Maafiù 6:13 - WƆŊ FƐ̀Ì EBÒ SÌÀŊ DAYÀA

¹³ Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Maafiù 6:13 ပူးပေါင်းရင်းမြစ်များ

Maafiù 26:41

Yɛ̀mɛìŋ nyɛ̀iŋ bi diɛŋ, yèè niŋ zoolò wèè e wàà e keì nyìnga goiŋ nàŋ hnè feìŋ. Kà nyìmàŋ kɛ̀ nìŋ manaŋ naŋ nyɛ̀nɛ̀ŋ e yèɛ yaà tɛ̀ɛ̀ lɛ, kɛɛ niŋ fè niŋ ɓɛ̀nɛ̀ŋ nyɛ̀nɛŋ è gààŋ è kèìŋ nyuùŋkpùuŋ nɛ̀ sùà.”

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Maafiù 5:37

Tɔ̀ e yèɛ nìŋ woà lɛ e nɔ̀ŋ ‘Èèè’ ɔ̀ɔ̀ ‘Kpele.’ Eɓìèmàŋjɛ̀wɛ̀ tɛɛ̀, e yèɛ gbiŋ nìŋ woà naàŋ lɛ è yewe wo Sɛ̀tanàŋ sìwè, wo Nyuùŋ Kɛ̀ɛ̀nɛ̀ŋ ke Kpèè naanààaŋ.

Maafiù 6:10

Tɔ̀ e Kana mɔ̀ɛ̀ hnàŋ, tɔ̀ e tùwo mɔ̀ɛ̀ nɔ̀ŋ yɛi e ɗuunyaàŋ diɛŋ màànààŋ è yaà ko àìjɛnɛ̀ŋ lɛ.

Jɔ̀ɔŋ 17:15

Dèda, miŋ gòum dawè wèè maŋ gè anyùùŋ màŋjɛ̀wɛ̀im nyàŋ è ɗuunyaŋ lɛɛ̀ sùà, kɛɛ muŋ yɛmɛ̀ nyiŋ diɛŋ e yìwìà wo Sɛ̀tanàaŋ sìwè.

1 Kɔliìŋ 10:13

E wàa gbiŋ mùŋ naŋ jàà jii kɛ̀ mùŋ naŋ kɔ̀ dìì lɛ, tii nàŋ yaà e wàa ziìɛ è hnàŋ wa koɓɛ̀ nyùùŋ gbiŋ lɛ̀. Kɛɛ wo Dayà yɛmɛ̀ e ɗààhiìuŋ nɛ̀ diɛŋ, yèè wo naàŋ dangè wèè è jɛwɛ̀ gɛ̀ɛ̀ɛ nìnyaum è yèɛ mùŋ fè ɓɛnɛ̀ŋ lɛ eum hnàŋ feìŋ. Wò doum nàŋ kìɛ̀ŋ e gààaŋ wèè maŋ niŋ kà dìì, yèè woum tɔ̀ɔ̀ ke dòmaŋ wèè maŋ niŋ fòlà sùà.

1 Kɔliìŋ 14:16

Sèè mùŋ ge Dayà esɛ̀ wo Jinàaŋ sùà nɔŋ, dièsɔa anyuùŋ gbànaŋ nyàŋ àŋ yaà e dèèneɛ̀ sùà nyaŋ kuwo nyààŋ, “Tɔɔɓaa” koɓɛ̀ e zòòlò ke sɛ̀ gèe muɛ̀ŋ? Aŋ kuwà è ɗewe bà wèè aŋ nyìmàŋ è nɛ̀ɛŋ mùŋ yaà woo lɛ̀.

2 Kɔliìŋ 1:20

Wuŋ nàŋ yaà ke “Hɛ̀ɛɛ̀ɛŋ” koɓɛ̀ maŋ ɗààhìì Dayà maŋ gbiŋ. E wèètii esàɓù Jisɛ̀ Kulaì sùà è woàìŋ wìàà, “Àmiinàŋ” wèè e jòòwo koɓɛ̀ Dayài.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

1Tɛsè 1:10

yèè wèè naŋ fòlà jɔ̀àfelaauŋ nɔɔ̀ŋ Jisɛ̀ Kulaì e yìwìà ko àìjɛnɛ̀ŋ wo yèɔ wò naŋ gè e fàaà dìì yèè wò naŋ wi joeyè e yìwìà e wùàŋ Dayàa yaà hinie lɛ̀.

2Tɛsè 3:3

Kɛɛ wo Kanaà yaà wo nyuùŋ tùlìà jii, yèè wò doiŋ nàŋ fè e gààŋ yèè woiŋ yɛ̀mɛ̀ diɛŋ anyùùŋ maŋ kpèè naanààŋ nyaŋ e tɛɛ.

1Time 1:17

Koɓɛ̀ wo Kànà wɔŋ nyiiŋ gèe gò jùàa, wo Dayà gunɔ̀ɔŋ, e jòòwo yèè e dɛ̀ɛ̀kɛ nɔ̀ŋ ko nɛ̀ɛ̀uŋ niìŋ wèè julɔfɔ yèè julɔfɔ! Àmiinàŋ.

Hiɓu 11:36

Anyùùŋ naŋ wa hììlè aŋ bà nyiŋ yèè àŋ naŋ nyiŋ ɓùlò, àŋ sìà aŋ bà nyiŋ maŋ jɔ̀ɔɔ yèè aŋ nyiŋ gbìàŋ ko sààŋ nyìwì.

