Maafiù 9:5 - WƆŊ FƐ̀Ì EBÒ SÌÀŊ DAYÀA

⁵ E naàŋ nɔ̀ŋ è keì nyìnga wèè wo nyùùŋ bà wo wòò wo felaa wɛɛ̀ wààŋ, ‘Kà jùùyà maŋ jùumùum màŋ hakɛ̀. Esaɓù kɛ̀ wo nyùùŋ bà gbiŋ fè ɓɛ̀nɛ̀ŋ tɔ̀ɔ kɛ̀ tɔɔɓaa è bà wa kaaìŋ ɔ̀ɔ̀ kòò è kààìŋ. Kɛɛ wo nyùùŋ gbiŋ fòuŋ ɓɛ̀nɛ̀ŋ wòo wààŋ, yewà dìì muŋ ka, sɔɔ̀ wo nyùùŋ wii wo kɛ̀ɛ̀nɛ̀ŋ e gààaŋ wèè wouŋ sùngà.’

Maafiù 9:5 ပူးပေါင်းရင်းမြစ်များ

Maafiù 9:2

Anyùùŋ bà naŋ wa hìɛ̀ŋ wo felaa kpɔ̀ɔ̀kpɔɔ bà ko nɛ̀ɛ̀uŋ niìŋ wò hawa wɔŋ gbùmaŋ sùà. Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò wo felaa kpɔ̀ɔ̀kpɔɔɔ̀ wààŋ, “Felaa wɛɛ̀, kɛ̀ɛ̀nɛɛ̀ŋ ke jii nyingè, kà jùùyà maŋ jùumùum màŋ hakɛ̀.”

Maafiù 9:6

Mìŋ doiŋ nàŋ nyɛ̀nɛ̀ŋ naŋ nyìmàŋ kɛ̀ miàŋ, wo Jɔ̀àfèlàà Nyuùŋ Kpùnɔɔ̀ŋ kuwa e gààŋ e ɗuunyaŋ lɛɛ̀ diɛŋ wèè ka jùùyà maŋ jùumù hakɛ̀.” Kpeiŋ wò naŋ wòò wo felaa kpɔ̀ɔ̀kpɔɔɔ̀ wààŋ, “Yewà dìì, muŋ ɓemè wɔŋ gbùmaŋ mɔɔ̀ŋ, muŋ kà ko gboo moo!”

Luù 5:20

Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò felaaà wààŋ, “Dàwi miɔ̀ŋ, kà jùùyà maŋ jùumùum màŋ hakɛ̀.”

Luù 7:48

Kpeiŋ wo Jisɛ̀ naŋ wòò wo nìeɔ̀ wààŋ, “Kà jùùyà maŋ jùumùum màŋ hakɛ̀.”

Nyɛ̀nɛ̀ŋ 3:16

E yìwìà e hààwe e dèè Jisɛ̀ɛ sùà naŋ wa kìɛ̀ŋ e gààŋ wo felaa wɛɛ̀ nìŋ yɛmɛ̀ yaà yèè nìŋ naŋ nyìmè wɔ. E yìwìà e hààwe e dèè Kanaà Jisɛ̀ɛ sùà naŋ nyɛ̀nɛ̀ŋ wo felaa wɛɛ̀ naŋ jòèyè kpɛlɛmɛɛŋ, nààŋ nìŋ yàuŋ yɛɛmɛ lɛ̀.

Nyɛ̀nɛ̀ŋ 9:34

Wo Pììlɛ nauŋ woò wààŋ, “Enià, wo Jisɛ̀ Kulaì wòum sùngà; yewà dìì yèè muŋ banè ko gbùmaŋ muìŋ.” Ko fɛɛ̀feìŋ wo Enià naŋ yèwè dìì.