Maafiù 9:15 - WƆŊ FƐ̀Ì EBÒ SÌÀŊ DAYÀA

¹⁵ Wo Jisɛ̀ naŋ nyiŋ woò wààŋ, “Nìŋ yaà yɛ̀ɛ̀mɛ̀ dòmaŋ wèè aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ nɔ̀ŋ ke nyowo sùà e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Tɛɛ̀ fè ɓɛ̀nɛ̀ŋ kàaiŋ! Kɛɛ e teenga do nàŋ hnè aŋ nyiŋ gè wo kɛ̀ɛ̀nɛ̀ŋ jɔnɔ̀ɔŋ e tɛɛ, ke ɗɔɔ bi diɛŋ àŋ do nàŋ kùwò ke tɔùŋ.

Maafiù 9:15 ပူးပေါင်းရင်းမြစ်များ

Maafiù 9:14

Anyùùŋ màŋjɛ̀wɛ̀ Jɔ̀ɔŋ Gùà Nyùnɔ̀ɔŋ naŋ hnè koɓɛ̀ Jisɛ̀i, yèè àŋ nauŋ dawè nyààŋ, “Wèè kiìŋ yàwi e kpùlìà aŋ Fɛlosiì nyaŋ kuwo ke tɔùŋ e teenga gbiŋ, kɛɛ aŋ jeum nyàŋ fè nyiŋ nɔŋ kùwà gbiŋ?”

Maafiù 9:16

“Wo nyùùŋ gbiŋ fè ɓèmè wɔ̀ŋ deè fàà jɛ̀ì wèè wo gbùwà è jèwì wɔ̀ŋ kotì gɔu wɔ̀ŋ lomò. Sèè wò nyɛnɛŋ tii, wɔŋ deè fàà jɛ̀ì wiiŋ do nàŋ sɛ̀ɛ̀ wɔŋ kotì gɔuɔ̀ wɔŋ tòòyà e jèwìɛ e nɔ̀ŋ gbee.

Luù 17:22

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “E teenga kòò è yaà hinie nìŋ do nàŋ nyɛ̀nɛ̀ŋ wànàŋ wèè naŋ yɛ̀mɛ̀ ke ɗɔ̀ɔ̀ miàim wo Jɔ̀àfèlàà Nyuùŋ kpùnɔɔ̀ŋ ke bà guùŋ, kɛɛ niŋ naàŋ nyiŋ yɛmɛ̀.

Luù 5:34

Wo Jisɛ̀ naŋ nyiŋ woò wààŋ, “Nìŋ yaà goongo kɛ̀ nàŋ ɓɛ̀nɛ̀ŋ nyɛ̀nɛ̀ŋ aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ kùwà ke tɔùŋ e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Kpele, niŋ fè tii nyɛ̀nɛ̀ŋ!

Luù 5:35

Kɛɛ e teenga do nàŋ hnè aŋ nyiŋ gè wo kɛ̀ɛ̀nɛ̀ŋ jɔnɔ̀ɔŋ e tɛɛ, ke ɗɔɔ bi diɛŋ àŋ do nàŋ kùwò ke tɔùŋ.”

Jɔ̀ɔŋ 16:6

Esàɓù maŋ keì mɛɛ̀ŋ mìŋ naiŋ yaà woò maŋ, ke nyowo kèiŋ dìàmaŋ jiio sùà.

Jɔ̀ɔŋ 3:29

E kèè ke nyɛɛ̀ gbìaàŋ sùà, wo kɛ̀ɛ̀nɛ̀ŋ jɔunɔ̀ɔŋ nàŋ mɔnɔŋ wo jɔunɔ̀ɔŋ. Wo dàwì mɔ̀ɔ̀nɔ̀ŋ wo kɛ̀ɛ̀nɛ̀ŋ jɔunɔ̀ɔŋ siàuŋ kɔɔ wèè wo kumiàŋ e nɛ̀ɛŋ wò woà lɛ, wò giiyà ke mìè gbòà wo kɛ̀ɛ̀nɛ̀ŋ jɔunɔ̀ɔŋ e zɔ̀lɔ̀ zimgbe. Weètii, e zɔlɔ̀ naim diè zimgbe.

Nyɛ̀nɛ̀ŋ 14:23

Wo Pɔɔ̀ yaà wo Bànaŋɓà naŋ wa ɓèmè aŋ màmàŋkùmɛŋ wèè ke gbòò anyuùŋ hààwe nyàŋ gbiŋ. Kpeiŋ àŋ naŋ kùwò ke tɔùŋ e kìlà àŋ yaà zoolo wèè wo Dayà kpuumàŋ aŋ màmàŋkùmɛŋ nyɛɛ̀ŋ yè nyaŋ naŋ sìè e hààwe nyiŋ nɛ̀ wo Kanaà Jisɛ̀ sùà lɛ.

1 Kɔliìŋ 7:5

Wo nyùùŋ ɓɔ̀ gangà wò dawiuŋ nɔɔ̀ŋ sìwè nyɛ̀iŋ tìyèe è fèemàŋ, sɔɔ̀ naŋ nyimèè wèè naŋ yɛi nyɛ̀nɛ̀ŋ wèè è teenga kpàa bà, wèè niŋ gbìàŋ e teengaiŋ bi e zòòlo sùà. Sèè e teenga bi juo nɔŋ, tɔ̀ɔ̀tuìŋ ke kpèè yɛɛ̀iŋ nɛɛ̀ŋ nyɛ̀nɛŋ. E ɗewe lɛɛ̀ sùà, niŋ naàŋ jàà è wɔ̀à Sɛ̀tanàaŋ kùàŋ dìì èsàɓù nyɛ̀iŋ bi gò yɛ̀mɛ̀ diɛiŋ nɛ̀ sùà.

2 Kɔliìŋ 11:27

Mìŋ naŋ tomo yèè mìŋ naŋ fɛ̀ɛ̀, mìŋ naŋ kpèèwù maŋ jàwè. E jìè naim nyɛ̀nɛ̀ŋ yaà ke jòòmàì, e teenga zimgbe mìŋ kuwo ke tɔùŋ, è nɛ̀ŋje teenga fè, ko hàwe fè ɔ̀ɔ̀ maŋ dèè maŋ fè.

Maŋ kèì nyɛɛnɛŋ 19:9

Wo màikàa naim woò wààŋ, “Singà tɛɛ̀. E zɔlɔ̀ yaà anyùùŋ nyaŋ àŋ naŋ nyààŋ koɓɛ̀ wɔŋ ɗàà ke yɛɛ̀ gbìaàŋ e nyaàiŋ dè wo Ɓaawaaà.” Wo màikàa naŋ ɓɛìŋ woò wààŋ, “Maŋ mìè gbòà tɔ̀ɔ̀nyaàŋ maŋ e nyaàiŋ dè wo Dayà.”

Maŋ kèì nyɛɛnɛŋ 21:2

Mìŋ naŋ yɛ̀mɛ̀ ko Jàwà Nɛɛmaŋ Gbeeì, ko Jùlusɛ̀làm jɛ̀ì yìi, kò yaà dèya sùà kò yewe koɓɛ̀ Dayài ko àìjɛnɛ̀ŋ. Kò naŋ wa banebànè mààŋ wo jɔùŋ naŋ kpàà e kpàà ke yɛɛ̀ gbìaŋ wò yaà kɔɔyɛ wèè wo mɛɛ̀ŋ wo fanuuŋ nɔɔ̀ŋ.