Maafiù 9:6 - WƆŊ FƐ̀Ì EBÒ SÌÀŊ DAYÀA

⁶ Mìŋ doiŋ nàŋ nyɛ̀nɛ̀ŋ naŋ nyìmàŋ kɛ̀ miàŋ, wo Jɔ̀àfèlàà Nyuùŋ Kpùnɔɔ̀ŋ kuwa e gààŋ e ɗuunyaŋ lɛɛ̀ diɛŋ wèè ka jùùyà maŋ jùumù hakɛ̀.” Kpeiŋ wò naŋ wòò wo felaa kpɔ̀ɔ̀kpɔɔɔ̀ wààŋ, “Yewà dìì, muŋ ɓemè wɔŋ gbùmaŋ mɔɔ̀ŋ, muŋ kà ko gboo moo!”

Maafiù 9:6 ပူးပေါင်းရင်းမြစ်များ

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Maafiù 8:20

Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Maafiù 9:2

Anyùùŋ bà naŋ wa hìɛ̀ŋ wo felaa kpɔ̀ɔ̀kpɔɔ bà ko nɛ̀ɛ̀uŋ niìŋ wò hawa wɔŋ gbùmaŋ sùà. Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò wo felaa kpɔ̀ɔ̀kpɔɔɔ̀ wààŋ, “Felaa wɛɛ̀, kɛ̀ɛ̀nɛɛ̀ŋ ke jii nyingè, kà jùùyà maŋ jùumùum màŋ hakɛ̀.”

Maafiù 9:5

E naàŋ nɔ̀ŋ è keì nyìnga wèè wo nyùùŋ bà wo wòò wo felaa wɛɛ̀ wààŋ, ‘Kà jùùyà maŋ jùumùum màŋ hakɛ̀. Esaɓù kɛ̀ wo nyùùŋ bà gbiŋ fè ɓɛ̀nɛ̀ŋ tɔ̀ɔ kɛ̀ tɔɔɓaa è bà wa kaaìŋ ɔ̀ɔ̀ kòò è kààìŋ. Kɛɛ wo nyùùŋ gbiŋ fòuŋ ɓɛ̀nɛ̀ŋ wòo wààŋ, yewà dìì muŋ ka, sɔɔ̀ wo nyùùŋ wii wo kɛ̀ɛ̀nɛ̀ŋ e gààaŋ wèè wouŋ sùngà.’

Maafiù 9:7

Ko fɛɛ̀feìŋ wo felaaà naŋ yèwè dìì, wo ɓèmè wɔŋ gbùmauŋ nɔɔ̀ŋ wo kà ko gboouŋ noo.

Luù 5:21

Aŋ kààmɔ̀ɔ̀ŋ maŋ Sàwà Dayà nyaŋ yaà Fɛlosiì nyaŋ naŋ tɔ̀ɔ̀tù wòò nyiŋ bi e fèemàŋ nyààŋ, “Ɓòò wo felaa wɛɛ̀ naŋ gongò kɛ̀ wò yaà, wò yaà tii woo? Wò yaà gbùùyè maŋ mìè ɓɛ̀ɛ̀pɔ̀ɔ koɓɛ̀ Dayài. Wo Dayà wuŋ guùŋ nɔŋ nàŋ juuyà maŋ jùumù hakɛ̀.”

Jɔ̀ɔŋ 10:28

Yèè mìŋ do nyiŋ nàŋ kìɛ̀ŋ wɔŋ nyiiŋ gèe gò jùà, yèè kɛ̀ aŋ naàŋ wa nàwèè ɓɛìŋ fɔ̀. Wo nyùùŋ gbiŋ fèim nyiŋ ɓɛ̀nɛ̀ŋ gè kò sìwè.

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 5:27

Yèè wò kìɛ̀ŋ miàim wo Jɔ̀àfelaauŋ nɔɔ̀ŋ e tɔ̀ɔ̀nyaàaŋ wèè ka gbàì anyùùŋ nyaŋ gbiŋ, esaɓù kɛ̀ miàŋ nàŋ yaà wo Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 5:8

Wo Jisɛ̀ naŋ wòò wo felaaà wààŋ, “Yewà dìì, muŋ ɓemè wɔŋ ɓɛɛ mɔɔ̀ŋ muŋ ka.”

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Nyɛ̀nɛ̀ŋ 9:34

Wo Pììlɛ nauŋ woò wààŋ, “Enià, wo Jisɛ̀ Kulaì wòum sùngà; yewà dìì yèè muŋ banè ko gbùmaŋ muìŋ.” Ko fɛɛ̀feìŋ wo Enià naŋ yèwè dìì.

2 Kɔliìŋ 2:10

Sèè nìŋ juuyà anyùùŋ hakɛ̀ wèè e nɛ̀ɛŋ àŋ naŋ nyɛ̀nɛ̀ŋ lɛ, miàŋ pɛɛ mìŋ juuyà nyiìŋ hakɛ̀. Sèè mìŋ juuyà nyùùŋ hakɛ̀, sèè tɔɔɓaa mìŋ kuwa wèè ka jùùyà nɛ̀ŋ gbiŋ hakɛ̀, mìŋ nyɛ̀nɛìŋ ko fɛ̀ɛ̀fèìŋ Jisɛ̀ Kulaì esàɓù nyɛ̀iŋ sùà,

2 Kɔliìŋ 5:20

È yààìŋ gbuuyè wèè Jisɛ̀ Kulaì, mààŋ koɓɛ̀i wo Dayà wuŋ bi wò yààìŋ dàwe sùà e yìwìà yàwi sùà lɛ. È gboo wèè Kulaì, tɔ̀ wo Dayà vɔɔnɔ̀iŋ e yìwìà koɓɛ̀ aŋ joouŋ wèè koɓɛ̀ anyuùŋ mɔ̀ɔ̀nɔuŋ.

Ɛfesɔ̀ 4:32

Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.

Kòlo 3:13

Jàaìŋ aŋ dàwiiŋ nyàŋ kùàŋ dìì, e kìlà niŋ juuyà wo nyùùŋ gbiŋ hakɛ̀ sèè wò jààùm è nànàŋ. Nìŋ kuwa naŋ jùùyà aŋ dàwi hakɛ̀ màànààŋ nɔŋ wo Kanaà Jisɛ̀ Kulaì naiŋ jùùyè hakɛ̀ lɛ.