Maafiù 9:13 - WƆŊ FƐ̀Ì EBÒ SÌÀŊ DAYÀA

¹³ Kɔ̀àaìŋ niŋ kpɛ̀nɛ̀ŋ e yèɛ wɔŋ fɛ̀ì Dayàa naŋ woò lɛ. Wɔ̀ŋ naŋ woò wààŋ, ‘Mìŋ manaŋ naŋ tɔ̀ɔ̀ ke nyowo koɓɛ̀ aŋ dàwiiŋ nyàŋ, kɛɛ e fè wèè naŋ nɔŋ gììyà màŋ ɗolònɛ̀ŋ saàà kò nɛ̀ɛ̀ŋ miìŋ.’ Miŋ gò hnàŋ wèè ka nyààŋ ànyùùŋ tɔ̀ɔ̀nyaàŋ nyaŋ wèè aŋ nɔ̀ŋ ànyùùŋ màŋjɛ̀wɛ̀im, sɔɔ̀ anyùùŋ maŋ kpèè naanààŋ nyaŋ.”

Maafiù 9:13 ပူးပေါင်းရင်းမြစ်များ

Maafiù 12:3

Wo Jisɛ̀ naŋ nyiŋ fasàì wààŋ, “Kòò nìŋ kpɛ̀nɛ̀ŋ wa è nɛ̀ɛŋ wò Dèèwe naŋ wa nyɛ̀nɛ̀ŋ lɛ è teengaà e jìèɛ yàaùŋ wa yaà anyùùŋ màŋjɛ̀wɛ̀uŋ nyàŋ?

Maafiù 12:5

Yèè kòò nìŋ kpɛ̀nɛ̀ŋ màŋ Sàwà Mòòze màŋ kɛ̀, aŋ gè aŋ sìèfèìŋ zòòlo nyàŋ nyààŋ diɛŋ wèè aŋ nyɛ̀nɛ̀ŋ e tòmo ko Saaŋ Zòòlò Dayài ke Ɗɔ̀ɔ̀ Zòòlò aŋ Juùù nyaŋ diɛŋ? Kɛɛ wo nyùùŋ gbiŋ fè woò wààŋ àŋ pɔ̀ɔ̀ kè sàwà kè Ɗɔ̀ɔ̀ Zòòlò àŋ Juùù nyaŋ.

Maafiù 12:7

Nàŋ nyìmàŋ kɛ̀ kiìŋ wɔŋ fɛ̀ì Dayàa naŋ fasaì nààŋ wɔ̀ŋ naŋ woò wààŋ, ‘Mìŋ manaŋ naŋ tɔ̀ɔ̀ ke nyowo koɓɛ̀ aŋ dàwiiŋ nyàŋ, kɛɛ e fè è sàà gè màŋ ɗolònɛ̀ŋ kò nɛ̀ɛ̀ŋ miìŋ.’ Sèè naŋ weè nyìmàŋ e nɛ̀ɛŋ e keì lɛɛ̀ naŋ fasàì lɛ, niŋ naàŋ weè jèè è keì ànyùùŋ nyaŋ gò pɔ̀ɔ̀ kè sàwà nyaŋ.

Maafiù 19:4

Wo Jisɛ̀ naŋ fasàì wààŋ, “Kòò nìŋ kpɛ̀nɛ̀ŋ wɔ̀ŋ fɛ̀ì Dayàa wɔ̀ŋ yèɔ naŋ woò kɛ̀ ko tɔ̀ɔ̀tù e ɗuunyaàŋ wo Dayà naŋ nyiŋ wa banè wo felaa yèè wo jɔùŋ?

Maafiù 21:42

Wo Jisɛ̀ naŋ nyiŋ ɓɛìŋ woò wààŋ, “Tɔɔɓaa nàŋ wa kpɛ̀nɛ̀ŋ e sìnga lɛɛ̀ wɔŋ fɛ̀ì Dayàa sùà kɛ̀, ‘Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà. Wo Kanaà Dayà wuŋ bi naŋ wa tɛɛ̀ nyɛ̀nɛ̀ŋ. E keì sìàŋ bi è siaŋ wèè yɛ̀mɛ.’ ”

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 3:8

Nyɛ̀nɛìŋ maŋ keì maŋ do nàŋ tɔɔ̀ kɛ̀, tɔɔɓaa nàŋ fè maŋ tùwo naanààiŋ màŋ jɛwɛ.

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Luù 10:26

Wo Jisɛ̀ nauŋ fasàì wò naŋ woò wààŋ, “Kiìŋ ke Sàwà Dayàa naŋ woò? Diè mùŋ gɔì nyiìŋ sùà?”

Luù 19:10

Miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka kàmè e kìlà ka jòèyè anyùùŋ nyaŋ naŋ go nyàŋ.”

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Luù 5:31

Wo Jisɛ̀ naŋ nyiŋ woò wààŋ, “Anyuùŋ ɓòù nyaŋ fè kàmè wò zòòlègòò, sɔɔ̀ nɔŋ anyuùŋ sàaŋ nyàŋ.

Luù 5:32

Miŋ gò hnàŋ wèè ka nyààŋ ànyùùŋ tɔ̀ɔ̀nyaàŋ nyaŋ wèè aŋ fè màŋ tùwo naanààŋ nyiŋ màŋ jɛwɛ. Mìŋ naŋ hnè wèè ka nyààŋ anyùùŋ maŋ jùumù nyaŋ.”

Jɔ̀ɔŋ 10:34

Wo Jisɛ̀ naŋ nyiŋ woò wààŋ, “Maŋ mìè mɛɛ̀ŋ yaà sìnga miŋ wɔŋ fɛ̀ì maŋ Sàwàiŋ nɔɔ̀ŋ sùà kɛ̀, ‘Nìŋ yaà aŋ dayà.’

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

2Pììlɛ 3:9

Wo Kanaà fè dɔɔnɔ̀ŋ wèè wo nyɛ̀nɛ̀ŋ è nɛ̀ɛŋ wò naŋ ɓèmè ɗààhiì wèè wo nyɛ̀nɛ̀ŋ lɛ, màànààŋ ànyùuŋ bà gongà lɛ. Kɛɛ wò kuwo jii weèiŋ esaɓù kɛ̀ wo manàŋ wèè wò nyùùŋ gbiŋ fà. Kɛɛ wò manaŋ nyùùŋ gbiŋ fè maŋ tùwo naanààuŋ màŋ jɛwɛ.