Nyɛ̀nɛ̀ŋ 1:13 - WƆŊ FƐ̀Ì EBÒ SÌÀŊ DAYÀA

¹³ Nààŋ àŋ naŋ hàì ko jawa gbeeì, àŋ naŋ jòwò ko sààŋ fùùiŋ ko yèi àŋ hewa joo lɛ̀. Aŋ yè nyaŋ yao wa ko fɛɛ̀feìŋ nyaŋ nàŋ yaà, wo Pììlɛ, wo Jɔ̀ɔŋ, wo Jìiiŋ yèè wo Anɗù, wo Felè yèè wo Tàmaŋ, wo Bàtolomiò yèè wo Maafiù, wo Jìiiŋ wo jɔ̀àfèlàà Afiɔ̀ɔ yèè wo Saimɔ̀ŋ wo yèɔ manaŋ e kìlà wò toomàŋ e tɔ̀ɔ̀nyaàŋ sùà wèè wɔŋ fuɔuŋ nɔɔ̀ŋ, yaà wo Juɗà wo jɔ̀àfèlàà Jìiɔ̀ŋ.

Nyɛ̀nɛ̀ŋ 1:13 ပူးပေါင်းရင်းမြစ်များ

Maafiù 9:9

Nààŋ wo Jisɛ̀ naŋ wa yèwè koɓɛ̀ wii wò yaà kɔɔyɛ, wò naŋ yɛ̀mɛ̀ wo Maafiù, wo nyuùŋ kùwà nɛ̀ɛ̀nɛ̀ŋ fuɔɔ̀ŋ, wò jaa ko saaŋ kùwìà nɛ̀ɛ̀nɛ̀ŋ fuɔɔ̀ŋ. Wo Jisɛ̀ nauŋ woò wààŋ, “Dèim maŋjɛ̀wɛ.” Wo Maafiù naŋ yèwè dìì yèè wò nauŋ dè maŋjɛ̀wɛ.

Luù 22:12

Kpeiŋ wò doiŋ nàŋ tɔ̀ɔ̀ ko loomùŋ gbee ko sààŋ fùùiŋ, kò yaà bàne fo, bànèbaneìŋ kuii e nɛ̀ŋjeɛ̀ weè wi.”

Jɔ̀ɔŋ 11:16

Wo Tàmaŋ, wo yèɔ àŋ hewa ɓɛìŋ nyààŋ wo Sewìɔ wɔ̀ naŋ wòò aŋ dàwiuŋ nyàŋ wààŋ, “Kàwiìŋ yàwi nààŋ Kààmɔɔŋ, wèè kɛ̀ yàwi nààŋ gbiŋ e fɔɔyɛ̀iŋ koɓɛ̀ guùŋ.”

Jɔ̀ɔŋ 14:22

Kpeiŋ wo Juɗà, e fè wò Juɗà Àkaaliɔ̀, naŋ dawè wààŋ, “Kanaà, kiìŋ nàŋ yaà e fàsai mɔ̀ɛ̀ nààŋ mùŋ naŋ woò mààŋ mùŋ do naŋ kɛ̀ɛ̀ ko nɛ̀ɛ̀ŋ wiì màànààŋ nɔŋ mùŋ yaà lɛ, kɛɛ muŋ naàŋ hnè kòɓɛ̀ ànyùùŋ nyaŋ è ɗuunyaŋ lɛɛ̀?”

Jɔ̀ɔŋ 18:17

Wo ɓɔì jɔùŋjɔaà tunìàŋ wɔŋ gbàngiɔ̀ wɔ naŋ dàwè wò Pììlɛ wààŋ, “Kenàŋ wɛɛ̀, muŋ fè wò nyùùŋ màŋjɛ̀wɛ̀ wò felaa wɛɛ̀ bà?” Yèè wo Pììlɛ naŋ fasàì wààŋ, “Kpele, mìŋ fè wò bà.”

Jɔ̀ɔŋ 21:2

Wo Saimɔŋ Piilɛ̀, wo Sewìɔ Tàmaŋ, wo Nàntanyàŋ e yìwìà ko Kenàŋ yèè ko Galaliì, aŋ jɔ̀àfèlàà Zɛɓɛdiì nyaŋ yèè aŋ wùìyauŋ nyàŋ Jìiiŋ yaà wo Jɔ̀ɔŋ, àŋ yaà wa koɓɛ̀ guùŋ, e hààwè anyùùŋ màŋjɛ̀wɛ̀ tìyèe bà ɓɛìŋ.

