Maafiù 9:37 - WƆŊ FƐ̀Ì EBÒ SÌÀŊ DAYÀA

³⁷ Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Maŋ nɛ̀ŋjè ɓù maŋ ko ɓùi naŋ gàŋ, kɛɛ anyuùŋ tòmo nyàŋ gò gàŋ wèè aŋ miŋ gbònògbònò koɓɛ̀ guùŋ.

Maafiù 9:37 ပူးပေါင်းရင်းမြစ်များ

Maafiù 20:1

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ wa kɔ̀ maŋ nyiìŋ tɛ̀tɛ̀ ko kààmè anyùùŋ wèè aŋ nyɛ̀nɛ̀ŋ e tòmo ko ɓù gbɛɛwɛ̀jɛ̀wɛ̀uŋ niìŋ.

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Maafiù 9:38

Dàweìŋ wo kɛ̀ɛ̀nɛ̀ŋ ɓùɔ wèè wo tùàŋ anyuùŋ tòmo wèè aŋ kpàà maŋ nɛ̀ŋjè ɓùuŋ màŋ aŋ hiàŋ miŋ.”

Luù 10:2

Wo Jisɛ̀ naŋ nyiŋ woò wààŋ, “Maŋ nɛ̀ŋjè ɓù maŋ ko ɓùi naŋ gàŋ, kɛɛ anyuùŋ tòmo nyàŋ gò gàŋ wèè aŋ miŋ gbònògbònò koɓɛ̀ guùŋ. Dàweìŋ wo kɛ̀ɛ̀nɛ̀ŋ ɓùɔ wèè wo tùàŋ anyuùŋ tòmo wèè aŋ kpàà maŋ nɛ̀ŋjè ɓùuŋ màŋ aŋ hiàŋ miŋ.

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Nyɛ̀nɛ̀ŋ 16:9

Wɔŋ dùùm wiiŋ, wo Pɔɔ̀ naŋ gò e gɔa, wò naŋ yɛ̀mɛ̀ wo felaa bà e yìwìà ko Mɛ̀sèdonià wò siao wò yàaùŋ pɔɔwɔ wààŋ, “Hnaàŋ ko Mɛ̀sèdonià muŋ kpuumàŋ wi.”

Nyɛ̀nɛ̀ŋ 18:10

Kòò mìŋ yààùm maŋjɛ̀wɛ, wo nyùùŋ gbiŋ naàum gbùwò kè gùuŋ wèè woum nɛɛmùŋ, esaɓù anyùùŋ nyaŋ zimgbe nyiŋ ko jawa gbee àŋ yaà anyunùim.”

1 Kɔliìŋ 3:9

Yàwi Àpolò è yaà anyuùŋ tòmo dàwi, yèè è yaà tòòmò koɓɛ̀ guùŋ wèè Dayà, yèè nìŋ yaà mààŋ wɔŋ ɓù wèè Dayàa. E kìlà nìŋ yaà mààŋ maŋ saaŋ wèè Dayà.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Kòlo 4:11

Wo Jàasùà, wo yèɔ àŋ nyaaŋ wo Jɔtù wɔ, naiŋ tùɔ̀ŋ e zùùmo wuŋ pɛɛ. Aŋ fèlàà taai nyɛɛ̀ŋ, nàŋ yaà aŋ Juùù nyuuŋ kɛ̀ɛ̀nɛ̀ŋ hààwe nyàŋ nɔŋ è naiŋ tòòmò koɓɛ̀ guùŋ wèè e Kànà Dayàa, e kìlà àŋ naim kìɛ̀ŋ e kpùùmaŋ gbee.

1Time 5:17

Aŋ màmàŋkùmɛŋ nyàŋ tomàŋ tɛ̀ɛ̀ mààŋ aŋ sìèfeìŋ nyaŋ, jàaìŋ nyiŋ kùàŋ dìì e dɛ̀ɛ̀kɛ sùà wèè aŋ yɛmɛ̀ e jìwààjɛ̀wɛ̀ gbee, ɓɔɔɓɔɔ ngèè aŋ yè nyàŋ tomàŋ nyìnga ko gbùùyè ke mìè Dayàa yèè àŋ kaà nyìŋ nyaŋ.

Jìiiŋ 5:4

Yɛ̀mɛìŋ naàŋ anyùùŋ nyaŋ naŋ tomo maŋ ɓùiŋ màŋ sùà yèè niŋ gò nyiŋ paawà nyaŋ, àŋ yaaìŋ gùlìè dèè. Yèè maŋ mìè gòlà anyùùŋ nyaŋ naŋ gbònògbònò manɛ̀iŋ màŋ maŋ ɓùiŋ màŋ sùà nyaŋ è sɛ̀ɛ̀ Dayà maŋ nùŋ, wo Kànà Gaàŋ Gbeeɔ̀.