Maafiù 8:20 - WƆŊ FƐ̀Ì EBÒ SÌÀŊ DAYÀA

²⁰ Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Maafiù 8:20 ပူးပေါင်းရင်းမြစ်များ

Maafiù 12:32

Wo nyùnɔ̀ɔŋ gbiŋ naŋ wòò e keì naanààŋ wèè miàim wo Jɔ̀àfèlàà Nyuùŋ Kpùnɔɔ̀ŋ wɔ, wo Dayà wòuŋ ɓɛ̀nɛ̀ŋ jùùyà hakɛ̀. Kɛɛ wo nyùnɔ̀ɔŋ gbiŋ naŋ wòò e keì naanààŋ e nyaàiŋ dè wo Jìnàŋ Nɛɛmaàŋ wɔ, wo Dayà naàuŋ jùùyè hakɛ̀ nàaŋ ɔ̀ɔ̀ julɔfɔ wa nàwèè.

Maafiù 12:40

E ɗèwè guùŋ nɛ sùà nɔŋ wo Joonàŋ naŋ nɔ̀ŋ wo kɛì gbeeɔ̀ ko sùà wèè maŋ ɗɔ̀ɔ̀ taai yèè maŋ dùùm taai lɛ̀, yɛi nɔŋ miàim wo Jɔ̀àfèlàà Nyuùŋ kpùnɔɔ̀ŋ do nàŋ nɔ̀ŋ e dììɛ dìì wèè maŋ ɗɔ̀ɔ̀ taai yèè maŋ dùùm taai.

Maafiù 12:8

Miàim Jɔ̀àfèlàà Nyuùŋ Kpùnɔɔ̀ŋ nàŋ yaà wo Kanaà wèè ke Ɗɔ̀ɔ̀ Zòòlò aŋ Juùù nyaŋ.”

Maafiù 13:37

Wo Jisɛ̀ naŋ nyiŋ fasàì wààŋ, “Wo nyùnɔ̀ɔŋ naŋ vààì e kuù kòmàŋ sìàaŋ wɔ̀ nàŋ yaà miàim wo Jɔ̀àfèlàà Nyuùŋ Kpùnɔɔ̀ŋ.

Maafiù 16:13

Kpeiŋ wo Jisɛ̀ yèè anyùùŋ màŋjɛ̀wɛ̀uŋ nyàŋ naŋ kɔ̀ maŋ kpàlàùŋ kpàlàùŋ maŋ naŋ gbɛ̀ɛ̀ e jawaà Sesèlià Fèlepì. Nààŋ àŋ yaà wa kɔɔyɛ, wò Jisɛ̀ naŋ nyiŋ dawè wààŋ, “Ɓòò anyùùŋ nyaŋ naŋ woò nyààŋ miàim wo Jɔ̀àfèlàà Nyuùŋ Kpùnɔɔ̀ŋ mìŋ yaà?”

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 17:9

E teengaà àŋ yaà wa yèwà sùà wɔŋ tolòɔ dìmɛ̀ àŋ yaà dèyà sùà lɛ, wo Jisɛ̀ naŋ nyiŋ hèè e nàà sìwè wèè kɛ̀ ɓɔ̀ àŋ woò è nɛ̀ɛŋ àŋ naŋ yɛmɛ̀ lɛ wò nyùùŋ gbiŋ e jèèsùà wuŋ wo Jɔ̀àfèlàà Nyuùŋ Kpùnɔɔ̀ŋ wo yèwà e fàaà dìì.

Maafiù 19:28

Wo Jisɛ̀ naŋ nyiŋ fasàì wààŋ, “Tɔ̀ miŋ woòiŋ e tɔɔɓaaà kɛ̀, nìŋ yaà anyùùŋ màŋjɛ̀wɛ̀im. Yèè e ɗuunyaŋ jɛiɛ̀ do nàŋ hnè lɛ, sèè miàim wo Jɔ̀àfèlàà Nyuùŋ Kpùnɔɔ̀ŋ mìŋ jaà wa nàwèè ke kpùà e jòòwo gbee miɛ̀ŋ diɛŋ wèè ka kɛ̀ɛ̀ kana, nìŋ do nàŋ jɛ̀ì maŋ kpùà kana diɛŋ, màŋ zììyà jɛ̀wɛ̀ tìyèe wèè naŋ gbàì maŋ zìì ɗì zììyà jɛ̀wɛ̀ tìyèe màŋ ko Ezɔ̀ɛ̀.

