pɛɛ anyùùŋ bà gòim jàà kùàŋ dìì wèè ka nɔ̀ŋ wò keela tàeɗùù, kɛɛ tɔɔɓaa nyɛ̀iŋ naim jàà kùàŋ dìì. Esàɓù maŋ nyiiŋ màŋ e nɔ̀ŋ miŋ bà miŋ bà wo Kanaà Jisɛ̀ sùà, yèè nyɛ̀iŋ bi nìŋ yaà aŋ seì wèè e tòmò keela tàeɗùù mɛ̀ wo Kanaà sùà.

Gàla 2:8

Wo Dayà, naŋ wa tùɔ̀ŋ wo Pììlɛ yèè wò nauŋ nyɛ̀nɛ̀ŋ wo keela tàeɗùù koɓɛ̀ aŋ Juùù jàà kpùa nyàŋ, yèè wò yààìm naàŋ tòòmo sùà wèè ka dàànè ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ.