Maafiù 9:27 - WƆŊ FƐ̀Ì EBÒ SÌÀŊ DAYÀA

²⁷ Yèè nààŋ wo Jisɛ̀ naŋ wa yèwè koɓɛ̀ wii, aŋ fèlàà tìyèe kùwìè le fɛɛ̀ zììle naŋ wa dè wo Jisɛ̀ maŋjɛ̀wɛ nààŋ wò yaà wa kɔɔyɛ. Aŋ fèlàà tìyèe nyàŋ yaà wa kpàaŋ sùà àŋ yaà woo nyààŋ, “Tɔ̀ɔ̀ wi ke nyowo, Jɔ̀àfèlàà Dèèweɔ̀!”

Maafiù 9:27 ပူးပေါင်းရင်းမြစ်များ

Maafiù 1:1

Maŋ dèè aŋ nèwàènèwè Jisɛ̀ Kulaì nyaŋ mɛɛ̀ŋ wɔŋ fɛ̀ì Dayàa sùà, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo jɔ̀ɛ̀jɔ̀ɛ̀ Dèèweɔ̀, wo yèɔ naŋ fòlò ke kpòò Eɓulɔhɛɛ̀ɛŋ sùà wɔ.

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 15:22

Ko fɛɛ̀feìŋ wo nìe bà, wo nyùùŋ e yìwìà ko Kenàŋ wo yèɔ hewa jòò wɔŋ fuɔŋ wiiŋ sùà wɔ, naŋ hnè ko nɛ̀ɛ̀uŋ niìŋ. Wò naŋ kpààŋ wààŋ, “Kanaà, Jɔ̀àfèlàà Dèèweɔ̀, tɔ̀ɔ̀im ke nyowo! Wo jɔ̀àjɔùŋ miɔ̀ŋ kuwa wo jinàŋ naanààŋ maŋjɛ̀wɛuŋ, yèè kòò wò yaà e keì nyìnga dìì.”

Maafiù 17:15

yèè wò naŋ woò wààŋ, “Dàa, tɔ̀ɔ̀ ke nyowo wo jɔ̀àfelaa miɔ̀ŋ diɛŋ! Wò kuwa e sààŋ gbògàngè, yèè sèè è dàaùŋ, wò sɛɛ̀ ko hmɔ̀ɔ̀ŋ yèè ko kòi.

Maafiù 20:29

Yèè nààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ yaà wa naàŋ fòlà sùà ko Jɛlekò, e faaŋ gbee naŋ nyiŋ wa dè maŋjɛ̀wɛ.

Maafiù 21:15

Aŋ kànà sìèfèìŋ zòòlo nyàŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ wa tuù, nààŋ àŋ naŋ wa yɛ̀mɛ̀ maŋ kèè mèè maŋ wo Jisɛ̀ yaà wa nyinie màŋ, yèè aŋ jɔ̀àkàiŋ jɔa nyàŋ yaà wa kpàaŋ sùà ko Saaŋ Zòòlò Dayài àŋ yaà woo nyààŋ, “E tɛ̀nɛŋ nɔ̀ŋ koɓɛ̀ wo Jɔ̀àfèlàà Dèèweɔ̀!”

Maafiù 21:9

Anyùùŋ nyaŋ yàaùŋ wa ko feìŋ nyaŋ yaà aŋ yè nyaŋ kùwaùŋ wa maŋjɛ̀wɛ nyàŋ, yaà wa kpàaŋ sùà àŋ yaà woo nyààŋ, “Tɛ̀nɛ̀ŋ wiìŋ wo Jɔ̀àfèlàà Kanaà Dèèwe! Wo Dayà kpuumàŋ wo nyùnɔ̀ɔŋ hnàŋ e dèè Kanaà diɛŋ wɔ̀! E tɛ̀nɛŋ nɔ̀ŋ koɓɛ̀ Dayài ko àìjɛnɛ̀ŋ!”

Maafiù 9:28

Yèè nààŋ wo Jisɛ̀ naŋ wa jɔ̀ ko saaŋ bà, aŋ fèlàà tìyèe zììlè le fɛ̀ɛ̀ nyaŋ naŋ hnè ko nɛ̀ɛ̀uŋ niìŋ. Kpeiŋ wò naŋ nyiŋ dawè wààŋ, “Nìŋ naŋ haawè kɛ̀ kàiŋ ɓɛ̀nɛ̀ŋ sùnga?” Aŋ fèlàà tìyèe nyàŋ naŋ fasàì nyààŋ, “Hɛ̀ɛɛ̀ŋ, Kanaà.”

Luù 17:13

yèè àŋ naŋ kpààŋ nyààŋ, “Jisɛ̀, Kanaà, yɛ̀mɛ̀ wi ke nyowo!”

Luù 20:41

Wo Jisɛ̀ naŋ nyiŋ dawè wààŋ, “Dièsɔa anyùùŋ nyaŋ naŋ ɓɛ̀nɛ̀ŋ wòo kɛ̀ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, do nàŋ fòlò ke kpòò Dèèweɛ̀ sùà?

Luù 7:21

E teenga lii sùà wo Jisɛ̀ naŋ wa sùngò anyuùŋ zimgbe kɛ̀ɛ̀nɛ̀ŋ maŋ sàaŋ gɛ̀wɛɛ̀, wo gè aŋ jinàŋ naanààŋ anyùùŋ maŋjɛ̀wɛ, yèè wò naŋ kpuumò wo gbàì maŋ fɛ̀ɛ̀ anyuùŋ zììlè le fɛ̀ɛ̀ zimgbe.

Jɔ̀ɔŋ 7:42

Wɔŋ fɛ̀ì Dayàa naŋ woò wààŋ wo Tàèɗùù Dayàa do nàŋ fòlò ke kpòò Kanaà Dèèweɛ̀ sùà. Yèè wò do nàŋ nɔ̀ŋ kùmiauŋ ko jàwà Dèèweì àŋ nyaaŋ ko Bɛfilehɛɛ̀ŋ lɛ.”

Luùm 1:3

Ebò Siaŋ lɛɛ̀ e nyaàiŋ naŋ dè wo nyùnɔ̀ɔŋ è naiŋ nyìmè kɛ̀ wuŋ nàŋ yaà wo Jɔ̀àfèlàà Dayàa wɔ̀, wuŋ nàŋ yaà wo Kana wiɔ̀ Jisɛ̀ Kulaì. E nɔ̀uŋ nɛ̀ wo nyuùŋkpùuŋ, àŋ nauŋ wa kùmìè ke kpòò Dèèweɛ̀ sùà.

Luùm 9:5

Tɔɔɓaa anyùùŋ nyɛɛ̀ŋ naŋ wa fòlò aŋ nèwàènèwè aŋ Hiɓulù nyaŋ sùà. Wo Jisɛ̀ Kulaì yaà wa wo nyuùŋkpùuŋ, yèè wò yaà wa wo bàuŋbà wèè e ziì lii. Tɔ̀ anyuùŋ kpùuŋ nyàŋ gbiŋ aŋ tɛnɛ̀ŋ Dayà wèè julɔfɔ, wo yèɔ kuwa e gààŋ manɛ̀ŋ maŋ gbiŋ diɛŋ wɔ̀. Àmiinàŋ.