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

2Pììlɛ 2:9

Kɛɛ wo Kanaà nyìmàŋ e ɗeweɛ̀ wò joeyà anyùùŋ Dayà nyaŋ maŋ keì nyìnga nyiŋ màŋ sùà lɛ, yèè wo kùwìè anyuùŋ gò nyìmàŋ Dayà nyaŋ e ngàìnɓu dìì wèè ke ɗɔ̀ɔ̀ gbài kitiɛ̀ diɛŋ wa nàwèè,

1Jɔ̀ɔŋ 3:8

Wo nyùnɔ̀ɔŋ gbiŋ nyɛnɛŋ maŋ kèì jùumù keleiŋ wɔ̀, wò yaà wo nyùùŋ Sɛ̀tanàŋ, e fèfoo wo Sɛ̀tanàŋ wò wa nyɛ̀nɛ̀ŋ maŋ kèì jùumù e yìwìà ko tɔ̀ɔ̀tù e ɗuunyaàŋ. Wèè esàɓù guùŋ lɛɛ̀ wo Jɔ̀àfèlàà Dayàa naŋ wa hnè, wèè wo pɔɔpɔ̀ɔ̀ e tòmoɛ̀ wo Sɛ̀tanàŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 1:18

Miàŋ nàŋ yaà wo nyuùŋ gè nyiiɔ̀ŋ! Mìŋ naŋ wa fɔ̀, kɛɛ kòò mìŋ yaà naàŋ wɔŋ nyiiŋ gèeɔ̀ sùà wèè julɔfɔ yèè julɔfɔ. Mìŋ kuwa e gààŋ e fàa yaà e ɗùùnyàŋ anyuùŋ fàa nyàŋ diɛŋ.

Maŋ kèì nyɛɛnɛŋ 19:1

Eɓìèmàŋjɛ̀wɛ̀ tɛɛ̀, mìŋ naŋ kòmò ebò mààŋ anyùùŋ nàŋ yaà gbuuye ko àìjɛnɛ̀ŋ, àŋ yaà kpàaŋ sùà àŋ woà nyààŋ, “Tɛ̀nɛ̀ŋ wììŋ Dayà! Wuŋ nàŋ kanaŋ e jòèye, e jòòwo, yaà e gààŋ!

Maŋ kèì nyɛɛnɛŋ 19:4

Aŋ màmàŋkùmɛŋ kpɛ̀ùŋ jɛ̀wɛ̀ tiinàŋ nyaŋ yaà maŋ ɗòlònɛ̀ŋ tiinàŋ maŋ naŋ dè maŋ gɛ̀ɛ̀nìŋ nyiŋ màŋ ko dììnaŋ yèè àŋ naŋ zòòlò Dayà, wo yèɔ jaa wa ke kpùà kanaà diɛŋ wɔ̀. Àŋ naŋ wa woò nyààŋ, “Àmiinàŋ! Tɛ̀nɛ̀ŋ wììŋ Dayà!”

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”

Maŋ kèì nyɛɛnɛŋ 21:4

Wo Dayà do nyiŋ nàŋ hààngè maŋ fɛɛ̀màì maŋ fɛ̀ɛ̀. Wo nyùùŋ gbiŋ naàŋ ɓɛìŋ fɔ̀, wo nyùùŋ gbiŋ naàŋ ɓɛìŋ kɛ̀ɛ̀nɛ̀ŋ kè jii mɔ̀ɔ̀nɛŋ ɔ̀ɔ̀ wo gòlà ɔ̀ɔ̀ wo kɛ̀ɛ̀nɛ̀ŋ è sàaŋ è kɔɔuŋ nɛ̀ sùà. Maŋ keì gɔu mɛɛ̀ŋ gbiŋ màŋ naàŋ mààŋ.”

Maŋ kèì nyɛɛnɛŋ 3:10

Nààŋ nìŋ naŋ jɔ̀ɔ̀lɔ̀ ke mìè gbòa miɛ̀ŋ dìì e hàì ko dìaì lɛ, miàŋ pɛɛ mìŋ doiŋ nàŋ joeyè e tèèngà e keì nyìngaà yaà hìnìè e ɗuunyaàŋ diɛŋ lɛ̀, wèè e nɔ̀ŋ e wàa wèè anyùùŋ nyaŋ gbiŋ e dììɛ diɛŋ.

Maŋ kèì nyɛɛnɛŋ 3:14

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè anyuùŋ hààwe nyàŋ ko Làòdisià. “Ke miè gbìaàŋ kɛɛ̀ e yìwìà wo yèɔ àŋ nyaaŋ Àmiinàaŋ, wo nyuùŋ hààweɔ̀ yèè wo sèì tɔ̀ɔ̀nyaàaŋ, wo yèɔ yaà ko tɔɔtuì yèè saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ wɔ̀.

Maŋ kèì nyɛɛnɛŋ 5:13

Mìŋ naŋ ɓɛìŋ kòmò manɛ̀ŋ gè nyiiŋ màŋ gbiŋ ko àìjɛnɛ̀ŋ, e dììɛ diɛŋ, e dììɛ dìì koɓɛ̀ anyuùŋ fàa nyàŋ yèè wɔŋ juwoɔ̀ sùà, manɛ̀ŋ maŋ gbiŋ yaà e ɗuunyaàŋ sùà maŋ màŋ yaà gbeeme nyààŋ, “Koɓɛ̀ wo nyùnɔ̀ɔŋ jaa ke kpùà kanaà diɛŋ wɔ̀ yaà wo Ɓaawaaà, tɔ̀ e tɛ̀nɛŋ, e ɓɛ̀ɛ̀jàa, e jòòwo, yèè e gààŋ nɔ̀ŋ kɔ nɛ̀ɛ̀uŋ niìŋ, wèè julɔfɔ yèè julɔfɔ!”