Nyɛ̀nɛ̀ŋ 1:15 - WƆŊ FƐ̀Ì EBÒ SÌÀŊ DAYÀA

¹⁵ Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 1:15 ပူးပေါင်းရင်းမြစ်များ

Maafiù 13:31

Wo Jisɛ̀ naŋ nyiŋ ɓɛìŋ wòò ke kàɓanè joo. Wò naŋ woò wààŋ, “E ɗewe lɛɛ̀ e Kànà àìjɛnɛ̀ɛŋ è yaà. È yaà mààŋ sèè wo nyuùŋ tòmò ɓùɔ wo ɓèmè ke kaaŋ komaŋ wo nyiŋ nyùàŋ ko ɓùuŋ noo.

Luù 22:32

Kɛɛ kà zoolò weèum Saimɔ̀ŋ, wèè kɛ̀ e hààwe mɔ̀ɛ̀ nyìngà sùà. Yèè sèè muŋ kɛɛ maŋjɛ̀wɛ ko nɛ̀ɛ̀ŋ miìŋ, kpùùmaŋ aŋ wùìya gbànaŋ nyàŋ.”

Jɔ̀ɔŋ 14:12

Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ.

Jɔ̀ɔŋ 21:23

Yèè ebò naŋ ɓààyè anyùùŋ màŋjɛ̀wɛ̀ Jisɛ̀ nyaŋ e fèemàŋ kɛ̀ wo nyùùŋ màŋjɛ̀wɛ̀ wɛɛ̀ wo naàŋ wa nàwèè fɔ̀. Kɛɛ wo Jisɛ̀ gò wa woò wààŋ wo naàŋ fɔ̀. Wò naŋ wa nɔŋ woò wààŋ, “Sèè ka mànàŋ wèè wo jèè wɔŋ nyiiŋ gèeɔ̀ sùà e jèèsùà ka wa nàwèè kɛ̀ɛ̀ maŋjɛ̀wɛ, kiìŋ tii kuwa eum nyinìàŋ?”

Nyɛ̀nɛ̀ŋ 10:23

Wo Pììlɛ naŋ jɔ̀ɔ̀yɛ̀ aŋ wùìya nyɛɛ̀ŋ ko saaìŋ, yèè wò naŋ nyiŋ woò wààŋ aŋ jàwà wèè wɔŋ dùmɔ̀ɔŋ. Wɔŋ niìsìaà ke ɗɔɔɛ̀ bàa, wo Pììlɛ yèè anyùùŋ màŋjɛ̀wɛ̀ wo Kanaà Jisɛ̀ nyaŋ bà ko Jɔpà naŋ dè aŋ felaa nyàŋ naŋ yèwè ko gbòò Kɔ̀nilìɔ̀ nyaŋ maŋjɛ̀wɛ yèè àŋ naŋ kɔ̀.

Nyɛ̀nɛ̀ŋ 11:1

Aŋ keela tàeɗùù nyaŋ yèè anyuùŋ hààwe nyàŋ ko Jùdià kòmàŋ kɛ̀ anyùùŋ nyaŋ fè àŋ Juùù nyaŋ jàà ke mìè gbìàŋ Dayàa kùàŋ dìì.

Nyɛ̀nɛ̀ŋ 11:12

Wo Jìnàŋ Nɛɛmaàŋ naim woò wààŋ miŋ dè nyiŋ maŋjɛ̀wɛ e kaiŋ e kìlà wààŋ ɓɔ̀ mìŋ gè màŋhɛɛ. Anyuùŋ hààwe nyàŋ àŋ nɔɔnɔŋ dièguùŋ naim dè maŋjɛ̀wɛ e yìwìà ko Jɔpà yèè è naiŋ kɔ̀ ko Sesèlià, yèè yàwi nààŋ gbiŋ naiŋ jɔ̀ ko sààŋ Kɔ̀nilìɔ̀.

