Maafiù 7:21 - WƆŊ FƐ̀Ì EBÒ SÌÀŊ DAYÀA

²¹ “Anyùùŋ nyaŋ gbiŋ nyààìm ‘Kanaà, Kanaà’ nyaŋ, nààŋ naàŋ kɔ̀ è Kànà àìjɛnɛ̀ɛŋ sùà, sɔɔ̀ nɔŋ aŋ yè nyaŋ do nàŋ nyɛ̀nɛ̀ŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè aŋ nyɛ̀nɛ̀ŋ lɛ.

Maafiù 7:21 ပူးပေါင်းရင်းမြစ်များ

Maafiù 12:50

Wo nyùnɔ̀ɔŋ gbiŋ nyɛnɛŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè wo nyɛ̀nɛ̀ŋ lɛ, wuŋ nàŋ yaà wo wùìya miɔ̀ŋ, wo jaa miɔ̀ŋ, yèè wo yèye miɔ̀ŋ.”

Maafiù 16:17

Yèè wo Jisɛ̀ nauŋ woò wààŋ, “E kpùùmaŋ è yaà weèum Saimɔ̀ŋ, jɔ̀àfèlàà Joonàaŋ! Muŋ gò tɛɛ̀ nyìmàŋ e yìwìà kè kpùnàŋ nyuùŋkpùuŋ yèè màŋ sɛ̀ìŋ, kɛɛ wo Dèda miɔ̀ŋ ko àìjɛnɛ̀ŋ naum kìɛ̀ŋ e jiikɛ̀ɛ bi.

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Maafiù 18:19

“Yèè miŋ woòiŋ e tɔɔɓaaà, sèè nyɛ̀iŋ nààŋ nyùùŋ tìyèe nyɛɛ̀ŋ e ɗuunyaàŋ naŋ nyimèè wèè naŋ zoolò wèè e nɛ̀ŋ titi bà, wo Dèda miɔ̀ŋ ko àìjɛnɛ̀ŋ do niŋ nàŋ nyɛ̀nɛ̀ŋ weèiŋ.

Maafiù 18:3

Wò naŋ nyiŋ woò wààŋ, “Tɔɔɓaa sèè mùŋ go kìlà maŋ nɔ̀ŋ mààŋ wò jɔ̀àkàiŋ, muŋ naàŋ wa nàwèè kɔ̀ è Kànà àìjɛnɛ̀ɛŋ sùà.

Maafiù 18:35

Yɛi wo Jisɛ̀ naŋ wa kpɛ̀ɛ̀yɛ̀ gbòa wààŋ, “E ɗèwè guùŋ lii sùà wo Dèda miɔ̀ŋ ko àìjɛnɛ̀ŋ do wa nàwèè nàŋ nyɛ̀nɛ̀ŋ nyɛ̀iŋ nààŋ bà guùŋ gbiŋ sèè mùŋ go jùùyà wo wùìya mɔɔ̀ŋ hakɛ̀ e yìwìà kè jii mɔɛ̀ŋ sùà.”

Maafiù 19:24

Tɔ̀ miŋ woòiŋ ɓɛìŋ, e gò nyìngà wèè wò ɗòsòo wo kɔ̀ɛ̀ɛ̀ e mìilì jewi sùà màànààŋ è naŋ nyìngè wèè wo nyuùŋ bàne wo kà è Kànà Dayàa sùà.”

Maafiù 25:10

Nààŋ aŋ jɔ̀ùŋ jɔ̀à ɓàaɓàa nyàŋ yaà wa kɔɔyɛ wèè aŋ dènàŋ e bù nyiŋ nɛ̀, wo kɛ̀ɛ̀nɛ̀ŋ jɔunɔ̀ɔŋ naŋ jòwò ko jawaì. Aŋ jɔùŋ jɔa kɛ̀ɛ̀jii nyàŋ naŋ wa banebànè yèè àŋ naŋ kɔ̀ aŋ jɔ̀à ko sààŋ wɔŋ ɗàà gè ke yɛɛ̀ gbìaàŋ, yèè anyùùŋ nyaŋ naŋ yìlè maŋ gbemgbee màŋ kpaŋ.

Maafiù 25:21

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 26:39

Wò naŋ ɓɛìŋ bɔ̀mɔ̀ŋ ko fènòo tòloò, wo dè maŋ gɛ̀ɛ̀ŋ nùuŋ màŋ dììnaŋ wo gbùwà wɔŋ feìŋ ko dììnaŋ, yèè wò naŋ zoolò wààŋ, “Dèda miɔ̀ŋ, sèè è naŋ ɓɛ̀nɛ̀ŋ hɛ̀ɛ̀nɛŋ, kɛ̀ gìim wɔŋ kpòò è keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ lɛ̀.”

