Maafiù 9:2 - WƆŊ FƐ̀Ì EBÒ SÌÀŊ DAYÀA

² Anyùùŋ bà naŋ wa hìɛ̀ŋ wo felaa kpɔ̀ɔ̀kpɔɔ bà ko nɛ̀ɛ̀uŋ niìŋ wò hawa wɔŋ gbùmaŋ sùà. Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò wo felaa kpɔ̀ɔ̀kpɔɔɔ̀ wààŋ, “Felaa wɛɛ̀, kɛ̀ɛ̀nɛɛ̀ŋ ke jii nyingè, kà jùùyà maŋ jùumùum màŋ hakɛ̀.”

Maafiù 9:2 ပူးပေါင်းရင်းမြစ်များ

Maafiù 14:27

Wo Jisɛ̀ naŋ nyiŋ gbòò e kɔɔ fiò wààŋ, “Kɛ̀ɛ̀nɛìŋ maŋ jii nyingè! Miàŋ wo, e jùù ɓɔ̀ nyɛ̀nɛ̀iŋ!”

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Maafiù 6:12

Jùùyaà wi hakɛ̀ wèè maŋ keì nàànààŋ wi màŋ, màànààŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ naŋ wi jàà maŋ.

Maafiù 8:10

Nààŋ wo Jisɛ̀ naŋ wa kòmò e keì wòo lɛɛ̀, è nauŋ wa foonò zimgbe. Kpeiŋ wò naŋ kìlè yèè wò naŋ wòò anyùùŋ nyaŋ yàaùŋ wa maŋjɛ̀wɛ nyàŋ wààŋ, “Tɔ̀ miŋ woòiŋ e tɔɔɓaaà kɛ̀, wɔŋ fùɔ̀ŋ Ezɔ̀ɛ̀ɔ gbiŋ sùà, kòò mìŋ yɛ̀mɛ̀ wò nyùùŋ gbiŋ wò yèɔ kuwa è hààwe gbee mààŋ tɛɛ̀!

Maafiù 8:16

E koya lii nààŋ e gɔɛɛ̀ naŋ wa naàŋ jùò fùùŋ, anyùùŋ naŋ wa hìɛ̀ŋ anyuùŋ kɛ̀ɛ̀nɛ̀ŋ aŋ jinàŋ naanààŋ zimgbe koɓɛ̀ Jisɛ̀i. Yèè e yìwìà ke mìè gbòà Jisɛ̀ɛ, aŋ jinàŋ naanààŋ nyaŋ naŋ wa fòlò anyùùŋ nyaŋ e kɔɔ sùà, yèè wò naŋ sùngò anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ zimgbe.

Maafiù 9:22

Kpeiŋ, wo Jisɛ̀ naŋ kìlè yèè wò nauŋ woò wààŋ, “Nìe siaŋ wɛɛ̀, kɛ̀ɛ̀nɛɛ̀ŋ ke jii nyingè, e hààwe mɔ̀ɛ̀ èum joeyè.” Ko fɛɛ̀feìŋ wo nìeɔ̀ naŋ jòèyè.

Maafiù 9:5

E naàŋ nɔ̀ŋ è keì nyìnga wèè wo nyùùŋ bà wo wòò wo felaa wɛɛ̀ wààŋ, ‘Kà jùùyà maŋ jùumùum màŋ hakɛ̀. Esaɓù kɛ̀ wo nyùùŋ bà gbiŋ fè ɓɛ̀nɛ̀ŋ tɔ̀ɔ kɛ̀ tɔɔɓaa è bà wa kaaìŋ ɔ̀ɔ̀ kòò è kààìŋ. Kɛɛ wo nyùùŋ gbiŋ fòuŋ ɓɛ̀nɛ̀ŋ wòo wààŋ, yewà dìì muŋ ka, sɔɔ̀ wo nyùùŋ wii wo kɛ̀ɛ̀nɛ̀ŋ e gààaŋ wèè wouŋ sùngà.’

