Maafiù 7:14 - WƆŊ FƐ̀Ì EBÒ SÌÀŊ DAYÀA

¹⁴ Kɛɛ ke dòmaàŋ kɔ̀à koɓɛ̀ wɔŋ gbàngì wɔŋ nyiiŋ gèe gò jùàa yɛ̀ naŋ suulìì yèè kè naŋ nyìngè kàaiŋ. Anyuùŋ kpàka nɔŋ nàŋ yɛmɛ̀ nyìŋ.

Maafiù 7:14 ပူးပေါင်းရင်းမြစ်များ

Maafiù 20:16

Kpeiŋ wo Jisɛ̀ naŋ nyiŋ woò ko diemeì wààŋ, “Weètii anyuùŋ dìàmaŋ nyàŋ nàŋ do nàŋ nɔ̀ŋ aŋ jiɛ̀jiɛ̀ nyaŋ, yèè anyuùŋ jiɛ̀jiɛ̀ nyaŋ nàŋ do nàŋ nɔ̀ŋ aŋ dìàmaŋ nyàŋ.”

Maafiù 22:14

Wo Jisɛ̀ naŋ kpɛ̀ɛ̀yɛ̀ gbòa yèè wò naŋ woò wààŋ, “Àŋ nyaaŋ anyuùŋ zimgbe, kɛɛ aŋ kpàka nyiŋ nɔŋ àŋ tàeɗùù.”

Maafiù 7:13

“Jɔ̀ɔ̀yɛìŋ ke dòmàŋ gbàngì suulìɛ niŋ jɔ̀à. Esaɓù kɛ̀ ke dòmaàŋ kɔ̀à koɓɛ̀ wɔŋ gbàngì jàhamaàŋ yɛ naŋ dɛ̀ɛ̀ fàà e kìlà ke gò nyìngà kàaiŋ. Anyuùŋ zimgbe jɔɔyɛ̀ wɔŋ gbàngì ke dòmaŋ gbee bì sùà.

Maafiù 7:15

“Yɛ̀mɛìŋ nyiŋ bi diɛŋ wèè aŋ wɛ̀ijì tòa nyàŋ. Àŋ hnàŋ yèè mùŋ yɛmɛ̀ nyìŋ ke fòolàa àŋ naŋ kpàà maŋ fɛ̀ì ɓaawaa sùà, kɛɛ tɔɔɓaa maŋ jii nyiŋ màŋ sùà àŋ yaà mààŋ aŋ yilì kùùno nyàŋ àŋ nyaaŋ nyààŋ aŋ pɔ̀ɔ̀wɛ̀i.

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Luùm 9:32

Kɛɛ wèè kiìŋ aŋ gò wa yɛ̀mɛ̀ kè sàwà bi? Aŋ gò nyiŋ wa yɛmɛ̀ esaɓù kɛ̀, aŋ gò wa tùlìà è hààwe jii sɔɔ̀ e yèɛ àŋ naŋ wa nyɛ̀nɛ̀ŋ lɛ. Weètii àŋ naŋ wa duonò kè dùò diɛŋ gbàwìà.