Luù 12:8

“Tɔ̀ miŋ woòiŋ e tɔɔɓaà kɛ̀, anyùùŋ nyaŋ naŋ wòò ko fɛɛ̀feìŋ anyùùŋ nyààŋ àŋ yaà aŋ bàimbà nyaŋ, miàim wo Jɔ̀àfèlàà Nyuùŋ Kpùnɔɔ̀ŋ do wa nàwèè nàŋ wòò ko fɛ̀ɛ̀fèìŋ aŋ màìkà Dayà nyaŋ kɛ̀ àŋ yaà anyùùŋ màŋjɛ̀wɛ̀im.

Luù 18:8

Miŋ woòiŋ, wò do nàŋ gbaì weè nyiŋ e tɔ̀ɔ̀nyaàŋ sùà yèè wò do niŋ nàŋ nyɛ̀nɛ̀ŋ fiò. Kɛɛ sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e ɗuunyaàŋ lɛɛ̀, mìŋ doo nàŋ mɛ̀ɛ̀ŋ wo nyuùŋ kɛ̀ɛ̀nɛ̀ŋ hààwe gbiŋ?”

Luù 2:12

Yèè e ɗeweɛ̀ lɛɛ̀ nìŋ douŋ nàŋ nyìmè, nìŋ do nàŋ mɛ̀ɛ̀ŋ wo jɔaa àŋ nauŋ kpènèkpènè maŋ dèè wò hawa maŋ dɛɛ màŋ diɛŋ koɓɛ̀i aŋ nyìlì nyaŋ gbilià lɛ wɔŋ gbòlàa sùà ko kùlò aŋ nyìlì nyaŋ.”

Luù 2:16

Àŋ naŋ kɔ̀ maŋ dùaŋ dùaŋ aŋ mɛ̀ɛ̀ŋ wo Mèèle yaà wo Jòòsɛ, yèè àŋ naŋ yɛ̀mɛ̀ wo jɔaà wò hawa maŋ dɛɛ màŋ diɛŋ koɓɛ̀i aŋ nyìlì nyaŋ gbilià lɛ wɔŋ gbòlàa sùà.

Luù 2:7

Nààŋ aŋ gò wa yɛ̀mɛ̀ kò hàwe kò sààŋ nyùùnèènyɛiŋ nyàŋ, wo Mèèle naŋ wa kùmìè wo jɔ̀àfelaa jiɛ̀ jiɛ̀uŋ nɔɔ̀ŋ ko kùlò aŋ nyìlì nyaŋ, yèè wò nauŋ kpènèkpènè maŋ dèè wouŋ hàà maŋ dɛɛ màŋ diɛŋ wɔŋ gbòlàa sùà koɓɛ̀i aŋ nyìlì nyaŋ gbilià lɛ.

Luù 21:36

Yɛ̀mɛìŋ nyɛ̀iŋ bi diɛŋ yèè niŋ dawè wo Dayà e teenga gbiŋ wo kiɛ̀iŋ e gààŋ wèè maŋ keì mɛɛ̀ŋ do yaà nàŋ kaaìŋ maŋ gbaàiŋ bòìbòì e kìlà miàim wo Jɔ̀àfèlàà Nyuùŋ Kpùnɔɔ̀ŋ nɔ̀ŋ ke jii fàa sùà weèiŋ.”

Luù 8:3

Aŋ jɔùŋ bi bà nàŋ yaà wa ɓɛìŋ wo Jòanàŋ, wo yèɔ wo fanuuŋ nɔɔ̀ŋ Kuzà hewa tòòmò ko gbòòkùàŋ Kanaà Hɛɛlɔ̀ wɔ, wo Sùzanàŋ, yèè aŋ jɔùŋ zimgbe bà, aŋ yè nyaŋ naŋ wa kpùùmò Jisɛ̀ yàà anyùùŋ màŋjɛ̀wɛ̀uŋ nyàŋ e yìwìà manɛ̀ŋ kɛ̀ɛ̀nɛ̀ŋ nyiŋ bi màŋ sùà.