Nyɛ̀nɛ̀ŋ 11:26

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Nyɛ̀nɛ̀ŋ 11:29

Anyùùŋ màŋjɛ̀wɛ̀ nyaŋ gbiŋ ko Aŋtiɔ̀ naŋ wa ɗewè wèè aŋ toomò koɓɛ̀ guùŋ aŋ nyɛ̀nɛ̀ŋ maŋ kuàŋ gbònògbono e yìwìà e yèɛ naŋ wa ɓɛ̀ɛ̀nɛ̀ŋ wo nyùùŋ gbiŋ kùàŋ sùà lɛ wèè aŋ tùàŋ anyuùŋ hààwe dàwi nyiŋ nyàŋ ko Jùdià.

Nyɛ̀nɛ̀ŋ 12:17

Kɛɛ wo Pììlɛ naŋ nyiŋ gbùùyè maŋ kùàŋ wèè aŋ nɔ̀ŋ gìli. Kpeiŋ wò naŋ nyiŋ wòò e ɗewe kiiɛ̀ wo màìkà Kanaà nauŋ fulìè lɛ e yìwìà ko sààŋ nyìwìi. Yèè wò naŋ nyiŋ ɓɛìŋ woò wààŋ, “Wòoiŋ tɛɛ̀ koɓɛ̀ Jìiìŋ yèè anyuùŋ hààwe gbànaŋ nyàŋ wèè e yèɛ naŋ kaaìŋ lɛ.” Eɓìèmàŋjɛ̀wɛ̀ tii, wò naŋ nyiŋ jòò yèè wò naŋ kɔ̀ koɓɛ̀ joo bà.

Nyɛ̀nɛ̀ŋ 14:2

Kɛɛ aŋ Juùù nyaŋ yè nyaŋ kuwà wa e hààwe wò Kanaà Jisɛ̀ sùà nyaŋ naŋ wa nyɛ̀ŋɛ̀ŋ anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ maŋ jii fiiì wèè anyuùŋ hààwe nyàŋ.

Nyɛ̀nɛ̀ŋ 15:1

Anyùùŋ bà naŋ wa hnè e yìwìà ko Jùdià aŋ kà ko Aŋtiɔ̀ yèè àŋ naŋ tɔ̀ɔ̀tù anyuùŋ hààwe nyàŋ kàa nyààŋ, “Wo Dayà naàìŋ joeyè, sɔɔ̀ naŋ nɔ̀ŋ kpùa jàaiŋ màànààŋ e làngì Mòòzeɛ̀ naŋ kaà lɛ.”

Nyɛ̀nɛ̀ŋ 15:3

Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 16:2

Anyuùŋ hààwe nyàŋ gbiŋ ko Lesità yèè ko Ìkɔniɔ̀ŋ naŋ wa gbòò tɛ̀ɛ̀ e nyaàiŋ dè wo Timetè.

Nyɛ̀nɛ̀ŋ 16:40

Wo Pɔɔ̀ yèè wo Silà naŋ fòlò ko sààŋ nyìwìi yèè àŋ naŋ kɔ̀ ko gbòò Leɗià. Kuŋ àŋ naŋ mɛ̀ɛ̀ŋ anyùùŋ hààwè Kanaà, yèè àŋ naŋ nyiŋ kìɛ̀ŋ maŋ mìè gbòà jii nyingè wèè e hààwe nyiŋ nɛ̀, yèè àŋ naŋ kɔ̀.

Nyɛ̀nɛ̀ŋ 17:10

Wɔŋ dùùm guùŋ wiiŋ anyuùŋ hààwe nyàŋ naŋ tùɔ̀ŋ wo Pɔɔ̀ yaà wo Silà ko Bɛ̀lià. Yèè nààŋ àŋ nao haì, àŋ naŋ kɔ̀ ko sààŋ zòòlò aŋ Juùù nyaŋ.