Maafiù 26:42

Wo Jisɛ̀ naŋ ɓɛìŋ kɔ̀ wo zoolò wààŋ, “Dèda miɔ̀ŋ, sèè mààŋ wɔŋ kpòò e keì nyìnga wɛɛ̀ŋ wɔŋ fèim ɓɛ̀nɛ̀ŋ kɔ̀ɛ̀ɛ̀ diɛŋ sɔɔ̀ nɔŋ ka wɔŋ tììyà sùà, kɛ̀ tɔ̀ e yèɛ mùŋ manaŋ lɛ̀ e hɛɛnɛ̀ŋ.”

Luù 11:28

Wo Jisɛ̀ naŋ fasàì wò naŋ woò wààŋ, “E zɔlɔ̀ yaà ngèè koɓɛ̀ anyùùŋ nyaŋ komo ke mìè gbìàŋ Dayàa yèè aŋ nyiŋ jàà kùàŋ dìì nyaŋ!”

Luù 13:25

Wo kɛ̀ɛ̀nɛ̀ŋ saaàŋ do nàŋ yèwè dìì wo yìlà wɔŋ gbemgbeeɔ̀. Kpeiŋ nìŋ do nàŋ sìè ko jɔɔlèi naŋ tɔ̀ɔ̀tù wɔŋ gbemgbeeɔ̀ kpùla nìŋ yaà woo nààŋ, ‘Dàa, yìlè wɔŋ gbemgbeeɔ̀ weè wi!’ Kɛɛ wò doiŋ nàŋ fasàì wààŋ, ‘Miŋ nyimààŋ kɛ̀ kòò nìŋ yewe!’

Luù 18:25

E gò nyìngà wèè wò ɗòsòo wo kɔ̀ɛ̀ɛ̀ e mìilì jewi sùà màànààŋ è naŋ nyìngè wèè wo nyuùŋ bàne wo kà è Kànà Dayàa sùà.”

Luù 6:46

“Wèè kiìŋ nìŋ nyààìm ‘Kanaà, Kanaà,’ kɛɛ niŋ fè nyɛ̀nɛ̀ŋ è yèɛ mìŋ woàìŋ lɛ?

Jɔ̀ɔŋ 14:7

Yèè sèè mààŋ tɔɔɓaa nàim nyìmàŋ, kɛ̀ nàŋ nyìmàŋ wo Dèda miɔ̀ŋ wuŋ pɛɛ. Kpeiŋ sèè è nɔ̀ŋ yɛi, kɛ̀ nàuŋ naàŋ nyìmàŋ, yèè nàuŋ yɛmɛ̀.”

Jɔ̀ɔŋ 15:23

Wo nyùnɔ̀ɔŋ gbiŋ naim wùɔ̀ŋ wɔ, wò naŋ wùɔ̀ŋ wo Dèda miɔ̀ŋ wuŋ pɛɛ.

Jɔ̀ɔŋ 3:5

Wo Jisɛ̀ naŋ fasaì wààŋ, “Miŋ woòum e tɔɔɓaaà kɛ̀, wo nyùùŋ gbiŋ fè ɓɛ̀nɛ̀ŋ nɔ̀ŋ wò bàuŋbà è Kànà Dayàa sùà sèè wo gò nɔ̀ŋ kòmauŋ e yìwìà è wùìyè yaà wo Jìnàŋ wo Kanaà Dayà.

Jɔ̀ɔŋ 5:17

Kɛɛ wo Jisɛ̀ naŋ nyiŋ fasàì wààŋ, “Wo Dèda miɔ̀ŋ kòò wò yaà toomo, weètii mìŋ kuwa ka tomo miàŋ pɛɛ.”

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Luùm 2:13

Anyùùŋ nyaŋ komo maŋ Sàwà maŋ nyàŋ, nyiŋ nàŋ wo Dayà fè jàà kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ, sɔɔ̀ anyùùŋ nyaŋ nyɛnɛŋ e yèɛ Sàwà maŋ naŋ woò lɛ.

Ɛfesɔ̀ 6:6

Nyɛ̀nɛìŋ tɛɛ̀ e teenga gbiŋ sùà wèè e fɔɔyɛ̀ nyiŋ jii, ɓɔ̀ è nɔ̀ŋ nɔŋ sèè àŋ nɔ̀ìŋ yɛɛmɛ. Nìŋ yaà aŋ ɗò Jisɛ̀ Kulaì, e wèètii, e nɛ̀ɛŋ gbiŋ wo Dayà manaŋ wèè naŋ nyɛ̀nɛ̀ŋ lɛ, nyìniaìŋ niŋ ke jiiiŋ nɛɛ̀ŋ gbiŋ.

