Maafiù 9:18 - WƆŊ FƐ̀Ì EBÒ SÌÀŊ DAYÀA

¹⁸ Nààŋ wo Jisɛ̀ yaà wa tɛɛ̀ woo, wo nyuùŋ gbeeɔ̀ bà guùŋ wèè aŋ Juùù nyaŋ naŋ hnè ko nɛ̀ɛ̀uŋ niìŋ, wo dè maŋ gɛ̀ɛ̀nùuŋ màŋ dììnaŋ ko fɛɛ̀fenùuŋ yèè wò nauŋ woò wààŋ, “Wo jɔ̀àjɔùŋ miɔ̀ŋ naŋ nɔŋ fɔ̀ sààmɛ. Kɛɛ sèè mùŋ hnàŋ mùŋ gbùwoùŋ maŋ kùàŋ diɛŋ, wò do nàŋ kɛɛ̀ wɔŋ nyiiŋ gèeɔ̀ sùà.”

Maafiù 9:18 ပူးပေါင်းရင်းမြစ်များ

Maafiù 14:33

Kpeiŋ anyùùŋ màŋjɛ̀wɛ̀ nyaŋ wɔŋ gɔɔ̀ sùà naŋ gbùwò wo Jisɛ̀ ko gòlòò dìì e ɓɛ̀ɛ̀jàa sùà, yèè àŋ naŋ woò nyààŋ, “Tɔɔɓaa muàŋ nàŋ yaà wo Jɔ̀àfèlàà Dayàa.”

Maafiù 15:25

Kɛɛ wo nìeɔ̀ naŋ hnè yèè wò naŋ dè maŋ gɛ̀ɛ̀nùuŋ màŋ dììnaŋ ko fɛɛ̀fenùuŋ, yèè wò nauŋ pɔwɔ̀ wààŋ, “Kɔ̀nɛɛ̀ŋ, kpùùmàim, Kanaà.”

Maafiù 17:14

E teengaà aŋ naŋ kɛ̀ɛ̀ koɓɛ̀ e faaàŋ lɛ, wo felaa bà naŋ hnè yèè wò naŋ dè maŋ gɛ̀ɛ̀ŋ nùuŋ màŋ dììnaŋ wo Jisɛ̀ fɛɛ̀feìŋ,

Maafiù 20:20

Kpeiŋ wo jàwè Zɛɓɛdiìɔ naŋ hnè yèè wò naŋ hìɛ̀ŋ aŋ jɔ̀àfèlàà tìyèeuŋ nyàŋ koɓɛ̀ Jisɛ̀i, wò naŋ dè maŋ gɛ̀ɛ̀nùuŋ màŋ dììnaŋ ko fɛɛ̀fenùuŋ, yèè wò nauŋ pɔwɔ̀ wèè wo nyɛ̀nɛ̀ŋ e nɛ̀ŋ bà e weèuŋ.

Maafiù 28:17

Yèè nààŋ àŋ nauŋ yɛmɛ̀, àŋ nauŋ gbùwò gòlòò dìì yèè àŋ nauŋ zoolò, jòòpɛɛ aŋ bà nyiŋ gò niŋ wa haawè kɛ̀ wò Jisɛ̀ wuŋ bi wo.

Maafiù 8:2

Kpeiŋ nààŋ wò naŋ wa jòò e faaàŋ, wo felaa kùwìè e sààŋ maŋkùnù naanààŋ bà naŋ hnè ko nɛ̀ɛ̀uŋ niìŋ, yèè wò naŋ dè maŋ gɛ̀ɛ̀nùuŋ màŋ dììnaŋ wò naŋ woò wààŋ, “Dàa, kɔ̀nɛɛ̀ŋ sungàim, esaɓù kà nyìmàŋ kɛ̀ màim ɓɛ̀nɛ̀ŋ sùnga ka zɛ̀nɛ̀ŋ sèè mùŋ mɔnɔŋ.”

Maafiù 8:25

Kpeiŋ anyùùŋ màŋjɛ̀wɛ̀ nyaŋ naŋ kɔ̀ àŋ nauŋ tùngò yèè àŋ naŋ woò nyààŋ, “Kanaà, jòèyè wi, è yààìŋ hinie eiŋ fà!”

Maafiù 9:17

E kìlà wo nyùùŋ fè sìà màŋ juumuaŋ jɛi wɔ̀ŋ ɓuù bàànè fɛ̀ì yilì gɔu sùà. Sèè wò nyɛnɛŋ tii, maŋ juumuaŋ màŋ do nàŋ sɛ̀kɛ̀ wɔŋ ɓuù bàànè wɔŋ fɛ̀ì yilì gɔuɔ̀, kɛ̀ maŋ juumuaŋ màŋ e kpùlìà wɔŋ ɓuù bàànè fɛ̀ì yilìɔ pɔɔpɔ̀ɔ̀. Kɛɛ sià maŋ juumuaŋ jɛi wɔŋ ɓuù bàànè fɛ̀ì yilì jɛ̀ì sùà, miiŋ tìyèe do nàŋ nɔ̀ŋ tɛ̀ɛ̀.”

