Maafiù 8:4 - WƆŊ FƐ̀Ì EBÒ SÌÀŊ DAYÀA

⁴ Kpeiŋ wo Jisɛ̀ naŋ wòò wo felaaà wààŋ, “Kùmiàim, ɓɔ̀ mùŋ woò wò nyùùŋ bà gbiŋ è keì lɛɛ̀. Kɔ̀à muŋ tɔɔ̀ muàŋ bi koɓɛ̀ wo sìèfèìŋ zòòloɔ̀ wo yɛmɛ yɛ̀mɛ̀ùm tɛ̀ɛ̀ wèè wo nyìmàŋ kɛ̀ e sààŋ maŋkùnùɛ èum jùà e kɔɔ sùà. Kpeiŋ wò do nàŋ kiɛ̀ŋ ke mìè seì koɓɛ̀ anyùùŋ fuɔŋ nyàŋ, kɛ̀ àŋ nyìmàŋ kɛ̀ e sààŋ maŋkùnùɛ èum jùà e kɔɔ sùà janyai. Tɛɛ̀ dò nàŋ nyɛ̀nɛ̀ŋ nyɛ̀iŋ nyiŋ naŋ ɓɛìŋ tòòmò koɓɛ̀ guùŋ. Kpeiŋ kɔ̀à muŋ kiɛ̀ŋ e kìɛ̀ŋ e nɛ̀ŋ saàa wo Mòòze naŋ wa wòò kii niŋ lɛ̀ ko Saaŋ Zòòlò Dayài wèè e tɔɔ̀ kɛ̀ wo Dayà wòum joeyè.”

Maafiù 8:4 ပူးပေါင်းရင်းမြစ်များ

Maafiù 10:18

Nìŋ do nàŋ sìè aŋ kànà fuɔŋ yèè anyùùŋ nyaŋ fè àŋ Juùù nyaŋ fɛɛ̀feìŋ wèè esàɓù e deè mɛ̀, wèè naŋ nyiŋ kìɛ̀ŋ ke mìè seì e nyaàiŋ dè Ebò Siaàŋ.

Maafiù 16:20

Kpeiŋ wo Jisɛ̀ naŋ nàà anyùùŋ màŋjɛ̀wɛ̀uŋ nyàŋ kɛ̀ ɓɔ̀ àŋ woò wò nyùùŋ gbiŋ kɛ̀ wuŋ nàŋ yaà wo Kulaìɔ.

Maafiù 17:9

E teengaà àŋ yaà wa yèwà sùà wɔŋ tolòɔ dìmɛ̀ àŋ yaà dèyà sùà lɛ, wo Jisɛ̀ naŋ nyiŋ hèè e nàà sìwè wèè kɛ̀ ɓɔ̀ àŋ woò è nɛ̀ɛŋ àŋ naŋ yɛmɛ̀ lɛ wò nyùùŋ gbiŋ e jèèsùà wuŋ wo Jɔ̀àfèlàà Nyuùŋ Kpùnɔɔ̀ŋ wo yèwà e fàaà dìì.

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Maafiù 5:17

“Ɓɔ̀ nìŋ gongò kɛ̀ mìŋ naŋ hnè wèè ka jàà maŋ Sàwà Dayà maŋ yèè maŋ mìè gbìàŋ aŋ wɛ̀ijì nyaŋ ɓula. Miŋ gò hnàŋ wèè ka miŋ noo gè, kɛɛ mìŋ naŋ hnè wèè ka tɔ̀ɔ̀ e fàsai kɛnɛ miŋ nɛ̀ e hɛɛnɛ̀ŋ.

Maafiù 6:1

“Sèè mùŋ nɔ̀ŋ nyìnìè e tòmò siaŋ e dèè Dayàa diɛŋ, ɓɔ̀ mùŋ nyɛ̀nɛ̀ŋ niŋ wèè ànyùùŋ àŋ doum yɛmɛ̀. Sèè mùŋ nyɛnɛŋ yɛi wèè anyùùŋ aŋ yɛ̀mɛ̀ e tɔ̀ɔ̀nyaàŋ e yèɛ mùŋ yaà nyinie lɛ̀, wo Dèda mɔɔ̀ŋ ko àìjɛnɛ̀ŋ wo naàum kìɛ̀ŋ e jìwààjɛ̀wɛ̀ siaŋ.

Maafiù 9:30

Yèè e fɛɛ̀ nyiŋ nɛ naŋ gbaì àŋ naŋ yɛ̀mɛ̀ dìì. Kɛɛ wo Jisɛ̀ naŋ nyiŋ kìɛ̀ŋ e go wààŋ, “Ɓɔ̀ nìŋ woò è keì lɛɛ̀ wò nyùùŋ gbiŋ.”

