Maafiù 8:13 - WƆŊ FƐ̀Ì EBÒ SÌÀŊ DAYÀA

¹³ Kpeiŋ wo Jisɛ̀ naŋ wòò wo sìèfèìŋ aŋ kààlòòɗùà nyaŋ wààŋ, “Kɔ̀à naàŋ ko gboo moo. E hààwe mɔ̀ɛ̀ è nyɛ̀nɛ̀ŋ e yèɛ mùŋ naŋ woò lɛ è hɛɛnɛ̀ŋ.” E tèèngà guùŋ lii sùà nɔŋ wo ɓɔ̀ìjɔ̀à wo sìèfèìŋ aŋ kààlòòɗùà nyaŋ naŋ jòèyè.

Maafiù 8:13 ပူးပေါင်းရင်းမြစ်များ

Maafiù 15:28

Yèè wo Jisɛ̀ nauŋ woò wààŋ, “Nìe wɛɛ̀, mùŋ yaà wo nyuùŋ kɛ̀ɛ̀nɛ̀ŋ e hààwe gbee, weètii e yèɛ mùŋ manaŋ lɛ̀ è do nàŋ hɛɛnɛ̀ŋ weèum.” E tèèngà guùŋ bi sùà nɔŋ, wo jɔ̀àjɔ̀ùŋ nìeɔ̀ naŋ wa jòèyè.

Maafiù 17:20

Wo Jisɛ̀ naŋ nyiŋ fasàì wààŋ, “E hààweiŋ nɛ̀ naŋ tolòò, esaɓùɛ lii niŋ gò ɓɛnɛ̀ŋ. Mìŋ yààìŋ wòo sùà e tɔɔɓaaà, sèè naŋ weè kɛ̀ɛ̀nɛ̀ŋ e hààwe e dɛɛ̀ mààŋ ke kaaŋ komaŋ, nàŋ ɓɛ̀nɛ̀ŋ wòò wɔŋ toò wɛɛ̀ŋ nààŋ, ‘Yewà kià muŋ ka wɔŋ fàà wiiŋ.’ È henàŋ kaaìŋ. E keì gbiŋ naàŋ weè nyìngè weèiŋ. [

Maafiù 8:4

Kpeiŋ wo Jisɛ̀ naŋ wòò wo felaaà wààŋ, “Kùmiàim, ɓɔ̀ mùŋ woò wò nyùùŋ bà gbiŋ è keì lɛɛ̀. Kɔ̀à muŋ tɔɔ̀ muàŋ bi koɓɛ̀ wo sìèfèìŋ zòòloɔ̀ wo yɛmɛ yɛ̀mɛ̀ùm tɛ̀ɛ̀ wèè wo nyìmàŋ kɛ̀ e sààŋ maŋkùnùɛ èum jùà e kɔɔ sùà. Kpeiŋ wò do nàŋ kiɛ̀ŋ ke mìè seì koɓɛ̀ anyùùŋ fuɔŋ nyàŋ, kɛ̀ àŋ nyìmàŋ kɛ̀ e sààŋ maŋkùnùɛ èum jùà e kɔɔ sùà janyai. Tɛɛ̀ dò nàŋ nyɛ̀nɛ̀ŋ nyɛ̀iŋ nyiŋ naŋ ɓɛìŋ tòòmò koɓɛ̀ guùŋ. Kpeiŋ kɔ̀à muŋ kiɛ̀ŋ e kìɛ̀ŋ e nɛ̀ŋ saàa wo Mòòze naŋ wa wòò kii niŋ lɛ̀ ko Saaŋ Zòòlò Dayài wèè e tɔɔ̀ kɛ̀ wo Dayà wòum joeyè.”

Maafiù 9:22

Kpeiŋ, wo Jisɛ̀ naŋ kìlè yèè wò nauŋ woò wààŋ, “Nìe siaŋ wɛɛ̀, kɛ̀ɛ̀nɛɛ̀ŋ ke jii nyingè, e hààwe mɔ̀ɛ̀ èum joeyè.” Ko fɛɛ̀feìŋ wo nìeɔ̀ naŋ jòèyè.

Jɔ̀ɔŋ 4:50

Kpeiŋ wo Jisɛ̀ naŋ wòò wo kenàaŋ wààŋ, “Wo jɔ̀àfelaa mɔɔ̀ŋ do nàŋ nɔ̀ŋ wɔŋ nyiiŋ gèe sùà. Kɔ̀à ko gboo moo ko nɛ̀ɛ̀uŋ niìŋ.” Wo kenàaŋ naŋ wa hààwè e yèɛ wo Jisɛ̀ nauŋ wa woò lɛ, yèè wò naŋ kɔ̀.