Maafiù 8:2 - WƆŊ FƐ̀Ì EBÒ SÌÀŊ DAYÀA

² Kpeiŋ nààŋ wò naŋ wa jòò e faaàŋ, wo felaa kùwìè e sààŋ maŋkùnù naanààŋ bà naŋ hnè ko nɛ̀ɛ̀uŋ niìŋ, yèè wò naŋ dè maŋ gɛ̀ɛ̀nùuŋ màŋ dììnaŋ wò naŋ woò wààŋ, “Dàa, kɔ̀nɛɛ̀ŋ sungàim, esaɓù kà nyìmàŋ kɛ̀ màim ɓɛ̀nɛ̀ŋ sùnga ka zɛ̀nɛ̀ŋ sèè mùŋ mɔnɔŋ.”

Maafiù 8:2 ပူးပေါင်းရင်းမြစ်များ

Maafiù 10:8

Sùngaìŋ anyuùŋ sàaŋ nyàŋ, gèeìŋ anyuùŋ fàa nyàŋ dìì wɔŋ nyiiŋ gèeo sùà, sùngaìŋ anyuùŋ kɛ̀ɛ̀nɛ̀ŋ e sààŋ maŋkùnù nyaŋ aŋ zɛ̀nɛ̀ŋ, yèè niŋ gè aŋ jinàŋ naanààŋ anyùùŋ maŋjɛ̀wɛ. Nàŋ yɛ̀mɛ̀ e nɛ̀ŋ wèè foo, weètii, kìɛìŋ e nɛ̀ŋ wèè foo.

Maafiù 13:58

Esàɓù e hààwe gò kɛɛnɛ̀ŋ nyiŋ nɛ̀, wo Jisɛ̀ gò wa kuii nyɛ̀nɛ̀ŋ màŋ kèè mèè zimgbe.

Maafiù 14:33

Kpeiŋ anyùùŋ màŋjɛ̀wɛ̀ nyaŋ wɔŋ gɔɔ̀ sùà naŋ gbùwò wo Jisɛ̀ ko gòlòò dìì e ɓɛ̀ɛ̀jàa sùà, yèè àŋ naŋ woò nyààŋ, “Tɔɔɓaa muàŋ nàŋ yaà wo Jɔ̀àfèlàà Dayàa.”

Maafiù 15:25

Kɛɛ wo nìeɔ̀ naŋ hnè yèè wò naŋ dè maŋ gɛ̀ɛ̀nùuŋ màŋ dììnaŋ ko fɛɛ̀fenùuŋ, yèè wò nauŋ pɔwɔ̀ wààŋ, “Kɔ̀nɛɛ̀ŋ, kpùùmàim, Kanaà.”

Maafiù 18:26

Wo ɓɔìjɔ̀àa naŋ dè maŋ gɛ̀ɛ̀nùuŋ màŋ dììnaŋ wo kanaà fɛɛ̀feìŋ yèè wò nauŋ tɔ̀ɔ̀tù pɔ̀wɔ wààŋ, ‘Kɔ̀nɛɛ̀ŋ kanaà, yɛ̀mɛ̀iŋ ke nyowo, yèè mìŋ do nàŋ pààwà e nɛɛnɛɛ̀ŋ gbiŋ mìŋ kùwàùm e kpàŋ lɛ.’

Maafiù 2:11

Àŋ naŋ jɔ̀ ko saaìŋ koɓɛ̀i wo jɔ̀àa yaà wa lɛ̀, auŋ yɛmɛ̀ wò hawa wo yèyeuŋ nɔɔ̀ŋ wo Mèèle kùàŋ sùà, kpeiŋ àŋ naŋ dè maŋ gɛ̀ɛ̀nìŋ nyiŋ màŋ dìì yèè àŋ naŋ kìɛ̀ŋ wo jɔ̀àa e ɓɛ̀ɛ̀jàa. Aŋ naŋ wa hìɛ̀ŋ manɛ̀ŋ kìɛŋ mààŋ e goò, wɔŋ kùùkɔ̀ɔ̀ dò siaàŋ àŋ nyaaŋ nyààŋ filɛnkinsɛ̀ŋ, yèè e bù kpààì kana e yèɛ àŋ nyaaŋ nyààŋ mɛɛ̀ yèè àŋ nauŋ miŋ kiɛ̀ŋ e yìwìà maŋ sulo nyiŋ màŋ sùà.

Maafiù 20:20

Kpeiŋ wo jàwè Zɛɓɛdiìɔ naŋ hnè yèè wò naŋ hìɛ̀ŋ aŋ jɔ̀àfèlàà tìyèeuŋ nyàŋ koɓɛ̀ Jisɛ̀i, wò naŋ dè maŋ gɛ̀ɛ̀nùuŋ màŋ dììnaŋ ko fɛɛ̀fenùuŋ, yèè wò nauŋ pɔwɔ̀ wèè wo nyɛ̀nɛ̀ŋ e nɛ̀ŋ bà e weèuŋ.

Maafiù 26:6

Wo Jisɛ̀ yaà wa ko Bɛfenè ko gbòò Saimɔ̀ŋ, wo kenàŋ bà wo yèɔ kuwa wa weè e sààŋ maŋkùnù wɔ.

Maafiù 28:17

Yèè nààŋ àŋ nauŋ yɛmɛ̀, àŋ nauŋ gbùwò gòlòò dìì yèè àŋ nauŋ zoolò, jòòpɛɛ aŋ bà nyiŋ gò niŋ wa haawè kɛ̀ wò Jisɛ̀ wuŋ bi wo.

