Maafiù 9:14 - WƆŊ FƐ̀Ì EBÒ SÌÀŊ DAYÀA

¹⁴ Anyùùŋ màŋjɛ̀wɛ̀ Jɔ̀ɔŋ Gùà Nyùnɔ̀ɔŋ naŋ hnè koɓɛ̀ Jisɛ̀i, yèè àŋ nauŋ dawè nyààŋ, “Wèè kiìŋ yàwi e kpùlìà aŋ Fɛlosiì nyaŋ kuwo ke tɔùŋ e teenga gbiŋ, kɛɛ aŋ jeum nyàŋ fè nyiŋ nɔŋ kùwà gbiŋ?”

Maafiù 9:14 ပူးပေါင်းရင်းမြစ်များ

Maafiù 11:2

E teengaà wo Jɔ̀ɔŋ Gùà Nyùnɔ̀ɔŋ yaà wa ko sààŋ nyìwìi lɛ̀, wò naŋ kòmò maŋ keì maŋ wo Jisɛ̀ Kulaì yaà wa nyinie màŋ. Yèè wò naŋ tùɔ̀ŋ anyùùŋ màŋjɛ̀wɛ̀uŋ bà ko nɛ̀ɛ̀uŋ niìŋ.

Maafiù 6:16

“Sèè mùŋ kuwo ke tɔùŋ, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do nyìmàŋ kɛ̀ mùŋ yaà kè tɔùŋ, màànààŋ anyuùŋ jàà fɛ̀ɛ̀ keì foo nyàŋ nyɛnɛŋ lɛ̀. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 9:15

Wo Jisɛ̀ naŋ nyiŋ woò wààŋ, “Nìŋ yaà yɛ̀ɛ̀mɛ̀ dòmaŋ wèè aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ nɔ̀ŋ ke nyowo sùà e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Tɛɛ̀ fè ɓɛ̀nɛ̀ŋ kàaiŋ! Kɛɛ e teenga do nàŋ hnè aŋ nyiŋ gè wo kɛ̀ɛ̀nɛ̀ŋ jɔnɔ̀ɔŋ e tɛɛ, ke ɗɔɔ bi diɛŋ àŋ do nàŋ kùwò ke tɔùŋ.

Jɔ̀ɔŋ 3:25

Anyùùŋ màŋjɛ̀wɛ̀ Jɔ̀ɔŋ nyàŋ yaà aŋ Juùù nyaŋ bà nyiŋ naŋ wa kpàànè kpàànè e fèemàŋ e nyaàiŋ dè e ɗewe kiiɛ̀ àŋ guo nyiŋ bi lɛ̀ e làngì zòòlo nyiŋ nɛ̀ sùà wèè aŋ nɔ̀ŋ anyuùŋ zɛ̀nɛŋ.

Jɔ̀ɔŋ 4:1

Wo Jisɛ̀ wa nyìmàŋ kɛ̀ ke gbòò aŋ Fɛlosiì nyaŋ naŋ wa kòmò kɛ̀ anyuùŋ zimgbe yaà wa kɔ̀ɔ̀yɛ̀ ko nɛ̀ɛ̀uŋ niìŋ yèè wò yaà nyiìŋ wa guuye e nìàŋ anyùùŋ màŋjɛ̀wɛ̀ nyaŋ wo Jɔ̀ɔŋ yaà wa guuye nyàŋ.