Luù 9:58

Wo Jisɛ̀ nauŋ woò wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Jɔ̀ɔŋ 1:51

Mìŋ yààìŋ wòò sùà e tɔɔɓaaà kɛ̀ nìŋ do nàŋ yɛ̀mɛ̀ ko àìjɛnɛ̀ŋ ko yilè yèè naŋ yɛ̀mɛ̀ aŋ màìkà Dayà nyaŋ àŋ jowo àŋ deye e kìlà naŋ nyiŋ yɛmɛ̀ àŋ yaà dèyà sùà miàim wo Jɔ̀àfèlàà Nyuùŋ Kpùnɔɔ̀ŋ diɛŋ.”

Jɔ̀ɔŋ 12:34

Anyùùŋ nyaŋ naŋ wòò wo Jisɛ̀ nyààŋ, “Ke sàwàa wààŋ kɛ̀ wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ wɔ wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. Kpeiŋ kɛ̀ dièsɔa mùŋ naŋ ɓɛ̀nɛ̀ŋ wòo kɛ̀ wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwouŋ? Ɓòò nàŋ yaà wo Jɔ̀àfèlàà Nyuùŋ Kpùnɔɔ̀ŋ?”

Jɔ̀ɔŋ 13:31

E teengaà wo Juɗà naŋ kɔ̀ lɛ, wo Jisɛ̀ naŋ woò wààŋ, “Miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim, yèè mìŋ do nàŋ hìɛ̀ŋ e jòòwo koɓɛ̀ Dayài.

Jɔ̀ɔŋ 3:13

Wo nyùùŋ bà gbiŋ kòò wò jòwò wa kò àìjɛnɛ̀ŋ, kɛɛ sɔɔ̀ nɔŋ miàim wo Jɔ̀àfèlàà Nyuùŋ Kpùnɔɔ̀ŋ wo yèɔ naŋ dèyè e yìwìà ko àìjɛnɛ̀ŋ wɔ.

Jɔ̀ɔŋ 3:14

“Màànààŋ nɔŋ wo Mòòze naŋ wa dìkìè wo kaì bàànè maŋ kàìɔ ke kùù yèè wò nauŋ jòòwò fùùŋ ke fòùngà e diì wòaà diɛŋ lɛ̀, yɛi nɔŋ miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim e ɗèwè kìì guùŋ nɛ sùà.

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Jɔ̀ɔŋ 6:53

Wo Jisɛ̀ naŋ nyiŋ fasàì wààŋ, “Mìŋ yààìŋ wòò e tɔɔɓaaà kɛ̀, sèè nìŋ go gbìlà e kèìŋ miàim wo Jɔ̀àfèlàà Nyuùŋ Kpùnɔɔ̀ŋ yèè naŋ tìà maŋ sɛnìim màŋ, niŋ naàŋ nɔ̀ŋ wɔ̀ŋ nyiiŋ gèe sùà.

Jɔ̀ɔŋ 6:62

Kpeiŋ kɛ̀, diè nìŋ do nàŋ gongò sèè nìŋ yɛmɛ̀ weè miàim wo Jɔ̀àfèlàà Nyuùŋ Kpùnɔɔ̀ŋ mìŋ jowo ko àìjɛnɛ̀ŋ koɓɛ̀i mìŋ yewe lɛ̀?

Nyɛ̀nɛ̀ŋ 7:56

Wò naŋ nyiŋ woò wààŋ, “Yɛ̀mɛìŋ! Mìŋ yɛmɛ̀ ko àìjɛnɛ̀ŋ naŋ yilè yèè wo Jɔ̀àfèlàà Nyuùŋ Kpùnɔɔ̀ŋ sia wɔŋ kùàŋ jìkà Dayàa!”

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.