Maafiù 28:9

E bìao sùà wo Jisɛ̀ naŋ nyiŋ mɛɛ̀ŋ yèè wò naŋ nyiŋ zuumò. Àŋ naŋ hnè ko nɛ̀ɛ̀uŋ niìŋ auŋ gbùwò gòlò dìì, yèè àŋ nauŋ zoolò.

Maafiù 4:9

Wo Sɛ̀tanàaŋ naŋ wòò wo Jisɛ̀ wààŋ, “Miŋ doum nàŋ kìɛ̀ŋ manɛ̀ŋ mɛɛ̀ŋ gbiŋ, sèè maŋ dè maŋ gɛ̀ɛ̀nùum màŋ dìì e kìlà maim zoolò.”

Maafiù 8:1

Nààŋ wo Jisɛ̀ naŋ wa dèyè e yìwìà wɔŋ tolòɔ dìmɛ̀, ke gbòò anyuùŋ zimgbe nauŋ wa dè maŋjɛ̀wɛ.

Maafiù 8:25

Kpeiŋ anyùùŋ màŋjɛ̀wɛ̀ nyaŋ naŋ kɔ̀ àŋ nauŋ tùngò yèè àŋ naŋ woò nyààŋ, “Kanaà, jòèyè wi, è yààìŋ hinie eiŋ fà!”

Maafiù 9:18

Nààŋ wo Jisɛ̀ yaà wa tɛɛ̀ woo, wo nyuùŋ gbeeɔ̀ bà guùŋ wèè aŋ Juùù nyaŋ naŋ hnè ko nɛ̀ɛ̀uŋ niìŋ, wo dè maŋ gɛ̀ɛ̀nùuŋ màŋ dììnaŋ ko fɛɛ̀fenùuŋ yèè wò nauŋ woò wààŋ, “Wo jɔ̀àjɔùŋ miɔ̀ŋ naŋ nɔŋ fɔ̀ sààmɛ. Kɛɛ sèè mùŋ hnàŋ mùŋ gbùwoùŋ maŋ kùàŋ diɛŋ, wò do nàŋ kɛɛ̀ wɔŋ nyiiŋ gèeɔ̀ sùà.”

Luù 4:27

Yèè anyuùŋ zimgbe yaà wa ko Ezɔ̀ɛ̀ àŋ kuwa e sààŋ maŋkùnù e tèèngà wo wɛ̀ijìɔ Ìlaasà. Kɛɛ wo bà guùŋ pɛɛ wo gò wa jòèyà wèè wo zɛ̀nɛ̀ŋ, sɔɔ̀ nɔŋ wo felaa bà aŋ nyaaŋ wa wo Naamàŋ e yìwìà ko Siilià.”

Jɔ̀ɔŋ 9:38

Wo felaaà naŋ fasàì wààŋ, “Kanaà, kàum sìà e hààwe mɛ̀ ko sùà!” wò naŋ dè maŋ gɛ̀ɛ̀nùuŋ màŋ ko dììnaŋ yèè wò naŋ kìɛ̀ŋ wo Jisɛ̀ e ɓɛ̀ɛ̀jàa.

Nyɛ̀nɛ̀ŋ 10:14

Kɛɛ wo Pììlɛ naŋ woò wààŋ, “Kpele Kanaà, kòò mìŋ gbìlè wa è nɛ̀ŋ gò zɛ̀nɛ̀ŋ e yèɛ fè tɛ̀ɛ̀ lɛ.”

Nyɛ̀nɛ̀ŋ 10:25

Kɛɛ nààŋ wo Pììlɛ nao haì, wo Kɔ̀nilìɔ̀ nauŋ ɓeeè, yèè wò naŋ dè maŋ gɛ̀ɛ̀ŋ nùuŋ màŋ dìì, Kpeiŋ wò naŋ gbùwò wo Pììlɛ fɛɛ̀feìŋ e ɓɛ̀ɛ̀jàa sùà.

1 Kɔliìŋ 14:25

maŋ gòngò gbùnu nyiŋ màŋ jii nyiŋ màŋ sùà do nàŋ fòlò ko ɓài, e kìlà aŋ gbuwo aŋ zoolò kɛ̀, “Tɔɔɓaa wo Dayà kòò wò yaà nyiìŋ e tɛɛ.”

Maŋ kèì nyɛɛnɛŋ 19:10

Mìŋ naŋ dè maŋ gɛ̀ɛ̀nìim màŋ ko dììnaŋ wèè kauŋ zoolò, kɛɛ wò naim woò wààŋ, “Kpele, ɓɔ̀ mùŋ nyɛ̀nɛ̀ŋ niŋ! Mìŋ yaà wo ɓɔìjɔ̀à mààŋ muàŋ bi yèè anyuùŋ hààwe gbànaŋ nyàŋ, aŋ yè nyaŋ gbiŋ naŋ haawè yèè àŋ naŋ kìɛ̀ŋ mìè seì e nyaàiŋ dè e tɔ̀ɔ̀nyaàŋ wo Jisɛ̀ naŋ gɔ̀àì sùà lɛ. Zòòloò wo Dayà wuŋ guùŋ!” E tɔ̀ɔ̀nyaàŋ wo Jisɛ̀ naŋ gɔ̀àì sùà lɛ naŋ yaà e yèɛ sie aŋ wɛ̀ijì nyaŋ ke di wo jinàaŋ sùà.