Maafiù 9:16 - WƆŊ FƐ̀Ì EBÒ SÌÀŊ DAYÀA

¹⁶ “Wo nyùùŋ gbiŋ fè ɓèmè wɔ̀ŋ deè fàà jɛ̀ì wèè wo gbùwà è jèwì wɔ̀ŋ kotì gɔu wɔ̀ŋ lomò. Sèè wò nyɛnɛŋ tii, wɔŋ deè fàà jɛ̀ì wiiŋ do nàŋ sɛ̀ɛ̀ wɔŋ kotì gɔuɔ̀ wɔŋ tòòyà e jèwìɛ e nɔ̀ŋ gbee.

Maafiù 9:16 ပူးပေါင်းရင်းမြစ်များ

Maafiù 9:15

Wo Jisɛ̀ naŋ nyiŋ woò wààŋ, “Nìŋ yaà yɛ̀ɛ̀mɛ̀ dòmaŋ wèè aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ nɔ̀ŋ ke nyowo sùà e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Tɛɛ̀ fè ɓɛ̀nɛ̀ŋ kàaiŋ! Kɛɛ e teenga do nàŋ hnè aŋ nyiŋ gè wo kɛ̀ɛ̀nɛ̀ŋ jɔnɔ̀ɔŋ e tɛɛ, ke ɗɔɔ bi diɛŋ àŋ do nàŋ kùwò ke tɔùŋ.

Maafiù 9:17

E kìlà wo nyùùŋ fè sìà màŋ juumuaŋ jɛi wɔ̀ŋ ɓuù bàànè fɛ̀ì yilì gɔu sùà. Sèè wò nyɛnɛŋ tii, maŋ juumuaŋ màŋ do nàŋ sɛ̀kɛ̀ wɔŋ ɓuù bàànè wɔŋ fɛ̀ì yilì gɔuɔ̀, kɛ̀ maŋ juumuaŋ màŋ e kpùlìà wɔŋ ɓuù bàànè fɛ̀ì yilìɔ pɔɔpɔ̀ɔ̀. Kɛɛ sià maŋ juumuaŋ jɛi wɔŋ ɓuù bàànè fɛ̀ì yilì jɛ̀ì sùà, miiŋ tìyèe do nàŋ nɔ̀ŋ tɛ̀ɛ̀.”

Luù 5:36

Wo Jisɛ̀ naŋ nyiŋ wòò ke kàɓanè yɛɛ̀ wààŋ, “Wo nyùùŋ gbiŋ fè ɓèmè wɔ̀ŋ deè fàà jɛ̀ì wèè wo gbùwà è jèwì wɔ̀ŋ deè gɔu wɔ̀ŋ lomò. Sèè wò nyɛnɛŋ tii, wɔŋ deè fàà jɛ̀ì wiiŋ do nàŋ sɛ̀ɛ̀ wɔŋ deè gɔuɔ̀ wɔŋ tòòyà e jèwìɛ e nɔ̀ŋ gbee, e kìlà wɔŋ deè fàà jɛ̀ìɔ naàŋ tɛ̀ɛ̀wɛ̀ wɔ̀ŋ deè gɔuɔ̀.

Jɔ̀ɔŋ 16:12

“Mìŋ kuwa e zimgbe niŋ wèè kaiŋ woò, kɛɛ niŋ naàŋ jàà è gbiŋ jii.

1 Kɔliìŋ 13:13

E tèèngà guùŋ bi diɛŋ, maŋ kèì ɗì taai mɛɛ̀ŋ nàŋ sia. E hààwe, ke jii tùlia, yèè e mànaŋ, kɛɛ e gbee gàtòɛ nàŋ yaà e mànaŋ.

2 Kɔliìŋ 9:12

E ɗeweɛ̀ nìŋ yaà ko nyìnìè e tòmo lɛɛ̀ e tòmò Dayàa sùà lɛ, e fè nɔŋ kɛ̀ nìŋ yaà yɛ̀ɛ̀mɛ̀ è kèè màŋ kpɛ̀ɛ̀ŋ kɔ̀ɔ̀ ànyùùŋ nɛɛmaŋ nyàŋ dììò sùà, kɛɛ è yaà hìàŋ sùà maŋ sɛ̀ gèe zimgbe koɓɛ̀ Dayài.