Maafiù 9:19

Kpeiŋ wo Jisɛ̀ yaà anyùùŋ màŋjɛ̀wɛ̀uŋ nyàŋ nauŋ dè màŋjɛ̀wɛ àŋ naŋ kɔ̀.

Maafiù 9:24

Wo Jisɛ̀ naŋ wòò anyùùŋ nyaŋ wààŋ, “Fòlaìŋ niŋ hɔnè maŋ de màŋ yèè e gòlaà! Wo jɔùŋjɔaà gò fà, wò yaà nɔŋ maŋ jàwè!” Kpeiŋ anyùùŋ nyaŋ gbiŋ nauŋ kùùnò hììle, esaɓù kɛ̀ àŋ nyìmàŋ kɛ̀ wo jɔùŋjɔaà wa fà.

Luù 13:14

Wo sìèfèìŋ ko sààŋ zòòlò aŋ Juùù nyaŋ naŋ wa tuù esaɓù kɛ̀ wo Jisɛ̀ naŋ wa sùngò wo nyùùŋ ke Ɗɔ̀ɔ̀ Zòòlò àŋ Juùù nyaŋ diɛŋ. Yèè wò naŋ wòò anyùùŋ nyàŋ wààŋ, “Ke wikì gbiŋ kuwa maŋ ɗɔ̀ɔ̀ nɔɔnɔŋ dièguùŋ maŋ yè maŋ è nyinìàŋ maŋ tòmo wi màŋ sùà. Weètii hnaàŋ maŋ ɗɔɔ miiŋ bà guùŋ diɛŋ wèè aŋ sùngàum, kɛɛ e fè nɔ̀ŋ kè Ɗɔ̀ɔ̀ Zòòlò àŋ Juùù nyaŋ diɛŋ.”

Luù 18:18

Wo nyùùŋ gbèè aŋ Juùù nyaŋ bà naŋ dàwè wo Jisɛ̀ wààŋ, “Kààmɔɔŋ siaŋ, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Luù 7:2

Wo kààlòòɗùà anyùùŋ Luùm nyaŋ bà koɓɛ̀ bi kuwa wa wo ɓɔìjɔ̀à wo yèɔ wò manaŋ wa zimgbe wɔ̀. Kɛɛ wo felaaà yaà wa siinyɛŋ ebɛ̀ŋ fàa.

Jɔ̀ɔŋ 11:25

Wo Jisɛ̀ nauŋ woò wààŋ, “Miàŋ nàŋ kuwa e gààaŋ wèè ka gè wo nyuùŋ fàa dìì wo kɛ̀ɛ̀ wɔŋ nyiiŋ gèeɔ̀ sùà. Anyùùŋ nyaŋ gbiŋ naim haawè nyaŋ do ɓɛìŋ nàŋ yèwè e fàaà dìì, jòòpɛɛ àŋ wa fà.

Jɔ̀ɔŋ 11:32

Wo Mèèle naŋ wa kɔ̀ koɓɛ̀i wo Jisɛ̀ yaà wa lɛ̀. Nààŋ wo Mèèle nauŋ wa yɛmɛ̀, wò naŋ dè maŋ gɛ̀ɛ̀nùuŋ màŋ dììnaŋ yèè wò naŋ woò wààŋ, “Kanaà, sèè maŋ dài weè kià nɔ̀ŋ, wo wùìya miɔ̀ŋ naàŋ mɛ̀iŋ weè nàŋ fɔ̀.”

Nyɛ̀nɛ̀ŋ 13:15

Nààŋ anyùùŋ nyaŋ naŋ kpɛ̀ɛ̀yɛ̀ maŋ sàwà Dayà maŋ yèè maŋ fɛi màŋ aŋ wɛ̀ijì nyaŋ naŋ sìngè maŋ kpɛ̀nɛŋ, aŋ sìèfeìŋ nyaŋ ko sààŋ zòòlò aŋ Juùù nyaŋ naŋ tùɔ̀ŋ wo nyùùŋ koɓɛ̀ wo Pɔɔ̀ yaà wo Bànaŋɓà koɓɛ̀i àŋ jaa lɛ̀ yèè wò naŋ nyiŋ woò wààŋ, “Wùìya wi nyàŋ, sèè nìŋ kɛɛnɛ̀ŋ e keì bà gbiŋ wèè naŋ wòò anyùùŋ nyaŋ e yèɛ naŋ nyiŋ ɓɛ̀nɛ̀ŋ kìɛ̀ŋ ke jii nyingè lɛ, nàŋ niŋ ɓɛ̀nɛ̀ŋ wòo.”

Nyɛ̀nɛ̀ŋ 28:8

Wo kɛ̀ɛ̀ Pɔbilɔ̀ɔ hawa wa wɔŋ gbùmauŋ nɔɔ̀ŋ sùà wò yaà siinyɛŋ. Wò kuwa wa e sààŋ kɔɔ bìya yèè ko suàdèe, yèè wo Pɔɔ̀ naŋ kɔ̀ ko jaameuŋ. Wo kenàaŋ naŋ wa jòèyè nààŋ wo Pɔɔ̀ nauŋ wa gbùwò maŋ kùàŋ diɛŋ yèè wò nauŋ zòòlò diɛŋ.