Maafiù 6:31 - WƆŊ FƐ̀Ì EBÒ SÌÀŊ DAYÀA

³¹ “Weètii ɓɔ̀ nìŋ gongò nààŋ, ‘Kòò è doiŋ nàŋ gè e nɛ̀ŋje wèè eiŋ jè? Ɔ̀ɔ̀ kòò è doiŋ nàŋ gè e nɛ̀ŋ tìa wèè eiŋ tìà? Ɔ̀ɔ̀ kòò è doiŋ nàŋ gè maŋ dèè wèè eiŋ kpàà?’

Maafiù 6:31 ပူးပေါင်းရင်းမြစ်များ

Maafiù 15:33

Anyùùŋ màŋjɛ̀wɛ̀uŋ nyàŋ nauŋ dawè nyààŋ, “Kɛɛ kòò è naiŋ ɓɛ̀nɛ̀ŋ yɛ̀mɛ̀ e nɛ̀ŋje sɛmɛ wèè eiŋ gɔ̀ɔ̀yɛ̀ anyùùŋ nyɛɛ̀ŋ gbiŋ wèè e nyiŋ kpɛ̀lɛ̀ ke fòùngà e diì wòa lɛɛ̀ diɛŋ?”

Maafiù 4:4

Kɛɛ wo Jisɛ̀ naŋ fàsàì wo Sɛ̀tanàaŋ wààŋ, “È yaà sìnga niŋ wɔŋ fɛ̀ì Dayàa sùà yèè wɔ̀ŋ naŋ woò wààŋ kɛ̀, ‘Anyùuŋ kpùuŋ ɓɔ̀ àŋ nɔ̀ŋ nɔŋ wɔ̀ŋ nyiiŋ gèeɔ̀ sùà wèè è nɛ̀ŋje tiŋ guùŋ, kɛɛ sɔɔ̀ aŋ tùlìà kè miè gbòa gbiŋ ke yèɛ naŋ fòlò wò Dayà nyààŋ lɛ ke jii.’ ”

Maafiù 6:25

“Esaɓùɛ lɛɛ̀ mìŋ woàìŋ mìàŋ kɛ̀, ɓɔ̀ nìŋ gongò è kèè è nɛ̀ŋjeɛ̀ yaà è nɛ̀ɛŋ nìŋ do nàŋ tìè lɛ wèè naŋ kɛ̀ɛ̀nɛ̀ŋ wɔŋ nyiiŋ gèe. Ɓɔ̀ nìŋ gongò kɛ̀ kiìŋ màŋ dèè nìŋ do nàŋ kpàà màŋ kpùnaiŋ màŋ.

Maafiù 6:27

Wo nyùùŋ gbiŋ ɓɛ̀nɛ̀ŋ nɔ̀ŋ ke jii sɛ̀ɛ sùà wèè wo pɛɛ hàà ke ɗɔ̀ɔ̀ guùŋ maŋ ɗɔ̀ɔ̀ nyiiŋ gèeuŋ màŋ diɛŋ?

Luù 10:41

Wo Kanaà nauŋ fasàì wààŋ, Mààta lèè, “Mùŋ sɛɛ̀ jii e kìlà ke jii mɔɛ̀ŋ mɔɔnɛ̀ŋ wèè maŋ keì zimgbe,

Luù 12:11

“Sèè anyùùŋ aiŋ kùwà e kìlà aiŋ hìàŋ ko sààŋ zòòlò aŋ Juùù nyaŋ ɔ̀ɔ̀ aŋ kana yaà anyùùŋ gbèègbèè fuɔŋ nyàŋ fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè è ɗeweɛ̀ nìŋ do nàŋ gbaì wèè nyɛ̀iŋ bi lɛ̀ ɔ̀ɔ̀ wèè e nɛ̀ɛŋ nìŋ do nàŋ woò lɛ̀.

Luù 12:22

Kpeiŋ wo Jisɛ̀ naŋ wòò anyùùŋ màŋjɛ̀wɛ̀ nyaŋ wààŋ, “Weètii tɔ̀ miŋ woòiŋ tɛɛ̀, ɓɔ̀ nìŋ gongò è kèè è nɛ̀ŋjeɛ̀ nìŋ do nàŋ jè lɛ wèè naŋ nɔ̀ŋ wɔ̀ŋ nyiiŋ gèeɔ̀, ɔ̀ɔ̀ kiìŋ màŋ dèè nìŋ do nàŋ gɔ̀àì maŋ kpùnaiŋ màŋ.

Luù 12:29

“Weètii ɓɔ̀ nìŋ gongò è teenga gbiŋ wèè è nɛ̀ɛŋ nìŋ do nàŋ jè ɔ̀ɔ̀ nìŋ do nàŋ tìè lɛ.

Fèle 4:6

Ɓɔ̀ mùŋ dangè è gòngo mɔ̀ɛ̀ è doum jìwà, kɛɛ sèè mùŋ zoolà koɓɛ̀ Dayài, wòòuŋ kɛ̀ kiìŋ mùŋ manaŋ wo nyɛ̀nɛ̀ŋ weèum. Yèè e teenga gbiŋ sèè mùŋ zoolà, gè wo Dayà ke sɛ̀.

1Pììlɛ 5:7

Jùùya nìuŋ maŋ haamiiŋ màŋ gbiŋ esaɓù kɛ̀ wò naŋ kpɛɛ̀ŋ weèiŋ.