Maafiù 6:19 - WƆŊ FƐ̀Ì EBÒ SÌÀŊ DAYÀA

¹⁹ “Ɓɔ̀ mùŋ banè è sùlò hàa kià è ɗuunyaŋ lɛɛ̀ sùà, ko yèei aŋ gbiimiŋ do niŋ nàŋ gbìlè lɛ, yèè e kùwà maŋ kààlo, e kìlà anyuùŋ wùa aŋ hnàŋ aŋ gɔ̀ɛ̀ɛ̀ wɔŋ gbemgbeeɔ̀ yèè aŋ niŋ wùà.

Maafiù 6:19 ပူးပေါင်းရင်းမြစ်များ

Maafiù 19:21

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Maafiù 6:20

Kɛ̀ɛ̀ gbìaìŋ e sùlò nɛɛnɛiŋ nɛ̀ ko àìjɛnɛ̀ŋ, ko yèei aŋ gbiimiŋ nyàŋ yaà maŋ kààlo naàŋ niŋ pɔɔpɔ̀ɔ̀ lɛ, e kìlà anyuùŋ wùa naàŋ hnè àŋ do gɔ̀ɛ̀ɛ̀ wɔ̀ŋ gbemgbeeɔ̀ wèè aŋ niŋ wùà.

Luù 12:21

Wo Jisɛ̀ naŋ jìwè nyààŋ wò naŋ woò wààŋ, “Yɛi è do nàŋ nɔ̀ŋ wèè anyùùŋ nyaŋ naŋ gbònò e bàne wèè nyiŋ bi nyàŋ, kɛɛ aŋ gò banè wò Dayà fɛɛ̀feìŋ.”

Luù 12:33

Mààaìŋ manɛ̀ŋ siwèiŋ màŋ gbiŋ niŋ kiɛ̀ŋ e nɛɛnɛɛ̀ŋ koɓɛ̀ anyuùŋ pɔ̀ɔ nyàŋ. Bàneìŋ maŋ ɓùù sùlò nɛɛnɛŋ hàa wèè nyɛ̀iŋ bi maŋ yè maŋ naàŋ pɔɔpɔ̀ɔ̀ maŋ. Sèè nìŋ nyɛnɛŋ tii, è do nàŋ nɔ̀ŋ mààŋ nìŋ yaà bàànè maŋ pɔsɛ̀ hàa wèè nyɛ̀iŋ bi, maŋ yè maŋ e nɛɛnɛŋ naàŋ jùò sùà maŋ, e kìlà wo Dayà doiŋ nàŋ kìɛ̀ŋ e sùlò ko àìjɛnɛ̀ŋ e yèɛ doo nàŋ nɔ̀ŋ e teenga gbiŋ. Kuuŋ, wo nyuùŋ wùa naàŋ hnè wèè wo niŋ wùà, e kìlà aŋ gbiimiŋ naàŋ nìŋ pɔɔpɔ̀ɔ̀.

Luù 12:39

Sèè wo kɛ̀ɛ̀nɛ̀ŋ saaàŋ wo weè nyìmàŋ e teengaà wo nyuùŋ wùaà wò hnàŋ lɛ, wo naàŋ weè nyimèè wèè wò nyuùŋ wùaà wo gɔ̀ɛ̀ɛ̀ kè saauŋ nɛɛ̀ŋ.

Luù 18:22

Nààŋ wo Jisɛ̀ naŋ tɛɛ̀ kòmò, wò nauŋ woò wààŋ, “E kèì ɗì guùŋ naŋ ɓɛìŋ joo wèè maŋ nyɛ̀nɛ̀ŋ. Kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 18:24

Wo Jisɛ̀ naŋ yɛ̀mɛ̀ wo felaaà nààŋ wò yaà wa kɔɔyɛ ɗoomɛɛŋ, yèè wò naŋ woò wààŋ, “Dièsɔa è do yɛi wa nàwèè nàŋ nyìngè wèè wo nyuùŋ bàneɔ̀ kà e Kànà Dayàa sùà!

1Time 6:17

Wòò anyùùŋ nyaŋ naŋ bàne wɔŋ nyììŋ gè ɗuunyaŋ lɛɛ̀ sùà nyaŋ ɓɔ̀ àŋ joowò nyiiŋ bi, e kìlà ɓɔ̀ àŋ sìà màŋ jii tùlia nyiŋ màŋ è bànè ɗuunyaŋ lɛɛ̀ sùà. Wòò nyiŋ aŋ kɛɛnɛ̀ŋ e hààwe wo Kanaà Dayà sùà, wo yèɔ kpuumàŋ wiì yèè wo wi kìɛ̀ŋ manɛ̀ŋ maŋ gbiŋ è jikàìŋ maŋ nyiiŋ gèe wi màŋ sùà maŋ.

Hiɓu 13:5

Ɓɔ̀ nìŋ nɔ̀ŋ ànyuùŋ mànàŋ nɛɛnɛŋ zimgbe. Kɛ̀ɛ̀nɛìŋ ke jii fàa wèè e yèɛ nìŋ kuwa lɛ̀. Wo Dayà naŋ woò wààŋ, “Miŋ naàum wa nàwèè jòò, e kìlà miŋ naàum wa nàwèè gììyè kɛ̀ɛ.”