Maafiù 9:34 - WƆŊ FƐ̀Ì EBÒ SÌÀŊ DAYÀA

³⁴ Kɛɛ aŋ Fɛlosiì nyaŋ naŋ woò nyààŋ, “Wo kànà aŋ jinàŋ naanààŋ nyaŋ naŋ kìɛ̀ŋ wo Jisɛ̀ e gààaŋ wèè wo gè aŋ jinàŋ naanààŋ anyùùŋ maŋjɛ̀wɛ.”

Maafiù 9:34 ပူးပေါင်းရင်းမြစ်များ

Maafiù 10:25

Weètii wo kààjɔa kuwa wo kɛ̀ɛ̀nɛ̀ŋ ke jii fàa wèè wò nɔ̀ŋ mààŋ wo kààmɔɔuŋ nɔɔ̀ŋ, e kìlà wo ɗo wò nɔ̀ŋ mààŋ wo kɛ̀ɛ̀nɛuŋ nɔɔ̀ŋ. Sèè anyùùŋ aŋ nyààŋ wo ɓɛ̀màŋɗì ke kpooɛ̀ wo Bɛɛziɓù, jàaìŋ jii kɛ̀ àŋ doiŋ nàŋ nyììnyɛ̀ŋ maŋ dèè maŋ gòiŋ teenè maŋ.

Maafiù 11:18

Wo Jɔ̀ɔŋ naŋ wa hnè, kɛɛ wo gò kilià kò jììyè mànɛ̀ŋ je yèè kò tììyè màŋ tala muaŋ, yèè nìŋ naŋ woò nààŋ, ‘Wo jinàŋ naanààŋ yàaùŋ sùà!’

Maafiù 12:22

Kpeiŋ anyùùŋ bà naŋ hìɛ̀ŋ wò felaa bà koɓɛ̀ Jisɛ̀i esaɓù kɛ̀ wò naŋ wa zììlè le fɛ̀ɛ̀ yèè wo fè wà ɓɛ̀nɛ̀ŋ gbòa e kìlà wo jinàŋ naanààŋ yàaùŋ wa maŋjɛ̀wɛ̀. Wo Jisɛ̀ naŋ wa sùngò wo felaaà, wo gbòà yèè wo yɛ̀mɛ̀ dìì.

Maafiù 12:27

Nìŋ naŋ woò nààŋ mìŋ gè aŋ jinàŋ naanààŋ anyùùŋ maŋjɛ̀wɛ̀ esaɓù kɛ̀ wo Bɛɛziɓù naim kìɛ̀ŋ e gààaŋ wèè ka niŋ nyɛ̀nɛ̀ŋ. Kɛɛ nyɛ̀iŋ, ɓòò nàŋ kiɛ̀ŋ anyùùŋ màŋjɛ̀wɛ̀iŋ nyàŋ e gààŋ wèè aŋ gè aŋ jinàŋ naanààŋ anyùùŋ maŋjɛ̀wɛ? E nɛ̀ɛŋ anyùùŋ màŋjɛ̀wɛ̀iŋ nyàŋ nyɛnɛŋ lɛ̀ nàŋ doiŋ nàŋ jèè keì.

Luù 11:15

Anyùùŋ nyaŋ bà nyiŋ naŋ wa woò nyààŋ, “Wo Bɛɛziɓù wo, wo kànà aŋ jinàŋ naanààŋ nyaŋ, wuŋ nàŋ kiɛ̀ŋ Jisɛ̀ e gààaŋ wèè wo gè aŋ jinàŋ naanààŋ nyaŋ anyùùŋ maŋjɛ̀wɛ.”

Jɔ̀ɔŋ 3:20

Anyuùŋ nyɛ̀nɛ̀ŋ maŋ keì ngaamuŋ ngààmùŋ nyaŋ fè hnàŋ kòɓɛ̀ è gbolòùŋ lɛ, esaɓù maŋ nyɛ̀nɛ̀ŋ nyiŋ màŋ do nàŋ fòlò ke fòolà e kìlà anyùùŋ aŋ miŋ yɛmɛ̀ janjai.

Jɔ̀ɔŋ 7:20

Anyùùŋ nyaŋ e faaàŋ sùà naŋ fasàì nyààŋ, “Mùŋ naŋ sààŋ ke gbòà! Kiìŋ naum nyɛ̀nɛ̀ŋ mùŋ naŋ gongò kɛ̀ wo nyùùŋ bà manaŋ wèè woum jìwà?”