Luù 17:14

Wo Jisɛ̀ naŋ nyiŋ yɛmɛ̀ yèè wò naŋ nyiŋ woò wààŋ, “Kɔ̀àaìŋ koɓɛ̀ wo sìèfèìŋ zòòloɔ̀ wo yɛmɛ yɛ̀mɛ̀iŋ.” Nààŋ àŋ yaà wa kɔɔyɛ, àŋ naŋ jòèyè aŋ zɛ̀nɛ̀ŋ.

Luù 21:13

Tɛɛ̀ do nàŋ nɔ̀ŋ e teengaiŋ nɛ̀ wèè naŋ nyiŋ kìɛ̀ŋ ke mìè seì e nyaàiŋ dè Ebò Siaàŋ.

Luù 4:41

Aŋ jinàŋ naanààŋ naŋ wa fòlò anyuùŋ zimgbe ko sùà, àŋ yaà kpàaŋ sùà nyààŋ, “Muàŋ nàŋ yaà wo Jɔ̀àfèlàà Dayàa!” Kɛɛ wo Jisɛ̀ naŋ wa nàà aŋ jinàŋ naanààŋ nyaŋ wààŋ ɓɔ̀ àŋ woò ànyùùŋ kɛ̀ ɓòò nàŋ yàaùŋ, esaɓù àŋ wa nyìmàŋ kɛ̀ wuŋ nàŋ yaà wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ, wo Kulaìɔ.

Luù 5:14

Wo Jisɛ̀ naŋ wòò wo felaaà wààŋ, “Ɓɔ̀ mùŋ woò wò nyùùŋ bà gbiŋ è keì lɛɛ̀ fiò. Kɛɛ jiɛ̀, kɔ̀à muŋ tɔɔ̀ muàŋ bi koɓɛ̀ wo sìèfèìŋ zòòloɔ̀ ko Jùlusɛ̀làm wo yɛmɛ yɛ̀mɛ̀ùm tɛ̀ɛ̀ wèè wo nyìmàŋ kɛ̀ e sààŋ maŋkùnùɛ èum jùà e kɔɔ sùà. Kpeiŋ wò do nàŋ kìɛ̀ŋ ke mìè seì koɓɛ̀ anyùùŋ fuɔŋ nyàŋ, kɛ̀ àŋ nyìmàŋ kɛ̀ e sààŋ maŋkùnùɛ èum jùà e kɔɔ sùà janyai. Tɛɛ̀ dò nàŋ nyɛ̀nɛ̀ŋ nyɛ̀iŋ nyiŋ naŋ ɓɛìŋ tòòmò koɓɛ̀ guùŋ. Kpeiŋ kɔ̀à muŋ kiɛ̀ŋ e nɛ̀ŋ saaà koɓɛ̀ wo sìèfèìŋ zòòloɔ̀ e yèɛ wo Mòòze naŋ wa wòò kii niŋ lɛ̀ wèè e tɔɔ̀ kɛ̀ wo Dayà wòum joeyè.”

Luù 8:56

E keì lɛɛ̀ naŋ wa fòònò anyùùŋ kòmàŋ ɓɔ̀jɔaà, kɛɛ wo Jisɛ̀ naŋ nyiŋ wa woò wààŋ ɓɔ̀ àŋ woò wò nyùùŋ gbiŋ kɛ̀ kiìŋ naŋ kaaìŋ.

Luù 9:21

Kpeiŋ wo Jisɛ̀ naŋ nàà anyùùŋ màŋjɛ̀wɛ̀uŋ nyàŋ kɛ̀ ɓɔ̀ àŋ woò wò nyùùŋ gbiŋ kɛ̀ wuŋ nàŋ yaà wo Kulaìɔ.

Jɔ̀ɔŋ 5:41

“Miŋ fè yɛ̀ɛ̀mɛ̀ dòmaŋ wèè ànyuùŋ kpùuŋ àŋ doim tɛnɛ̀ŋ.

Jɔ̀ɔŋ 7:18

Sèè mìŋ mɔnɔŋ weè wèè ka gbòà wèè ka jòòwò miàŋ bi, mìŋ henàŋ gbòò e gààŋ miàŋ biɛ̀ sùà. Kɛɛ mìŋ manaŋ ka dɛ̀ɛ̀kɛ̀ wo nyùnɔ̀ɔŋ naim tùɔ̀ŋ wɔ. Esaɓùɛ lɛɛ̀ mìŋ woà e tɔɔɓaaà yèè e fè tòa.

Jɔ̀ɔŋ 8:50

Miŋ fè kààmè è ɓɛ̀ɛ̀jàa wèè miàŋ bi. Kɛɛ wo Dayà manaŋ wèè anyùùŋ aim kìɛ̀ŋ e ɓɛ̀ɛ̀jàa, yèè wuŋ guùŋ nɔŋ nàŋ gbaì anyùùŋ.