Maafiù 8:6 - WƆŊ FƐ̀Ì EBÒ SÌÀŊ DAYÀA

⁶ “Kanaà, wo ɓɔìjɔ̀à miɔ̀ŋ yaà siinyɛŋ ko gboo mio e kìlà wo fè ɓɛ̀nɛ̀ŋ kàaiŋ.”

Maafiù 8:6 ပူးပေါင်းရင်းမြစ်များ

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Maafiù 8:7

Yèè wo Jisɛ̀ nauŋ woò wààŋ, “Mìŋ yaà kɔɔyɛ wèè kauŋ sùngà.”

Maafiù 9:2

Anyùùŋ bà naŋ wa hìɛ̀ŋ wo felaa kpɔ̀ɔ̀kpɔɔ bà ko nɛ̀ɛ̀uŋ niìŋ wò hawa wɔŋ gbùmaŋ sùà. Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò wo felaa kpɔ̀ɔ̀kpɔɔɔ̀ wààŋ, “Felaa wɛɛ̀, kɛ̀ɛ̀nɛɛ̀ŋ ke jii nyingè, kà jùùyà maŋ jùumùum màŋ hakɛ̀.”

Nyɛ̀nɛ̀ŋ 10:7

Yèè wo màikàa naŋ kɔ̀ nààŋ wò nauŋ kpɛ̀ɛ̀yɛ̀ kɔɔ gbòa. Wo Kɔ̀nilìɔ̀ naŋ nyààŋ aŋ ɓɔìjɔ̀à tòmouŋ nyàŋ àŋ tìyèe yèè wo kààlòòɗùàuŋ nɔɔ̀ŋ bà guùŋ, wo yèɔ hewa zòòlò Dayà wɔ.

Nyɛ̀nɛ̀ŋ 8:7

Aŋ jinàŋ naanààŋ nyaŋ naŋ wa kpààŋ sɛiŋ aŋ fòlò anyuùŋ zimgbe ko sùà, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ yèè anyuùŋ kpɔ̀ɔ̀kpɔɔ nyàŋ zimgbe nyiŋ naŋ wa jòèyè.

Nyɛ̀nɛ̀ŋ 9:33

Kuii wo Pììlɛ naŋ wa mɛ̀ɛ̀ŋ wo felaa kpɔ̀ɔ̀kpɔɔ bà àŋ nyaaŋ wo Enià. Wo felaa wɛɛ̀ wa naàŋ sààŋ wèè maŋ dòà nɔɔnɔŋ le taai wɔŋ gbùmauŋ nɔɔ̀ŋ sùà.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

Kòlo 4:1

Nyɛ̀iŋ nààŋ nyuùŋ kɛ̀ɛ̀nɛ̀ŋ ɗo nyàŋ, nɔ̀iŋ e tɔ̀ɔ̀nyaàŋ sùà wèè e ɗewe kiiɛ̀ nìŋ kuwo aŋ ɗoiŋ nyàŋ lɛ. Kɛ̀ɛ̀nɛìŋ jii jàa kɛ̀ nyɛ̀iŋ pɛɛ nìŋ kuwa wo Kɛ̀ɛ̀nɛŋ ko àìjɛnɛ̀ŋ.

1Time 6:2

Aŋ yè nyaŋ yaà aŋ ɗo anyuùŋ hààwe dìì nyaŋ ɓɔ̀ àŋ niingè àŋ kana nyiŋ nyàŋ fɛ̀ɛ̀, e fèfoo nyiiŋ pɛɛ àŋ yaà anyuùŋ hààwe. Àŋ kuwa aŋ tomo weè nyiŋ tɛ̀ɛ̀ kaiŋ, esaɓù kɛ̀ aŋ yè nyaŋ yɛmɛ̀ e nàfa e yìwìà e tòmo nyiŋ nɛ̀ sùà nyaŋ àŋ yaà anyuùŋ mànaŋ nyiŋ e hààweɛ̀ sùà. Sɔɔ̀ maŋ kàà anyuùŋ nyaŋ, e kìlà maŋ nyiŋ wòò maŋ keì mɛɛ̀ŋ gbiɛŋ.

Felemɔ̀ŋ - PHM 1:16

kɛɛ wo fè hinie mààŋ wò ɗo. Wo Onisimɔ̀ŋ yaà wo wùìya kɛnɛ e nìàŋ wo ɗo. Wò yaà wo wùìya mɔ̀ɔ̀nɔŋ kɛnɛ ko nɛ̀ɛ̀ŋ miìŋ yèè kai kai ngèè ko nɛ̀ɛ̀ŋ muìŋ, nààŋ wo yaà nyuùŋkpùuŋ wɔŋ kɔɔ sùà yèè wo nyùùŋ màŋjɛ̀wɛ Kanaà Jisɛ̀ Kulaì.