Maafiù 9:28 - WƆŊ FƐ̀Ì EBÒ SÌÀŊ DAYÀA

²⁸ Yèè nààŋ wo Jisɛ̀ naŋ wa jɔ̀ ko saaŋ bà, aŋ fèlàà tìyèe zììlè le fɛ̀ɛ̀ nyaŋ naŋ hnè ko nɛ̀ɛ̀uŋ niìŋ. Kpeiŋ wò naŋ nyiŋ dawè wààŋ, “Nìŋ naŋ haawè kɛ̀ kàiŋ ɓɛ̀nɛ̀ŋ sùnga?” Aŋ fèlàà tìyèe nyàŋ naŋ fasàì nyààŋ, “Hɛ̀ɛɛ̀ŋ, Kanaà.”

Maafiù 9:28 ပူးပေါင်းရင်းမြစ်များ

Maafiù 13:1

Ke ɗɔ̀ɔ̀ guùŋ yii wo Jisɛ̀ naŋ fòlò ko saaìŋ, yèè wò naŋ kɔ̀ wɔŋ juwoɔ̀ kɔɔ, wo jɛi wèè wo kaà anyùùŋ nyaŋ.

Maafiù 13:36

Nààŋ wo Jisɛ̀ naŋ wa jòò e faaàŋ yèè wò naŋ jɔ̀ ko saaìŋ, anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ niìŋ yèè àŋ nauŋ woò nyààŋ, “Wòò wi e fàsàì ke kàɓànè maŋ dɛɛ wuiye naanààŋ maŋ ko kpàli ɓuì.”

Maafiù 13:58

Esàɓù e hààwe gò kɛɛnɛ̀ŋ nyiŋ nɛ̀, wo Jisɛ̀ gò wa kuii nyɛ̀nɛ̀ŋ màŋ kèè mèè zimgbe.

Maafiù 8:14

Wo Jisɛ̀ naŋ wa kɔ̀ ko jààmè wo Piilɛ̀ ko gboouŋ noo. Yèè wò nao mɛ̀ɛ̀ŋ wo nèmààŋ Piilɛ̀ɔ wò hawa ko gbùmaìŋ, kɛɛ wò yaà wa sììnyɛ̀ŋ e sààŋ e kɔɔbìa.

Maafiù 8:2

Kpeiŋ nààŋ wò naŋ wa jòò e faaàŋ, wo felaa kùwìè e sààŋ maŋkùnù naanààŋ bà naŋ hnè ko nɛ̀ɛ̀uŋ niìŋ, yèè wò naŋ dè maŋ gɛ̀ɛ̀nùuŋ màŋ dììnaŋ wò naŋ woò wààŋ, “Dàa, kɔ̀nɛɛ̀ŋ sungàim, esaɓù kà nyìmàŋ kɛ̀ màim ɓɛ̀nɛ̀ŋ sùnga ka zɛ̀nɛ̀ŋ sèè mùŋ mɔnɔŋ.”

Maafiù 9:22

Kpeiŋ, wo Jisɛ̀ naŋ kìlè yèè wò nauŋ woò wààŋ, “Nìe siaŋ wɛɛ̀, kɛ̀ɛ̀nɛɛ̀ŋ ke jii nyingè, e hààwe mɔ̀ɛ̀ èum joeyè.” Ko fɛɛ̀feìŋ wo nìeɔ̀ naŋ jòèyè.

Maafiù 9:27

Yèè nààŋ wo Jisɛ̀ naŋ wa yèwè koɓɛ̀ wii, aŋ fèlàà tìyèe kùwìè le fɛɛ̀ zììle naŋ wa dè wo Jisɛ̀ maŋjɛ̀wɛ nààŋ wò yaà wa kɔɔyɛ. Aŋ fèlàà tìyèe nyàŋ yaà wa kpàaŋ sùà àŋ yaà woo nyààŋ, “Tɔ̀ɔ̀ wi ke nyowo, Jɔ̀àfèlàà Dèèweɔ̀!”

Maafiù 9:29

Kpeiŋ wo Jisɛ̀ naŋ nyiŋ mɛ̀nlɛ̀ɛ̀ŋ le fɛ̀ɛ̀ yèè wò naŋ woò wààŋ, “Kɛ̀ tɔ̀ e hɛɛnɛ̀ŋ màànààŋ nɔŋ nìŋ naŋ haawè lɛ!”

Jɔ̀ɔŋ 11:26

Yèè aŋ yè nyaŋ yaà wɔŋ nyiiŋ gèeɔ̀ sùà àŋ naim haawè nyaŋ aŋ naàŋ wa nàwèè fɔ̀ julɔfɔ. Màŋ tɛɛ̀ haawè?”

Jɔ̀ɔŋ 11:40

Wo Jisɛ̀ nauŋ woò wààŋ, “Miŋ gòum woò mìàŋ kɛ̀ sèè mùŋ kɛɛnɛ̀ŋ e hààwe mùŋ do nàŋ yɛ̀mɛ̀ e jòòwò Dayàa?”

Nyɛ̀nɛ̀ŋ 14:9

Wo felaaà jaao wa wò yaà kùmìè e yèɛ wo Pɔɔ̀ yaà wa woo lɛ̀. Nààŋ wo Pɔɔ̀ nauŋ wa yɛmɛ̀ kɛ̀ wò kuwa e hààwe wo Jisɛ̀ sùà yèè wò wa ɓɛ̀nɛ̀ŋ nɔ̀ŋ sùngauŋ, wo Pɔɔ̀ naŋ yɛ̀mɛ̀ wo felaaà dììŋ