Maafiù 8:27 - WƆŊ FƐ̀Ì EBÒ SÌÀŊ DAYÀA

²⁷ Kɛɛ è naŋ nyiŋ wa foonò, yèè àŋ naŋ kùùnò wòò nyiŋ bi e fèemàŋ nyààŋ, “Ɓòò naŋ yaà wo felaa wɛɛ̀? Wɔŋ dùfòìɔ yaà e bɔiŋ nɛ̀ kàìŋ nɛ pɛɛ jɔɔlɔ̀uŋ dìì!”

Maafiù 8:27 ပူးပေါင်းရင်းမြစ်များ

Maafiù 14:33

Kpeiŋ anyùùŋ màŋjɛ̀wɛ̀ nyaŋ wɔŋ gɔɔ̀ sùà naŋ gbùwò wo Jisɛ̀ ko gòlòò dìì e ɓɛ̀ɛ̀jàa sùà, yèè àŋ naŋ woò nyààŋ, “Tɔɔɓaa muàŋ nàŋ yaà wo Jɔ̀àfèlàà Dayàa.”

Maafiù 15:31

E keì bi naŋ wa fòònò anyùùŋ nyaŋ wèè e yèɛ àŋ naŋ wa yɛmɛ̀ yèè àŋ naŋ kòmò lɛ. Anyùùŋ nyaŋ kòò àŋ gbòò wa nyàŋ naŋ gbòò. Anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ naŋ jòèyè, anyuùŋ kpɔ̀ɔ̀kpɔɔ nyàŋ naŋ kaaìŋ, yèè anyuùŋ zììlè le fɛ̀ɛ̀ nyaŋ naŋ yɛ̀mɛ̀ dìì. Anyùùŋ nyaŋ gbiŋ naŋ wa tɛ̀nɛ̀ŋ wo Dàyà Ezɔ̀ɛ̀ɔ.

Maafiù 8:10

Nààŋ wo Jisɛ̀ naŋ wa kòmò e keì wòo lɛɛ̀, è nauŋ wa foonò zimgbe. Kpeiŋ wò naŋ kìlè yèè wò naŋ wòò anyùùŋ nyaŋ yàaùŋ wa maŋjɛ̀wɛ nyàŋ wààŋ, “Tɔ̀ miŋ woòiŋ e tɔɔɓaaà kɛ̀, wɔŋ fùɔ̀ŋ Ezɔ̀ɛ̀ɔ gbiŋ sùà, kòò mìŋ yɛ̀mɛ̀ wò nyùùŋ gbiŋ wò yèɔ kuwa è hààwe gbee mààŋ tɛɛ̀!

Maafiù 8:26

Kpeiŋ wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “Wèè kiìŋ e jùùɛ nyɛ̀nɛ̀ìŋ? Kiìŋ è hààwe jɔa nìŋ kuwa yɛi?” Wo Jisɛ̀ naŋ yèwè dìì wo sie wo wòò wɔŋ dùfòìɔ yaà e bɔiŋ nɛ̀ wààŋ, “E dìà yɛi!” Wɔŋ dùfòìɔ yaà e bɔiŋ nɛ̀ naŋ gɔ̀àà dìì, yèè e dìì naŋ nɔ̀ŋ gìli.

Maafiù 8:28

Wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ wɔŋ fàaa bàa wɔŋ juwoɔ̀ kɔɔ, maŋ kpàlàùŋ kpàlàùŋ wɔŋ fuɔɔ̀ŋ àŋ nyaaŋ Gàdalà lɛ. Wò naŋ wa nɔŋ fòlò wɔŋ gɔɔ̀ sùà wò naŋ dè ko tiwi wò yaà kààìŋ ko dòmaìŋ, wò naŋ dèènè aŋ fèlàà tìyèe bà àŋ folo e ɓìè maŋ hùaàŋ sùà koɓɛ̀ bi. Aŋ felaa nyàŋ kuwa wa aŋ jinàŋ naanààŋ maŋjɛ̀wɛ nyiŋ. Aŋ felaa nyàŋ kuwa wa gààŋ zimgbe e kìlà àŋ hewa gbùwà anyùùŋ ke gùuŋ, esaɓù lii wo nyùùŋ gbiŋ fè wa ɓɛìŋ ɓɛ̀nɛ̀ŋ kè dòmaŋ bi kààìŋ diɛŋ.