Nyɛ̀nɛ̀ŋ 12:17

Kɛɛ wo Pììlɛ naŋ nyiŋ gbùùyè maŋ kùàŋ wèè aŋ nɔ̀ŋ gìli. Kpeiŋ wò naŋ nyiŋ wòò e ɗewe kiiɛ̀ wo màìkà Kanaà nauŋ fulìè lɛ e yìwìà ko sààŋ nyìwìi. Yèè wò naŋ nyiŋ ɓɛìŋ woò wààŋ, “Wòoiŋ tɛɛ̀ koɓɛ̀ Jìiìŋ yèè anyuùŋ hààwe gbànaŋ nyàŋ wèè e yèɛ naŋ kaaìŋ lɛ.” Eɓìèmàŋjɛ̀wɛ̀ tii, wò naŋ nyiŋ jòò yèè wò naŋ kɔ̀ koɓɛ̀ joo bà.

Nyɛ̀nɛ̀ŋ 15:13

Nààŋ àŋ naŋ kpɛ̀ɛ̀yɛ̀ gbòa, wo Jìiiŋ naŋ nyiŋ woò wààŋ, “Wùìyaim nyàŋ, kùmiaŋ nìim!

Nyɛ̀nɛ̀ŋ 2:14

Kpeiŋ wo Pììlɛ wuŋ guùŋ, aŋ keela tàeɗùù zììyà jɛ̀wɛ̀ tìyèe nyàŋ sùà naŋ sie yèè wò naŋ tɔ̀ɔ̀tù gbòà ke mìè Kanaà ke miè gbeeo sùà koɓɛ̀ anyùùŋ nyaŋ wààŋ, “Nyɛ̀iŋ nààŋ Juùù nyuuŋ dàwim nyàŋ yèè nyɛ̀iŋ nyàŋ nìŋ joà ko Jùlusɛ̀làm nyaŋ, jàaiŋ maŋ nùŋ dìì wèè miŋ woòiŋ kɛ̀ kiìŋ tɛɛ̀ naŋ fasàì.

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 20:8

Maŋ laumpò kùwa zimgbe yaà wa ko sààŋ fùùiŋ ko yèi è naiŋ wa deenè lɛ.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 4:19

Wo Pììlɛ yaà wo Jɔ̀ɔŋ naŋ nyiŋ fasàì nyààŋ, “Nyɛ̀iŋ bi kɛ̀ɛìŋ kiti sèè mààŋ kòò niŋ nàŋ yaà e tɔ̀ɔ̀nyaàaŋ ko fɛ̀ɛ̀fèìŋ Dayài, wèè eiŋ jɔ̀ɔ̀lɔ̀ wo nyuùŋkpùuŋ dìì ɔ̀ɔ̀ eiŋ jɔ̀ɔ̀lɔ̀ wo Dayà dìì.

1 Kɔliìŋ 15:7

Wò naŋ fòlò wo Jìiiŋ feìŋ, tii naŋ mààŋ yèè wò naŋ fòlò aŋ keela tàeɗùù nyaŋ gbiŋ feìŋ.

Gàla 1:19

Wo keela tàeɗùùɔ nɔŋ mìŋ naŋ wa yɛmɛ̀ wɔ nàŋ yaà wo Jìiiŋ, wo wùìya Kanaà Jisɛ̀ɔ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.

Jìiiŋ 1:1

E yìwìà miàŋ Jìiiŋ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔ̀ìjɔ̀à Dayàa yèè wo ɓɔ̀ìjɔ̀à Kanaà Jisɛ̀ Kulaìɔ. Mìŋ yaà sìngìè wɔŋ fɛi wɛɛ̀ŋ koɓɛ̀ anyùùŋ Dayà nyaŋ gbiŋ naŋ ɓààyè e ɗuunyaŋ lɛɛ̀ sùà nyaŋ. Mìŋ zuumàŋ nyɛ̀iŋ nààŋ gbiŋ.

2Jɔ̀ɔŋ 1:1

E yìwìà koɓɛ̀ wo màmàŋkùmɛɔ̀ŋ, wo sìèfeìŋ anyuùŋ hààwe nyàŋ. E kà koɓɛ̀ wo nìe tàeɗùù titi bà yaà aŋ jɔ̀àuŋ nyàŋ. Tɔɔɓaa mìŋ manaŋ nyɛiŋ gbiŋ. Yèè aŋ yè nyaŋ gbiŋ naŋ nyìmè e tɔ̀ɔ̀nyaàaŋ lɛ̀ àŋ mànaìŋ.

Juù 1:1

E yìwìà miàim Juù sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɗo wèè Jisɛ̀ Kulaì, yèè yàwi Jìiiŋ è yaà aŋ wùìya Jisɛ̀ Kulaì sùà. Mìŋ yaà sìngìè koɓɛ̀ anyùùŋ nyaŋ gbiŋ wo Dayà, wo Dèdaà naŋ tàeɗùù yèè wò manaŋ nyàŋ, yèè àŋ yaà e gààŋ Jisɛ̀ Kulaìɛ dìì nyaŋ.