Maafiù 9:6

Mìŋ doiŋ nàŋ nyɛ̀nɛ̀ŋ naŋ nyìmàŋ kɛ̀ miàŋ, wo Jɔ̀àfèlàà Nyuùŋ Kpùnɔɔ̀ŋ kuwa e gààŋ e ɗuunyaŋ lɛɛ̀ diɛŋ wèè ka jùùyà maŋ jùumù hakɛ̀.” Kpeiŋ wò naŋ wòò wo felaa kpɔ̀ɔ̀kpɔɔɔ̀ wààŋ, “Yewà dìì, muŋ ɓemè wɔŋ gbùmaŋ mɔɔ̀ŋ, muŋ kà ko gboo moo!”

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Jɔ̀ɔŋ 2:25

Esaɓù bà gbiŋ fè wa wèè wò nyùùŋ gbiŋ wò douŋ kìɛ̀ŋ kè mìè seì aŋ woò kɛ̀ ɓòò nàŋ yaà anyùùŋ nyɛɛ̀ŋ. Wò wa nyìmàŋ aŋ gbiŋ tɛ̀ɛ̀.

Jɔ̀ɔŋ 21:5

Yèè wo Jisɛ̀ naŋ nyiŋ dawè wààŋ, “Dàwim nyàŋ, kòò nìŋ kùwò wò kɛì gbiŋ?” Yèè àŋ nauŋ fasàì nyààŋ, “Kpele, kòò è kùwòìŋ è nɛ̀ŋ gbiŋ.”

Nyɛ̀nɛ̀ŋ 14:9

Wo felaaà jaao wa wò yaà kùmìè e yèɛ wo Pɔɔ̀ yaà wa woo lɛ̀. Nààŋ wo Pɔɔ̀ nauŋ wa yɛmɛ̀ kɛ̀ wò kuwa e hààwe wo Jisɛ̀ sùà yèè wò wa ɓɛ̀nɛ̀ŋ nɔ̀ŋ sùngauŋ, wo Pɔɔ̀ naŋ yɛ̀mɛ̀ wo felaaà dììŋ

Nyɛ̀nɛ̀ŋ 19:12

Anyùùŋ nyaŋ bà nyiŋ naŋ wa ɓèmè maŋ pisì yaà maŋ deè kpàa faa dìkìà tɛɛ maŋ yè maŋ wo Pɔɔ̀ naŋ wa mɛŋlɛ̀ɛ̀ŋ maŋ, yèè aŋ naŋ miŋ kɔɔ̀ aŋ miŋ hàà wo nyùnɔ̀ɔŋ gbiŋ wò yaà wa siinyɛŋ wɔ̀ diɛŋ, yèè wò naŋ jòèyè, yèè aŋ jinàŋ naanààŋ nyaŋ naŋ wa fòlò anyùùŋ nyaŋ aŋ jinàŋ bì yaà wa maŋjɛ̀wɛ nyàŋ ko sùà.

Nyɛ̀nɛ̀ŋ 23:11

Wɔŋ dùùm wiiŋ wo Kanaà Jisɛ̀ naŋ fòlò wo Pɔɔ̀ fɛɛ̀feìŋ yèè wò nauŋ woò wààŋ, “Kɛ̀ɛ̀nɛɛ̀ŋ ke jii nyingè! Màŋ kìɛ̀ŋ ke mìè seì mɔɛ̀ŋ e nyaàiŋ eim dè ko Jùlusɛ̀làm, yèè kìɛ̀ŋ ɓɛìŋ ke mìè seì bi ko Luùm.”

Luùm 5:11

Kɛɛ tii fè è gbiŋ. È gèìŋ zɔlɔ̀ esàɓù e nɛ̀ɛŋ wo Dayà naŋ nyɛ̀nɛ̀ŋ e yìwìà wo Kanaà Jisɛ̀ Kulaì sùà lɛ, wo yèɔ naŋ jàànè e mɔ̀ɔ̀nɔŋ wilɛ̀ koɓɛ̀ Dayài wɔ̀.

Jìiiŋ 2:18

Kɛɛ wo nyùùŋ bà do nàŋ woò wààŋ, “Mùŋ kuwa e hààwe, yèè miàŋ mìŋ kuwa maŋ kpèè siaŋ.” Tɔ̀ɔ̀im e hààwe gò kɛ̀ɛ̀nɛ̀ŋ màŋ kpèè siaum màŋ, kɛ̀ miàŋ esàɓù maŋ kpèèim màŋ sùà mìŋ doum nàŋ tɔ̀ɔ̀ e hààwe mɛ̀.