Nyɛ̀nɛ̀ŋ 1:12 - WƆŊ FƐ̀Ì EBÒ SÌÀŊ DAYÀA

¹² Kpeiŋ aŋ keela tàeɗùù nyaŋ naŋ kɛ̀ɛ̀ maŋjɛ̀wɛ ko Jùlusɛ̀làm e yìwìà wɔŋ tòò maŋ Ɔlè Kùùɔ, ko yèi yaà wa e sɔ̀ngɔ̀ e kààìŋ haawà gbu e yìwìà ko Jùlusɛ̀làm, ko jawa gbeeì.

Nyɛ̀nɛ̀ŋ 1:12 ပူးပေါင်းရင်းမြစ်များ

Maafiù 21:1

Nààŋ wo Jisɛ̀ yèè anyùùŋ màŋjɛ̀wɛ̀uŋ nyàŋ yaà wa gbɛ̀ɛ sùà ko Jùlusɛ̀làm, e gbɛ̀ɛ̀ ko jawaì àŋ nyaaŋ nyààŋ Bɛfejì, àŋ naŋ hnè koɓɛ̀ wɔŋ tòò maŋ Ɔlè Kùùɔ, kpeiŋ wo Jisɛ̀ naŋ tùɔ̀ŋ anyùùŋ màŋjɛ̀wɛ̀uŋ nyàŋ àŋ tìyèe ko feìŋ.

Maafiù 24:20

Zòòloìŋ Dayà kɛ̀ tɛɛ̀ ɓɔ̀ è kaaìŋ è tèèngà kè vuù gbeeɛ̀ dìì ɔ̀ɔ̀ kè Ɗɔ̀ɔ̀ Zòòlò aŋ Juùù nyaŋ diɛŋ.

Maafiù 24:3

Nààŋ wo Jisɛ̀ jaa wa wɔŋ tòò maŋ Ɔlè Kùùɔ dìmɛ̀, anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ ke gbùnuo sùà, yèè àŋ nauŋ dawè nyààŋ, “Wòò wi e teengaà tɛɛ̀ do nàŋ kaaìŋ lɛ, yèè kiìŋ nàŋ do nàŋ nɔ̀ŋ e tɔ̀ɔ̀màŋseìɛ kɛ̀ e teengaà è haì wèè maŋ hnàŋ e kìlà e tɔɔ̀ kɛ̀ kuii nàŋ yaà ko dìà e ɗuunyaàŋ?”

Maafiù 26:30

Kpeiŋ àŋ naŋ dàà wɔŋ nùŋ guùŋ yèè àŋ naŋ kɔ̀ koɓɛ̀ wɔŋ tòò maŋ Ɔlè Kùùɔ.

Luù 19:29

Nààŋ wò yaà wa gbɛ̀ɛ̀ sùà maŋ jawa mɛɛ̀ŋ, ko Bɛfejì yaà ko Bɛfenè, àŋ naŋ hnè koɓɛ̀ wɔŋ tolòɔ àŋ nyaaŋ nyààŋ wɔŋ tòò maŋ Ɔlè Kùùɔ, wo Jisɛ̀ naŋ wa tùɔ̀ŋ anyùùŋ màŋjɛ̀wɛ̀uŋ nyàŋ àŋ tìyèe ko feìŋ.

Luù 21:37

Wo Jisɛ̀ naŋ wa tòòmò maŋ ɗɔɔ miiŋ ko Saaŋ Zòòlò Dayài wèè anyùùŋ nyaŋ kàa, kɛɛ wɔŋ dùùm gbiŋ wò kɔ̀à wa wo jàwà wɔŋ toòɔ àŋ nyaaŋ wɔŋ tòò maŋ Ɔlè Kùùɔ dìmɛ̀.

Luù 24:50

Kpeiŋ wo Jisɛ̀ naŋ gè anyùùŋ màŋjɛ̀wɛ̀uŋ nyàŋ ko jawa gbeeì yèè wò naŋ nyiŋ kɔ̀ɔ̀ ko Bɛfenè. Wò naŋ jòòwò maŋ kuàuŋ màŋ fùùŋ wò naŋ nyiŋ gbìɛ̀ŋ e zòòlo maŋjɛ̀wɛ.

Luù 24:52

Anyùùŋ màŋjɛ̀wɛ̀uŋ nyàŋ naŋ dè maŋ gɛ̀ɛ̀nìŋ nyiŋ màŋ dìì auŋ zoolò, yèè aŋ naŋ kɛ̀ɛ̀ maŋjɛ̀wɛ ko Jùlusɛ̀làm e zɔlɔ̀ gbee sùà.

Jɔ̀ɔŋ 11:18

Ko Bɛfenè gò wa diidìì e yìwìà kò Jùlusɛ̀làm,