Kòlo 4:12

Wo Ɛpafilè wo wùìyà nyɛ̀iŋ biɔ̀ bà ke gboòiŋ nɛɛ̀ŋ sùà, wo yèɔ yaà wo ɓɔìjɔ̀à wèè wo Jisɛ̀ Kulaì wɔ, naiŋ tùɔ̀ŋ zùùmo wuŋ pɛɛ. Wò zoolà sɛmɛ e teenga gbiŋ e weèiŋ, wò yaà dààwè Dayà wèè naŋ kùwà e hààweiŋ nɛ̀ kpaŋ, mààŋ anyuùŋ kàmaiŋ e kìlà àŋ naŋ kaikpɔ nyimèè ke gbòò anyuùŋ hààwe nyàŋ sùà, e ɓɛ̀ɛ̀jàa gbee sùà koɓɛ̀ e yèɛ wo Dayà manaŋ lɛ̀.

1Tɛsè 4:3

Wo Dayà manaŋ wèè naŋ nɔ̀ŋ e nɛɛmaŋ sùà, e kìlà e kèì nàànààŋ hmɔŋtu nyɛ̀nɛŋ gbiŋ ɓɔ̀ è gbɛ̀ɛ̀iŋ kɔɔ.

1Tɛsè 5:18

Gèeìŋ Dayà sɛ̀ e keì gbiŋ sùà. Tii nàŋ yaà e nɛ̀ɛŋ wò mànàìŋ sìwè wɔŋ nyiiŋ gèeiŋ nɔɔ̀ŋ sùà nààŋ nìŋ yaà aŋ bàiŋbà wo Jisɛ̀ Kulaìɛ sùà lɛ.

Taitɔ̀ 1:16

Àŋ ɓulo ke sɔɔ kɛ̀ àŋ nyìmàŋ Dayà, kɛɛ maŋ kpèè nyiŋ màŋ giiyà niìŋ maŋhɛɛ. Àŋ kuwa maŋ jìì wùòno, yèè aŋ fè jɔ̀ɔ̀lɔ̀ Dayà dìì, aŋ fè tɛ̀ɛ̀ wèè aŋ nyɛ̀nɛ̀ŋ è keì sìàŋ bà gbiŋ.

Hiɓu 4:6

Anyuùŋ jiɛ̀jiɛ̀ nyaŋ naŋ wa kòmò Ebò Siaàŋ nyaŋ, aŋ gò wa yɛ̀mɛ̀ è nyiiŋ gèe lii, esaɓù kɛ̀ aŋ gò niŋ wa haawè. Anyùùŋ bà kòò àŋ yaà, aŋ yè nyaŋ wo Dayà naŋ nyiŋ gè nyààŋ diɛŋ wèè aŋ niŋ yɛmɛ̀.

Jìiiŋ 1:22

Ɓɔ̀ nìŋ kòmaŋ nɔŋ kè miè gbìaàŋ nìŋ do kuii dìà, kɛɛ nyɛ̀nɛìŋ e nɛ̀ɛŋ ke miè gbìaàŋ naŋ woò lɛ.

1Pììlɛ 2:15

Wo Dayà manaŋ wèè maŋ kpèè siaŋ sìàiŋ màŋ nɔ̀ŋ esaɓù wèè anyùùŋ ɓàaɓàa gò nyìmàŋ keì fèemàŋ nyɛɛ̀ŋ aŋ hɔ̀ànè gbòa.

1Pììlɛ 4:2

Weètii, wɔŋ nyiiŋ gèe gbànaiŋ nɔɔ̀ŋ maŋ kèìŋ maŋ sùà, fè ɓɛìŋ è gòngò nyuùŋkpùuŋ dìi. Wɔ̀ŋ yaà naàŋ e gààŋ Dayàa dìì.

Maŋ kèì nyɛɛnɛŋ 22:14

E zɔlɔ̀ yaà anyùùŋ nyaŋ naŋ sɔ̀ɔ̀ maŋ ɓuuɓane nyiŋ màŋ tɛ̀ɛ̀ nyaŋ. Àŋ do nàŋ kùwìè e tɔ̀ɔ̀nyaàŋ wèè aŋ gbìlà ke kuù kòmàaŋ e yìwìà ke kùlɛ̀ɛ kiɛ̀ŋ wɔŋ nyiiŋ gèeɔ̀ lɛ, e kìlà aŋ jɔ̀ɔ̀yɛ̀ wɔŋ gbàngì jawa gbeeɔ̀ sùà wèè ko jawa gbeeì.

Maŋ kèì nyɛɛnɛŋ 3:5

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kpàà maŋ deè fùà, e kìlà miŋ naàŋ gè màŋ deè nyiŋ màŋ wɔ̀ŋ fɛ̀ì ànyùùŋ nyiiŋ gèe nyàŋ sùà. Mìŋ do nàŋ wòò wo Dèda miɔ̀ŋ yaà aŋ màikàuŋ nyàŋ mìàŋ àŋ yaà anyùùŋ màŋjɛ̀wɛ̀im.”