Maafiù 6:28 - WƆŊ FƐ̀Ì EBÒ SÌÀŊ DAYÀA

²⁸ “Wèè kiìŋ nìŋ sɛɛ̀ jìì wèè maŋ dèè? Yɛ̀mɛìŋ e ɗeweɛ̀ maŋ kuù jàà fɛ̀ɛ̀ maŋ dɛkɛ̀ yɛi. Maŋ fè tomo ɔ̀ɔ̀ maŋ bànè màŋ dèè wèè miiŋ bi.

Maafiù 6:28 ပူးပေါင်းရင်းမြစ်များ

Maafiù 10:10

Ɓɔ̀ nìŋ koà wɔ̀ŋ ɓùù nyuùŋ hɔ̀mɔɔŋ è kàaiŋ nɛ̀ sùà, ɓɔ̀ nìŋ koà wɔ̀ŋ kùmà joo, ɓɔ̀ nìŋ koà màŋ ba joo, ɔ̀ɔ̀ kè kuù kàaiŋ. Anyuùŋ tòmo kuwa aŋ yɛ̀mɛ̀ e pààwa nyiŋ nɛ̀ wèè e tòmoɛ̀ àŋ naŋ nyɛ̀nɛ̀ŋ lɛ.

Maafiù 6:25

“Esaɓùɛ lɛɛ̀ mìŋ woàìŋ mìàŋ kɛ̀, ɓɔ̀ nìŋ gongò è kèè è nɛ̀ŋjeɛ̀ yaà è nɛ̀ɛŋ nìŋ do nàŋ tìè lɛ wèè naŋ kɛ̀ɛ̀nɛ̀ŋ wɔŋ nyiiŋ gèe. Ɓɔ̀ nìŋ gongò kɛ̀ kiìŋ màŋ dèè nìŋ do nàŋ kpàà màŋ kpùnaiŋ màŋ.

Maafiù 6:27

Wo nyùùŋ gbiŋ ɓɛ̀nɛ̀ŋ nɔ̀ŋ ke jii sɛ̀ɛ sùà wèè wo pɛɛ hàà ke ɗɔ̀ɔ̀ guùŋ maŋ ɗɔ̀ɔ̀ nyiiŋ gèeuŋ màŋ diɛŋ?

Maafiù 6:31

“Weètii ɓɔ̀ nìŋ gongò nààŋ, ‘Kòò è doiŋ nàŋ gè e nɛ̀ŋje wèè eiŋ jè? Ɔ̀ɔ̀ kòò è doiŋ nàŋ gè e nɛ̀ŋ tìa wèè eiŋ tìà? Ɔ̀ɔ̀ kòò è doiŋ nàŋ gè maŋ dèè wèè eiŋ kpàà?’

Luù 10:41

Wo Kanaà nauŋ fasàì wààŋ, Mààta lèè, “Mùŋ sɛɛ̀ jii e kìlà ke jii mɔɛ̀ŋ mɔɔnɛ̀ŋ wèè maŋ keì zimgbe,

Luù 12:11

“Sèè anyùùŋ aiŋ kùwà e kìlà aiŋ hìàŋ ko sààŋ zòòlò aŋ Juùù nyaŋ ɔ̀ɔ̀ aŋ kana yaà anyùùŋ gbèègbèè fuɔŋ nyàŋ fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè è ɗeweɛ̀ nìŋ do nàŋ gbaì wèè nyɛ̀iŋ bi lɛ̀ ɔ̀ɔ̀ wèè e nɛ̀ɛŋ nìŋ do nàŋ woò lɛ̀.

Luù 12:22

Kpeiŋ wo Jisɛ̀ naŋ wòò anyùùŋ màŋjɛ̀wɛ̀ nyaŋ wààŋ, “Weètii tɔ̀ miŋ woòiŋ tɛɛ̀, ɓɔ̀ nìŋ gongò è kèè è nɛ̀ŋjeɛ̀ nìŋ do nàŋ jè lɛ wèè naŋ nɔ̀ŋ wɔ̀ŋ nyiiŋ gèeɔ̀, ɔ̀ɔ̀ kiìŋ màŋ dèè nìŋ do nàŋ gɔ̀àì maŋ kpùnaiŋ màŋ.

Luù 12:27

Yɛ̀mɛìŋ e ɗeweɛ̀ maŋ kuù jàà fɛ̀ɛ̀ maŋ banàŋ yɛi le. Maŋ fè tomo ɔ̀ɔ̀ maŋ bànè màŋ dèè wèè miiŋ bi. Kɛɛ tɔ̀ miŋ woòiŋ kɛ̀, wo Kanaà Salemaŋ naŋ wa pɛɛ banè e mààŋ nyààŋ, kɛɛ wo kuwà wa pɛɛ màŋ deè kpàa màŋ do nyɛ̀nɛ̀ŋ sìàŋ maŋ nìàŋ màŋ kuùfɛ̀ɛ̀ mɛɛ̀ŋ bà gbiŋ.

Luù 3:11

Wo Jɔ̀ɔŋ naŋ nyiŋ woò wààŋ, “Wo nyùnɔ̀ɔŋ gbiŋ kɛɛnɛ̀ŋ maŋ kùmà tìyèe wɔ̀, wo kiɛ̀ŋ wɔ̀ŋ guùŋ koɓɛ̀ wo dàwiuŋ nɔɔ̀ŋ wo yèɔ kuwà wɔ̀ŋ bà wɔŋ, e kìlà wo nyùnɔ̀ɔŋ gbiŋ kuwa e nɛ̀ŋje wɔ̀ wo kiɛ̀ŋ e bà koɓɛ̀ wo dàwiuŋ nɔɔ̀ŋ.”

Fèle 4:6

Ɓɔ̀ mùŋ dangè è gòngo mɔ̀ɛ̀ è doum jìwà, kɛɛ sèè mùŋ zoolà koɓɛ̀ Dayài, wòòuŋ kɛ̀ kiìŋ mùŋ manaŋ wo nyɛ̀nɛ̀ŋ weèum. Yèè e teenga gbiŋ sèè mùŋ zoolà, gè wo Dayà ke sɛ̀.

1Pììlɛ 5:7

Jùùya nìuŋ maŋ haamiiŋ màŋ gbiŋ esaɓù kɛ̀ wò naŋ kpɛɛ̀ŋ weèiŋ.