Nyɛ̀nɛ̀ŋ 1:14 - WƆŊ FƐ̀Ì EBÒ SÌÀŊ DAYÀA

¹⁴ Anyuùŋ hààwe nyàŋ e kpùlìà aŋ jɔùŋ nyaŋ yaà wo Mèèle wo nààŋ Jisɛ̀ɔ yèè aŋ wùìyà Kanaà Jisɛ̀ nyaŋ hewa dèènè koɓɛ̀ guùŋ e teenga gbiŋ wèè aŋ zòòlò koɓɛ̀ guùŋ.

Nyɛ̀nɛ̀ŋ 1:14 ပူးပေါင်းရင်းမြစ်များ

Maafiù 12:46

Nààŋ wo Jisɛ̀ yaà wa nɔŋ gbùùyè koɓɛ̀ anyùùŋ nyaŋ, wo yèyeuŋ nɔɔ̀ŋ yaà aŋ wùìyauŋ nyàŋ naŋ wa hnè. Àŋ naŋ sìè ko saaŋ fenìiŋ yèè àŋ naŋ tùɔ̀ŋ ke mìè wèè wo hnàŋ aŋ gbòàuŋ kɔɔ.

Maafiù 21:22

Sèè mùŋ kɛɛnɛ̀ŋ e hààwe, wo Dayà doum nàŋ kìɛ̀ŋ e nɛ̀ɛŋ gbiŋ mùŋ dawàuŋ weè niŋ lɛ̀ e zòòlo sùà.”

Maafiù 27:55

Aŋ jɔùŋ nyùùŋ zimgbe bà sia wa fauŋ àŋ yaào yɛɛmɛ. Aŋ jɔùŋ bi naŋ wa dè wo Jisɛ̀ maŋjɛ̀wɛ̀ e yìwìà ko Galaliì yèè àŋ yàùŋ wa kpuumo.

Luù 11:13

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ wò Jìnàŋ Nɛɛmaàŋ kòɓɛ̀ ànyùùŋ nyaŋ dawàuŋ nyaŋ?”

Luù 18:1

Wo Jisɛ̀ naŋ gììyè anyùùŋ màŋjɛ̀wɛ̀uŋ nyàŋ ke kàɓanè kɛ̀ aŋ zoolò e teenga gbiŋ e kìlà e bɔ̀mɔ̀ŋ ɓɔ̀ è wùìyà nyiŋ julɔfɔ.

Luù 23:49

Anyùùŋ nyaŋ gbiŋ naŋ wa nyìmè wo Jisɛ̀ tɛ̀ɛ̀ nyaŋ, e hààwè aŋ jɔùŋ nyaŋ nauŋ wa dè maŋjɛ̀wɛ e yìwìà ko Galaliì nyaŋ, naŋ sìè koɓɛ̀ dii yèè àŋ naŋ yɛ̀mɛ̀ maŋ keì mɛɛ̀ŋ gbiŋ.

Luù 23:55

Aŋ jɔùŋ nyaŋ kuwa wa wo Jisɛ̀ maŋjɛ̀wɛ nyàŋ e yìwìà ko Galaliì, naŋ dè wo Jòòsɛ maŋjɛ̀wɛ yèè àŋ naŋ yɛ̀mɛ̀ e ɗeweɛ̀ àŋ naŋ wa hèè e dìè Jisɛ̀ɛ ke hùaàŋ sùà lɛ.

Luù 24:10

Aŋ jɔùŋ bi nàŋ yaà wa wo Mèèle e yìwìà ko jawaì àŋ nyaaŋ Màŋdalà, wo Jòanàŋ yèè wo Mèèle wo nààŋ Jìiɔ̀ŋ. Nyiŋ yaà aŋ jɔùŋ gbànaŋ nyàŋ yàa nyiìŋ wa maŋjɛ̀wɛ nyàŋ naŋ wa wòò maŋ keì mɛɛ̀ŋ koɓɛ̀ aŋ keela tàeɗùù nyaŋ.

Luù 24:33

Àŋ naŋ yèwè dìì fiò yèè àŋ naŋ kɛ̀ɛ̀ ko Jùlusɛ̀làm, ko yèi àŋ naŋ wa mɛ̀ɛ̀ŋ ànyùùŋ màŋjɛ̀wɛ̀ zììyà jɛ̀wɛ̀ guùŋ nyaŋ yaà aŋ gbànaŋ nyàŋ.

Luù 24:53

Ke ɗɔɔ gbiŋ àŋ kɔ̀à wa ko jɔ̀ɔ̀lègbèè ko Saaŋ Zòòlò Dayài, àŋ yaà gììyè wo Dayà ke sɛ̀.

Luù 8:20

Wo nyùùŋ bà naŋ wòò wo Jisɛ̀ nyààŋ, “Wo yèyeum yaà aŋ wùìyaum nyàŋ kòò àŋ sia ko jɔɔlèi, àŋ manaŋ aum yɛmɛ̀.”

Nyɛ̀nɛ̀ŋ 2:1

Nààŋ ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ naŋ wa haì, anyuùŋ hààwe nyàŋ gbiŋ naŋ wa dèènè koɓɛ̀ guùŋ.

Nyɛ̀nɛ̀ŋ 2:42

Àŋ naŋ wa jɔ̀ɔ̀lɔ̀ e yèɛ gbiŋ aŋ keela tàeɗùù nyaŋ naŋ nyiŋ kaà lɛ, e kìlà aŋ gbiŋ deenàŋ wa wèè aŋ zoolò koɓɛ̀ guùŋ e kìlà aŋ jììyà e nɛ̀ŋje koɓɛ̀ guùŋ.

Nyɛ̀nɛ̀ŋ 2:46

Ke ɗɔɔ gbiŋ anyuùŋ hààwe nyàŋ hewa dèènè koɓɛ̀ guùŋ ke gbòò sùà ko Saaŋ Zòòlò Dayài. Aŋ gbiŋ hewa jììyà e nɛ̀ŋje koɓɛ̀ guùŋ maŋ gboò nyiŋ màŋ sùà ke jii fàa yèè e ɓɛ̀ɛ̀jàa sùà,

Nyɛ̀nɛ̀ŋ 6:4

Kpeiŋ yàwi bi, è doiŋ naŋ kìlè e gòngo wilɛ̀ gbiŋ koɓɛ̀ e zòòlo yèè e tòmò ke mìè Dayàa gbòa.”

Luùm 12:12

Tɔ̀ ke jii tùlia mɔɛ̀ŋ ke nɔ̀ŋ e zɔlɔ̀ sùà, sèè mùŋ nɔ̀ŋ e keì nyìnga sùà, kɛ̀ɛ̀nɛɛ̀ŋ ke jii tɔumtɔ̀ùm yèè muŋ zoolò e teenga gbiŋ.

1 Kɔliìŋ 14:13

Kpeiŋ wo nyùnɔ̀ɔŋ gboo maŋ kaìŋ joo sùà wɔ, sɔɔ̀ wo zoolò wèè wo kɛɛnɛ̀ŋ e kìɛɛ̀ŋ wèè maŋ mìè gbòauŋ màŋ fàsai.

Ɛfesɔ̀ 6:18

Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

Kòlo 4:2

Zòòloiŋ e teenga gbiŋ, yèè niŋ yɛmɛ̀ nyɛiŋ bi diɛŋ e teengaà nìŋ nɔ̀ŋ zoolo lɛ̀, e kìlà niŋ kɛɛnɛ̀ŋ ke sɛ̀ gèe koɓɛ̀ Dayài.