Maafiù 9:22 - WƆŊ FƐ̀Ì EBÒ SÌÀŊ DAYÀA

²² Kpeiŋ, wo Jisɛ̀ naŋ kìlè yèè wò nauŋ woò wààŋ, “Nìe siaŋ wɛɛ̀, kɛ̀ɛ̀nɛɛ̀ŋ ke jii nyingè, e hààwe mɔ̀ɛ̀ èum joeyè.” Ko fɛɛ̀feìŋ wo nìeɔ̀ naŋ jòèyè.

Maafiù 9:22 ပူးပေါင်းရင်းမြစ်များ

Maafiù 15:28

Yèè wo Jisɛ̀ nauŋ woò wààŋ, “Nìe wɛɛ̀, mùŋ yaà wo nyuùŋ kɛ̀ɛ̀nɛ̀ŋ e hààwe gbee, weètii e yèɛ mùŋ manaŋ lɛ̀ è do nàŋ hɛɛnɛ̀ŋ weèum.” E tèèngà guùŋ bi sùà nɔŋ, wo jɔ̀àjɔ̀ùŋ nìeɔ̀ naŋ wa jòèyè.

Maafiù 17:18

Wo Jisɛ̀ naŋ gbòò koɓɛ̀ wo jinàŋ naanààaŋ, yèè wò naŋ fòlò wo felaajɔaà sùà, ko fɛɛ̀feìŋ wò naŋ jòèyè.

Maafiù 8:13

Kpeiŋ wo Jisɛ̀ naŋ wòò wo sìèfèìŋ aŋ kààlòòɗùà nyaŋ wààŋ, “Kɔ̀à naàŋ ko gboo moo. E hààwe mɔ̀ɛ̀ è nyɛ̀nɛ̀ŋ e yèɛ mùŋ naŋ woò lɛ è hɛɛnɛ̀ŋ.” E tèèngà guùŋ lii sùà nɔŋ wo ɓɔ̀ìjɔ̀à wo sìèfèìŋ aŋ kààlòòɗùà nyaŋ naŋ jòèyè.

Maafiù 9:2

Anyùùŋ bà naŋ wa hìɛ̀ŋ wo felaa kpɔ̀ɔ̀kpɔɔ bà ko nɛ̀ɛ̀uŋ niìŋ wò hawa wɔŋ gbùmaŋ sùà. Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò wo felaa kpɔ̀ɔ̀kpɔɔɔ̀ wààŋ, “Felaa wɛɛ̀, kɛ̀ɛ̀nɛɛ̀ŋ ke jii nyingè, kà jùùyà maŋ jùumùum màŋ hakɛ̀.”

Maafiù 9:29

Kpeiŋ wo Jisɛ̀ naŋ nyiŋ mɛ̀nlɛ̀ɛ̀ŋ le fɛ̀ɛ̀ yèè wò naŋ woò wààŋ, “Kɛ̀ tɔ̀ e hɛɛnɛ̀ŋ màànààŋ nɔŋ nìŋ naŋ haawè lɛ!”

Luù 17:19

Wo Jisɛ̀ nauŋ woò wààŋ, “Yewà dìì yèè muŋ ka. E hààwe mɔ̀ɛ̀ èum joeyè.”

Luù 18:42

Wo Jisɛ̀ nauŋ woò wààŋ, “Kɛ̀ yɛ̀mɛ̀ dìì. E hààwe mɔ̀ɛ̀ èum joeyè.”

Luù 7:50

Kɛɛ wo Jisɛ̀ naŋ wòò wo nìeɔ̀ wààŋ, “E hààwe mɔ̀ɛ̀ èum joeyè. Tɔ̀ wo Dayà kiɛ̀um ke jii fàa.”

Luù 8:48

Wo Jisɛ̀ naŋ wòò wo nìeɔ̀ wààŋ, “Nìe siaŋ wɛɛ̀, e hààwe mɔ̀ɛ̀ èum joeyè. Kɔ̀à ke jii fàa sùà.”

Jɔ̀ɔŋ 4:53

Wo dèdà wo felaajɔaà naŋ ngàà jàà jii kɛ̀ e tèèngà guùŋ bi sùà e gɔɛɛ gbòà guùŋ nɛ wo Jisɛ̀ nauŋ woò wààŋ, “Wo jɔ̀àfelaa mɔɔ̀ŋ do nàŋ kɛ̀ɛ̀ wɔŋ nyiiŋ gèeɔ̀ sùà.” Kpeiŋ wo felaaà yaà ke kpoouŋ nɛɛ̀ŋ gbiŋ naŋ kɛ̀ɛ̀nɛ̀ŋ hààwe wo Jisɛ̀ sùà.

Nyɛ̀nɛ̀ŋ 14:9

Wo felaaà jaao wa wò yaà kùmìè e yèɛ wo Pɔɔ̀ yaà wa woo lɛ̀. Nààŋ wo Pɔɔ̀ nauŋ wa yɛmɛ̀ kɛ̀ wò kuwa e hààwe wo Jisɛ̀ sùà yèè wò wa ɓɛ̀nɛ̀ŋ nɔ̀ŋ sùngauŋ, wo Pɔɔ̀ naŋ yɛ̀mɛ̀ wo felaaà dììŋ

Nyɛ̀nɛ̀ŋ 16:18

Wò naŋ wa tɛɛ̀ nyɛ̀nɛ̀ŋ wèè maŋ ɗɔɔ kpàa bà. E keì lɛɛ̀ naŋ wa naàŋ dìè wo Pɔɔ̀ nyààŋ, yèè wò naŋ kìlè koɓɛ̀ wo jɔùŋjɔaà wò naŋ wòò wo jinàŋ naanààaŋ wààŋ, “E dèè Jisɛ̀ Kulaìɛ sùà, mìŋ manaŋ maŋ fòlà wo jɔùŋ jɔa wɛɛ̀ ko sùà.” Ko fɛɛ̀feìŋ wo jinàaŋ nauŋ fòlò ko sùà.

Hiɓu 4:2

È naiŋ wa kòmò Ebò Siaàŋ, màànààŋ nɔŋ àŋ naŋ niŋ wa kòmò lɛ, kɛɛ e gò nyiŋ wa nyìnìàŋ è keì kɛnɛ gbiŋ, esaɓù kɛ̀ àŋ naŋ wa gè maŋhɛɛ wèè aŋ hààwè e yèɛ àŋ naŋ wa kòmò lɛ.