Nyɛ̀nɛ̀ŋ 17:14

Ko fɛɛ̀feìŋ anyuùŋ hààwe nyàŋ naŋ tùɔ̀ŋ wo Pɔɔ̀ wɔŋ juwoɔ̀ kɔɔ, kɛɛ wo Silà yaà wo Timetè naŋ wa jòò ko Bɛ̀lià.

Nyɛ̀nɛ̀ŋ 17:6

Kɛɛ nààŋ aŋ gò nyiŋ noo wa mɛɛ̀ŋ, àŋ naŋ kùwò wo Jasììŋ yèè anyuùŋ hààwe nyàŋ bà yèè àŋ naŋ nyiŋ kɔ̀ɔ̀ koɓɛ̀ anyùùŋ gbèègbèè ko Luùm nyaŋ ko jawa gbeeì yèè àŋ naŋ kpààŋ sɛiŋ nyààŋ, “Aŋ felaa nyɛɛ̀ŋ sèèlè anyùùŋ fuɔŋ nyàŋ gbiŋ fùùŋ e ɗuunyaàŋ. Tiŋ tɛɛ̀ àŋ hnàŋ ko jawa wiì,

Nyɛ̀nɛ̀ŋ 18:18

Wo Pɔɔ̀ naŋ nɔ̀ŋ ko Kɔliìŋ wèè e teenga kpàa bà, yèèngàà wò naŋ fè anyuùŋ hààwe nyàŋ ke miè dìàmaŋ yèè wò naŋ kɔ̀ ko Siilià. Nààŋ wò yaà wa kɔɔyɛ, wo Pɛ̀silià yèè wo Àkuilà nauŋ wa dè maŋjɛ̀wɛ àŋ naŋ kɔ̀ ko Sìŋkulià. Kɛɛ wèè paŋ aŋ sɛɛ̀ wa wɔŋ meeèɔ sùà aŋ ka, wo Pɔɔ̀ naŋ wa dòò e ɗìuŋ nɛ̀ esaɓù kɛ̀ wò naŋ wa jɔ̀ɔ̀ e ɗààhiì koɓɛ̀ Dayài.

Nyɛ̀nɛ̀ŋ 18:27

Kpeiŋ wo Àpolò naŋ ɗewè wèè wo ka wɔŋ fùɔ̀ŋ Àkaayàa sùà. Yèè anyuùŋ hààwe nyàŋ ko Ɛfesɔ̀ nauŋ nyììnè jii, yèè àŋ naŋ sìngè wɔŋ fɛi koɓɛ̀ anyuùŋ hààwe nyàŋ ko jawa bi wèè aŋ jààuŋ kùàŋ dìì. Nààŋ wo Àpolò naŋ wa hàì ko Àkaayà, wò naŋ wa nɔ̀ŋ wo nyuùŋ kpùùmaŋ gbee koɓɛ̀ anyùùŋ nyaŋ gbiŋ naŋ wa hààwè wo Kanaà Jisɛ̀ sùà nyaŋ, esàɓù ke kpèè sìàŋ Dayàa àŋ naŋ nɔ̀ŋ anyuùŋ hààwe.

Nyɛ̀nɛ̀ŋ 21:17

E hài wi ko Jùlusɛ̀làm, anyùùŋ hààwè Kanaà naŋ wi ɓeè e zɔlɔ̀ sùà.

Nyɛ̀nɛ̀ŋ 21:20

Anyùùŋ nyaŋ gbiŋ naŋ wa kòmò e nɛ̀ɛŋ wo Pɔɔ̀ naŋ woò lɛ naŋ wa tɛ̀nɛ̀ŋ wo Dayà yèè àŋ naŋ wòò wo Pɔɔ̀ nyààŋ, “Wùìya wiɔ̀, màŋ yɛ̀mɛ̀ anyuùŋ taasùùŋ jika nyàŋ kinɛiŋ aŋ Juùù nyaŋ sùà naŋ hààwè Kanaà Jisɛ̀ nyaŋ. Aŋ gbiŋ yaà e wànàŋ sùà wèè aŋ jɔ̀ɔ̀lɔ̀ maŋ Sàwà Dayà maŋ dìì.

