Maafiù 7:6 - WƆŊ FƐ̀Ì EBÒ SÌÀŊ DAYÀA

⁶ “Ɓɔ̀ mùŋ kiɛ̀ŋ è nɛ̀ɛŋ naŋ sɔ̀ wò Dayà dèè lɛ kòɓɛ̀ àŋ sùùŋ. Esaɓù kɛ̀ àŋ do nàŋ kìlè aum gbùwà ke guùŋ. E kìlà ɓɔ̀ mùŋ gbìàŋ mànɛ̀ŋ kɛnɛ kɛ̀ɛ̀nɛ̀ŋ ɓaàum màŋ kòɓɛ̀ àŋ nyùàŋ, àŋ do miŋ nàŋ sɔ̀pɔ̀sɔ̀pɔ̀ maŋ gòlò.

Maafiù 7:6 ပူးပေါင်းရင်းမြစ်များ

Maafiù 15:26

Yèè wo Jisɛ̀ naŋ fasaì wààŋ, “E fè è tɔ̀ɔ̀nyaàŋ wèè aŋ gè è nɛ̀ŋjè àŋ jɔ̀à kàaiŋ nyàŋ kò siwè nyiŋ niìŋ yèè aŋ niŋ kìɛ̀ŋ aŋ sùùŋ nyaŋ.”

Maafiù 24:10

Anyuùŋ zimgbe do nàŋ fè e hààwe nyiŋ nɛ̀ jɛwɛ e teenga lii sùà. Àŋ do nàŋ mààŋ aŋ dàwi e kìlà aŋ wùàŋ aŋ dàwi nyiŋ nyàŋ.

Maafiù 7:5

Mùŋ yaà wo nyùùŋ fɛ̀ɛ̀ ɗòònààkeì. Gè wɔŋ kuùfòòɔ ko sòòfɛ̀ɛ̀ muìŋ jiɛ̀, kpeiŋ kɛ̀ màŋ ɓɛ̀nɛ̀ŋ yɛ̀mɛ̀ dìì tɛ̀ɛ̀ wèè maŋ gè ke kuùfìèɛ ko sòòfɛ̀ɛ̀ wùìya mɔɔ̀ŋ.

2 Kɔliìŋ 11:26

Yèè maŋ kààiŋ zimgbe màŋ miŋ naŋ kaaìŋ màŋ sùà, mìŋ naŋ kɔ̀ɛ̀ e kèì nyìngà wuiyè jòwa yèè anyuùŋ wùa dìì, yèè mìŋ naiŋ kɔ̀ɛ̀ dìì e yìwìà anyùùŋ miàŋ bi nyàŋ sìwè yèè e yìwìà anyùùŋ nyaŋ fè àŋ Juùù nyaŋ sìwè. Maŋ kèì fɛɛ̀ nyùwò naŋ nɔ̀ŋ maŋ jawa gbeegbèè maŋ sùà, maŋ kèì fɛɛ̀ nyùwò naŋ nɔ̀ŋ maŋ keì gɔ̀àgɔ̀à sùà maŋ sùà, maŋ kèì fɛɛ̀ nyùwò naŋ nɔ̀ŋ maŋ juwo màŋ diɛŋ, yèè maŋ kèì fɛɛ̀ nyùwò naŋ yìwìè aŋ wùìya nyuuŋ tòa sìwè.

Fèle 3:2

Yɛ̀mɛìŋ nyɛ̀iŋ bi diɛŋ, wèè anyùùŋ maŋ kpèè naanààŋ nyaŋ, aŋ yè nyaŋ tuwà mààŋ aŋ sùùŋ. Maŋ je nyiŋ tòmo màŋ naŋ yaà nɔŋ wèè aŋ jàà aŋ dàwi nyiŋ maŋ keì keekèè e nyaàiŋ dè nyuùŋ jàà kpùa.

Hiɓu 10:29

Kɛɛ ngèè è do nàŋ nɔ̀ŋ e keì nyìnga gbee koɓɛ̀ wo nyùnɔ̀ɔŋ do nàŋ gììyè wo Jɔ̀àfèlàà Dayàa maŋhɛɛ wɔ̀, yèè wo hìàŋ e ɓɛ̀ɛ̀pɔ̀ɔ koɓɛ̀ maŋ sɛ̀ìŋ e ɗààhìì e mìèsùàgùùŋ Dayàa naŋ nyɛ̀nɛ̀ŋ è naiŋ nɔ̀ŋ nɛɛmaŋ sùà lɛ. Yèè è do nàŋ nɔ̀ŋ e nɛ̀ŋ gò zɛ̀nɛ̀ŋ wèè wo nyùnɔ̀ɔŋ do nàŋ kìɛ̀ŋ ke mìè ɓɛ̀ɛ̀pɔ̀ɔ koɓɛ̀ wo Jìnàŋ Nɛɛmaàŋ, wo yèɔ tɔɔ̀ wì ke nyowo wɔ̀.

Hiɓu 6:6

Anyùùŋ nyaŋ naŋ fè wo Dayà jɛwɛ nyàŋ, aŋ fè ɓɛìŋ ɓɛ̀nɛ̀ŋ fè maŋ tùwo naanààŋ nyiŋ màŋ jɛwɛ wèè aŋ kìlà kòɓɛ̀ Dayài. E nɛ̀ɛŋ àŋ do nàŋ nɔ̀ɔ̀ŋ nyinie lɛ̀ nàŋ yaà e kèì guùŋ nɛ, màànààŋ nɔŋ àŋ naŋ wa kpùùnyɛ̀ŋ wo Jɔ̀àfèlàà Dayàa wɔŋ vànèkpaaà diɛŋ yèè àŋ nauŋ sìè sàngè ko ɓài.

2Pììlɛ 2:22

E nɛ̀ɛŋ naŋ nyiŋ kaaìŋ nɛ naŋ tɔɔ̀ kɛ̀ maŋ sai màŋ yaà tɔɔɓaa, “Wo sunɔ̀ɔŋ kɛɛ̀ koɓɛ̀ e nyùɛ̀uŋ nɛ̀” yèè “Wo nyuàaŋ àŋ guo fo wɔ̀ wò kɛɛ̀ ɓɛìŋ e baà sùà wo ngeengèè.”

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.