Maafiù 8:16 - WƆŊ FƐ̀Ì EBÒ SÌÀŊ DAYÀA

¹⁶ E koya lii nààŋ e gɔɛɛ̀ naŋ wa naàŋ jùò fùùŋ, anyùùŋ naŋ wa hìɛ̀ŋ anyuùŋ kɛ̀ɛ̀nɛ̀ŋ aŋ jinàŋ naanààŋ zimgbe koɓɛ̀ Jisɛ̀i. Yèè e yìwìà ke mìè gbòà Jisɛ̀ɛ, aŋ jinàŋ naanààŋ nyaŋ naŋ wa fòlò anyùùŋ nyaŋ e kɔɔ sùà, yèè wò naŋ sùngò anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ zimgbe.

Maafiù 8:16 ပူးပေါင်းရင်းမြစ်များ

Maafiù 12:22

Kpeiŋ anyùùŋ bà naŋ hìɛ̀ŋ wò felaa bà koɓɛ̀ Jisɛ̀i esaɓù kɛ̀ wò naŋ wa zììlè le fɛ̀ɛ̀ yèè wo fè wà ɓɛ̀nɛ̀ŋ gbòa e kìlà wo jinàŋ naanààŋ yàaùŋ wa maŋjɛ̀wɛ̀. Wo Jisɛ̀ naŋ wa sùngò wo felaaà, wo gbòà yèè wo yɛ̀mɛ̀ dìì.

Maafiù 14:14

Nààŋ wo Jisɛ̀ naŋ wa fòlò wɔŋ gɔɔ̀ sùà wò naŋ dè, wò naŋ mɛ̀ɛ̀ŋ e faaŋ gbee lɛɛ̀ sia koɓɛ̀i, ke nyowoɛ̀ nauŋ nyɛ̀nɛ̀ŋ weè nyiŋ, yèè wò naŋ sùngò anyuùŋ sàaŋ nyiŋ nyàŋ.

Maafiù 8:15

Wò naŋ kɔ̀ ko nɛ̀ɛ̀uŋ niìŋ, wò nauŋ mɛ̀nlɛ̀ɛ̀ŋ kùàŋ, yèè e kɔɔ bìaà naŋ jùò wo nìeɔ̀ kɔɔ sùà, kpeiŋ wò naŋ yèwè dìì wo kìɛ̀ŋ wo Jisɛ̀ e nɛ̀ŋje.

Maafiù 8:33

Aŋ kpàkòò nyaŋ yaà wa yɛ̀ɛ̀mɛ̀ aŋ nyùàŋ nyaŋ diɛŋ nyàŋ, naŋ dùɔ̀ŋ aŋ ka aŋ ɓààyè ebò lɛɛ̀ ko jawaì. Àŋ naŋ wòò anyùùŋ nyaŋ e nɛ̀ɛŋ naŋ kààìŋ koɓɛ̀ aŋ felaa nyàŋ aŋ jinàŋ naanààŋ nyaŋ yaà wa maŋjɛ̀wɛ nyàŋ.

Maafiù 9:2

Anyùùŋ bà naŋ wa hìɛ̀ŋ wo felaa kpɔ̀ɔ̀kpɔɔ bà ko nɛ̀ɛ̀uŋ niìŋ wò hawa wɔŋ gbùmaŋ sùà. Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò wo felaa kpɔ̀ɔ̀kpɔɔɔ̀ wààŋ, “Felaa wɛɛ̀, kɛ̀ɛ̀nɛɛ̀ŋ ke jii nyingè, kà jùùyà maŋ jùumùum màŋ hakɛ̀.”

Luù 13:12

Nààŋ wo Jisɛ̀ naŋ yɛ̀mɛ̀ wo nìeɔ̀, wò nauŋ nyààŋ yèè wò nauŋ woò wààŋ, “Nìe wɛɛ̀, e sàaŋ mɔ̀ɛ̀ èum jùà e kɔɔ sùà!”

Luù 4:40

Nààŋ e gɔɛɛ̀ naŋ wa dèyè, anyùùŋ nyaŋ naŋ wa hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ zimgbe koɓɛ̀ Jisɛ̀i. Wò naŋ nyiŋ wa gbùwò maŋ kùàŋ diɛŋ yèè àŋ naŋ jòèyè.

Luù 4:41

Aŋ jinàŋ naanààŋ naŋ wa fòlò anyuùŋ zimgbe ko sùà, àŋ yaà kpàaŋ sùà nyààŋ, “Muàŋ nàŋ yaà wo Jɔ̀àfèlàà Dayàa!” Kɛɛ wo Jisɛ̀ naŋ wa nàà aŋ jinàŋ naanààŋ nyaŋ wààŋ ɓɔ̀ àŋ woò ànyùùŋ kɛ̀ ɓòò nàŋ yàaùŋ, esaɓù àŋ wa nyìmàŋ kɛ̀ wuŋ nàŋ yaà wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ, wo Kulaìɔ.

Nyɛ̀nɛ̀ŋ 5:15

Esàɓù ke nyɛ̀nɛɛ̀ŋ aŋ keela tàeɗùù nyaŋ yaà wa kòasùà feìŋ yɛ, anyùùŋ nyaŋ hewa kòà anyuùŋ sàaŋ nyàŋ maŋ dòmaŋ màŋ diɛŋ e kìlà aŋ nyiŋ hàà maŋ gbùmaŋ yaà maŋ ɓɛɛ diɛŋ wèè kɛ̀ sèè pɛɛ wo Pììlɛ nɔ̀ŋ weè kɔ̀ɛ̀ sùà wɔŋ fàà anyuùŋ sàaŋ nyàŋ wɔŋ miimiiuŋ nɔɔ̀ŋ wɔŋ nyiŋ dè diɛŋ sèè wò nɔ̀ŋ màaŋ sùà.