Nyɛ̀nɛ̀ŋ 21:7

È naiŋ sùònò e kàaiŋ wilɛ̀ e yìwìà ko Taà eiŋ kà ko Tɔlemàì, yèè è naiŋ zùùmò anyuùŋ hààwe nyàŋ yèè è naŋ nɔ̀ŋ ko nɛ̀ɛ̀ŋ nyiŋ niìŋ wèè e gɔ̀ɛ̀ɛ̀ guùŋ.

Nyɛ̀nɛ̀ŋ 22:5

Wo Kànà Sìèfèìŋ Zòòlo Gbeeɔ̀ yèè aŋ màmànkùmɛ̀ŋ fuɔɔ̀ŋ gbiŋ nyìmàŋ kɛ̀ mìŋ yààìŋ wòò e tɔɔɓaaà. Àŋ naim wa kìɛ̀ŋ maŋ fɛ̀ì miè gbìaŋ wèè koɓɛ̀ anyùùŋ gbèègbèè aŋ Juùù nyaŋ ko Dàmakɔ̀, wèè kao wa kùwà anyùùŋ màŋjɛ̀wɛ̀ Kanaà yèè ka nyiŋ hìàŋ ko Jùlusɛ̀làm wèè aŋ ka e keì nyìnga dìì.”

Nyɛ̀nɛ̀ŋ 28:14

Kuŋ è naiŋ wa mɛ̀ɛ̀ŋ anyuùŋ hààwe nyàŋ bà. Yèè àŋ naŋ wi dawè wèè e nɔ̀ŋ nyiŋ nee gòlò wèè maŋ ɗɔ̀ɔ̀ nɔɔnɔŋ le tìyèe. Nààŋ maŋ ɗɔɔ miiŋ naŋ mààŋ, è naiŋ noo yèwè yèè è naiŋ kɔ̀ ko jawa gbeeì ko Luùm.

1 Kɔliìŋ 15:6

E kìlà wò naŋ ɓɛìŋ fòlò aŋ wùìya nyàŋ bà feìŋ àŋ nìàŋ anyùùŋ hɔ̀nɔ̀ɔ̀ nɔɔnɔŋ e tèèngà guùŋ diɛŋ aŋ yè nyaŋ aŋ bà nyiŋ kòò àŋ yaà fuɔŋ nyàŋ, jòòpɛɛ aŋ bà nyiŋ naàŋ fà.

Maŋ kèì nyɛɛnɛŋ 11:13

E tèèngà guùŋ lii sùà nɔŋ, e dììɛ naŋ wa kìlè fiò. E jawa gbeeɛ̀, sèè è naŋ weè ɓɛ̀nɛ̀ŋ nɔ̀ŋ gòòno niŋ e ɗì zììyà, wo Dayà naŋ pɔ̀ɔ̀pɔ̀ɔ̀ e ɗì guùŋ. Anyuùŋ tààsùùŋ nɔɔnɔŋ le tìyèe (7,000) naŋ wa fɔ̀. E jùù naŋ wa nyɛ̀nɛ̀ŋ anyuùŋ gbànaŋ nyàŋ naŋ wa joo nyàŋ, yèè àŋ naŋ tɛ̀nɛ̀ŋ wo Dayà ko àìjɛnɛ̀ŋ wèè e gaàŋ gbeeuŋ nɛ̀.

Maŋ kèì nyɛɛnɛŋ 3:4

Kɛɛ nyɛ̀iŋ nààŋ kpàkaiŋ ko Saɗì, kòò nìŋ sìè è hààweiŋ nɛ̀ ninaŋ è jùumù sùà. Nìŋ doim nàŋ kààìŋ maŋjɛ̀wɛ maŋ deè fùà sùà, esaɓù kɛ̀ nìŋ kuwa e tɔ̀ɔ̀nyaàŋ wèè naŋ niŋ nyɛ̀nɛ̀ŋ.