Maafiù 8:26 - WƆŊ FƐ̀Ì EBÒ SÌÀŊ DAYÀA

²⁶ Kpeiŋ wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “Wèè kiìŋ e jùùɛ nyɛ̀nɛ̀ìŋ? Kiìŋ è hààwe jɔa nìŋ kuwa yɛi?” Wo Jisɛ̀ naŋ yèwè dìì wo sie wo wòò wɔŋ dùfòìɔ yaà e bɔiŋ nɛ̀ wààŋ, “E dìà yɛi!” Wɔŋ dùfòìɔ yaà e bɔiŋ nɛ̀ naŋ gɔ̀àà dìì, yèè e dìì naŋ nɔ̀ŋ gìli.

Maafiù 8:26 ပူးပေါင်းရင်းမြစ်များ

Maafiù 16:8

Wo Jisɛ̀ wa nyìmàŋ kɛ̀ kiìŋ àŋ yaà wa woo nyiŋ bi e fèemàŋ, yèè wò naŋ nyiŋ dawè wààŋ, “Wèè kiìŋ nìŋ yaà woo kɛ̀ niŋ kuwà è gbɔ̀u? Wèè kiìŋ nìŋ yaà yɛi anyuùŋ kɛ̀ɛ̀nɛ̀ŋ hààwe jɔa?

Maafiù 17:20

Wo Jisɛ̀ naŋ nyiŋ fasàì wààŋ, “E hààweiŋ nɛ̀ naŋ tolòò, esaɓùɛ lii niŋ gò ɓɛnɛ̀ŋ. Mìŋ yààìŋ wòo sùà e tɔɔɓaaà, sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò wɔŋ toò wɛɛ̀ŋ nààŋ, ‘Yewà kià muŋ ka wɔŋ fàà wiiŋ.’ È henàŋ kaaìŋ. E keì gbiŋ naàŋ weè nyìngè weèiŋ. [

Maafiù 6:30

Wo Dayà nàŋ kpaa maŋ dɛɛ ɓou màŋ gbiŋ ke fòungàa. Jòòpɛɛ màŋ yaà nàaŋ kià kɛɛ màŋ miŋ ɓɛ̀nɛ̀ŋ kɛ̀ɛ maŋ miŋ gbìàŋ ko hmɔ̀ɔ̀ŋ nàwèè maŋ hèwà. Wo Dayà ngèè ɓɛ̀nɛ̀ŋ nyɛ̀nɛ̀ŋ e gbee niŋ e weèum. Wèè kiìŋ mùŋ kuwa yɛi e hààwe jɔa tòloò?

Maafiù 8:27

Kɛɛ è naŋ nyiŋ wa foonò, yèè àŋ naŋ kùùnò wòò nyiŋ bi e fèemàŋ nyààŋ, “Ɓòò naŋ yaà wo felaa wɛɛ̀? Wɔŋ dùfòìɔ yaà e bɔiŋ nɛ̀ kàìŋ nɛ pɛɛ jɔɔlɔ̀uŋ dìì!”

Luù 4:35

Wo Jisɛ̀ naŋ wòò wo jinàŋ naanààaŋ wààŋ, “Kùmiàŋ e kìlà muŋ fòlà wo felaa wɛɛ̀ ko sùà!” Wo jinàŋ naanààaŋ naŋ dàà wo felaaà ko dììnaŋ anyùùŋ nyaŋ gbiŋ fɛɛ̀feìŋ yèè wò nauŋ fòlò ko sùà, e yèɛ wo felaaà gò nɛɛmùŋ lɛ.

Luùm 4:20

Wo Eɓulɔhɛɛ̀ŋ gò wa fè è hààweiŋ nɛ̀ jɛwɛ, yèè wo gò wa sikà wèè wo hààwè è yèɛ wo Dayà naŋ wa jɔ̀ɔ̀ ɗààhiì kɛ̀ wò do nàŋ nyɛ̀nɛ̀ŋ lɛ. E hààweuŋ nɛ̀ nauŋ wa kìɛ̀ŋ gààŋ, yèè wò naŋ tɛ̀nɛ̀ŋ wo Dayà e jòòwo gbee sùà.

Maŋ kèì nyɛɛnɛŋ 10:2

Wò kuwa wɔŋ fɛi fùngò fungo jɔa ko sìwè. Wò naŋ wa dè wɔŋ gòlò jìkauŋ nɔɔ̀ŋ wɔŋ juwoɔ̀ diɛŋ yèè wò naŋ dè wɔŋ gòlò gbɔnɔuŋ nɔɔ̀ŋ e dììɛ diɛŋ,