Maafiù 7:22 - WƆŊ FƐ̀Ì EBÒ SÌÀŊ DAYÀA

²² Sèè ke ɗɔɔɛ̀ haì wa nàwèè wèè wo Dayà wo gbàì anyùùŋ nyaŋ gbiŋ, aŋ zimgbe nyiŋ doim nàŋ woò nyààŋ, ‘Kanaà, Kanaà! Àŋ do nàŋ woò nyààŋ è naiŋ wa gbòò ke mìè Dayàa e deè mɔ̀ɛ̀ diɛŋ, e kìlà è naiŋ gè aŋ jinàŋ naanààŋ anyùùŋ maŋjɛ̀wɛ, yèè è naiŋ nyɛ̀nɛ̀ŋ maŋ kèè mèè zimgbe.’

Maafiù 7:22 ပူးပေါင်းရင်းမြစ်များ

Maafiù 10:15

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ yèè Gòmolà, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.

Maafiù 24:36

Wo Jisɛ̀ naŋ wa ɓɛìŋ woò wààŋ, “Wo nyùùŋ gbiŋ nyimààŋ kè ɗɔɔɛ̀ ɔ̀ɔ̀ è teengaà màŋ keì mɛɛ̀ŋ do nàŋ kaaìŋ lɛ, miŋ dò nàŋ sɔ̀ aŋ màikà nyaŋ ko àìjɛnɛ̀ŋ ɔ̀ɔ̀ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ. Wo Dèdaà wuŋ guùŋ nɔŋ naŋ niŋ nyìmè.

Maafiù 25:11

“Eɓìèmàŋjɛ̀wɛ̀ tii, aŋ jɔ̀ùŋ jɔ̀à bɛ̀ɛ̀ ɓàaɓàa nyàŋ naŋ ngàà kɛ̀ɛ̀ maŋjɛ̀wɛ yèè àŋ naŋ kùùnò kpàaŋ nyààŋ, ‘Kanaà, kanaà, yìlè wɔŋ gbemgbeeɔ̀ weè wi!’

Maafiù 7:21

“Anyùùŋ nyaŋ gbiŋ nyààìm ‘Kanaà, Kanaà’ nyaŋ, nààŋ naàŋ kɔ̀ è Kànà àìjɛnɛ̀ɛŋ sùà, sɔɔ̀ nɔŋ aŋ yè nyaŋ do nàŋ nyɛ̀nɛ̀ŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè aŋ nyɛ̀nɛ̀ŋ lɛ.

Luù 10:12

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo koɓɛ̀ anyùùŋ nyaŋ ko Sɔdɔ̀ùŋ ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ!”

Jɔ̀ɔŋ 11:51

Kɛɛ tɔɔɓaa wo Kaifɔ̀ gò wa tɛɛ̀ woò wɔ̀ŋ kùàŋ wuŋ bi. Yèè nààŋ wò yaà wa Kànà Sìèfèìŋ Zòòlo Gbeeɔ̀ wɔŋ doa wiiŋ, wo Dayà wuŋ bi nauŋ wa gbùùyè ko sùà wèè wo woò aŋ Juùù nyaŋ kɛ̀ wo Jisɛ̀ yaà wa hinie wèè wo fà wèè anyùùŋ nyaŋ gbiŋ wɔŋ fuɔɔ̀ŋ.

1Tɛsè 5:4

Kɛɛ nyɛ̀iŋ wùìyaim nyàŋ, niŋ fè kè nyìwìi sùà e kìlà ke ɗɔɔɛ̀ wo Jisɛ̀ do nàŋ hnè lɛ ɓɔ̀ è foonòiŋ màànààŋ wò anyuùŋ wùaà foonàŋ nyùùŋ nɛ.

2Tɛsè 1:10

sèè wò hnàŋ wa nàwèè e nɛɛmauŋ nɛ̀ sùà ke ɗɔɔ yii diɛŋ wèè wo jàà e jòòwouŋ nɛ̀ kùàŋ dìì e yìwìà anyunùuŋ nyàŋ gbiŋ sìwè, yaà e ɓɛ̀ɛ̀jàauŋ nɛ̀ e yìwìà anyùùŋ nyaŋ nauŋ haawè nyaŋ sìwè. Nyɛ̀iŋ pɛɛ nìŋ do nyiŋ nàŋ nɔ̀ŋ e tɛɛ, esaɓù kɛ̀ nìŋ naŋ hààwè ke miè gbìaàŋ è naiŋ woò yɛ.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

2Time 1:18

Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.