Maafiù 8:11 - WƆŊ FƐ̀Ì EBÒ SÌÀŊ DAYÀA

¹¹ Anyuùŋ zimgbe do wa nàwèè nàŋ yèwè maŋ tàta màŋ gbiŋ sùà wèè aŋ jɛ̀ì wo Eɓulɔhɛɛ̀ŋ, wo Ààze, yaà wo Jègɔ kɔɔ ko jììyè nɛ̀ŋ e Kànà àìjɛnɛ̀ɛŋ sùà.

Maafiù 8:11 ပူးပေါင်းရင်းမြစ်များ

Maafiù 21:41

Yèè àŋ naŋ fasàì nyààŋ, “Wò do nàŋ hnè wo jìwà anyùùŋ maŋ kpèè naanààŋ nyiiŋ gbiŋ, e kìlà wo fè wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ koɓɛ̀ aŋ nyuùŋ joo bà, aŋ yè nyaŋ douŋ nàŋ kìɛ̀ŋ e jotìuŋ nɛ̀ wèè maŋ gbɛ̀mɛ̀ɛ̀ŋ maŋ e teengaà diɛŋ.”

Maafiù 24:31

Kpeiŋ àŋ do nàŋ fùɔ̀ŋ e pòtanàŋ gbeeɛ̀, kɛ̀ wò tùàŋ aŋ màikàuŋ nyàŋ e yìwìà ko àìjɛnɛ̀ŋ koɓɛ̀ maŋ zɔ̀nù tiinàŋ maŋ e ɗuunyaàŋ wèè aŋ gbonogbònò aŋ nyuùŋ tàèɗùùim nyàŋ ko tɔ̀ɔ̀tù e ɗuunyaàŋ e hàì ko dìaì.”

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 8:10

Nààŋ wo Jisɛ̀ naŋ wa kòmò e keì wòo lɛɛ̀, è nauŋ wa foonò zimgbe. Kpeiŋ wò naŋ kìlè yèè wò naŋ wòò anyùùŋ nyaŋ yàaùŋ wa maŋjɛ̀wɛ nyàŋ wààŋ, “Tɔ̀ miŋ woòiŋ e tɔɔɓaaà kɛ̀, wɔŋ fùɔ̀ŋ Ezɔ̀ɛ̀ɔ gbiŋ sùà, kòò mìŋ yɛ̀mɛ̀ wò nyùùŋ gbiŋ wò yèɔ kuwa è hààwe gbee mààŋ tɛɛ̀!

Luù 12:37

E zɔlɔ̀ do nàŋ nɔ̀ŋ aŋ ɓɔìjɔ̀à nyiiŋ sèè wo kana nyiŋ nɔɔ̀ŋ wò hnàŋ wo nyiŋ mɛ̀ɛ̀ŋ fɛɛ̀ wòwò yèè àŋ yaà bànèbane nyiŋ! Miŋ woòiŋ e tɔɔɓaaà, wò do nàŋ gè wɔŋ kumàuŋ nɔɔ̀ŋ, wo nyiŋ nyɛ̀nɛ̀ŋ aŋ jɛ̀ì wɔŋ gbɛ̀gbɛ̀ɔ kɔɔ, yèè wo nyiŋ gòònò e nɛ̀ŋje fèemàŋ.

Luù 16:22

Wo felaa pɔ̀ɔɔ̀ naŋ wa fɔ̀ yèè aŋ màikà nyaŋ nauŋ kɔɔ̀ aŋ jàà wo Eɓulɔhɛɛ̀ŋ kɔɔ ko àìjɛnɛ̀ŋ. Wo kenàŋ bàneɔ̀ wuŋ pɛɛ naŋ wa fɔ̀ yèè àŋ nauŋ sìè.

Nyɛ̀nɛ̀ŋ 10:45

È naŋ wa fòònò anyuùŋ hààwe nyàŋ aŋ Juùù nyaŋ sùà aŋ yè nyaŋ naŋ wa dè wo Pììlɛ maŋjɛ̀wɛ nyàŋ e yìwìà ko Jɔpà, esaɓù kɛ̀ wo Jìnàŋ Nɛɛmaàŋ naŋ wa nɔ̀ŋ kìɛuŋ koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ fè kpùà jàa nyiŋ nyàŋ.

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

1 Kɔliìŋ 15:20

Kɛɛ e tɔɔɓaaà nàŋ yaà kɛ̀ wo Jisɛ̀ Kulaì fòlà e fàa dìì, tii nàŋ yaà ke jii tùliaà kɛ̀ aŋ yè nyaŋ àŋ yaà maŋ jàwè e fàa dìì nyaŋ àŋ do nàŋ fòlò e fàa dìì.

1 Kɔliìŋ 6:9

Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

2Tɛsè 1:5

Tɛɛ̀ gbiŋ naŋ tɔɔ̀ kɛ̀ e kèì gbàì Dayà è yaà tɔ̀ɔ̀nyaàŋ wèètii wo Dayà doiŋ nàŋ jàà kùàŋ dìì wèè naŋ nɔ̀ŋ anyuùŋ kɛnɛ e kanauŋ nɛ̀ sùà, e yèɛ nìŋ yaà mɔɔnɛŋ weè niŋ lɛ̀.

Maŋ kèì nyɛɛnɛŋ 7:6

wo Asɔ̀, wo Nataliì, wo Manaŋsɛ̀,