Maafiù 6:12 - WƆŊ FƐ̀Ì EBÒ SÌÀŊ DAYÀA

¹² Jùùyaà wi hakɛ̀ wèè maŋ keì nàànààŋ wi màŋ, màànààŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ naŋ wi jàà maŋ.

Maafiù 6:12 ပူးပေါင်းရင်းမြစ်များ

Maafiù 26:28

Maŋ sɛnìim màŋ mɛɛ̀ŋ, maŋ yè maŋ naŋ hèè e fèè e ɗààhìì e mìèsùàguùŋ, maŋ yè maŋ naŋ nɔ̀ŋ wùaŋ miŋ wèè wo Dayà juuyà maŋ jùumùiŋ màŋ hakɛ̀.

Maafiù 9:2

Anyùùŋ bà naŋ wa hìɛ̀ŋ wo felaa kpɔ̀ɔ̀kpɔɔ bà ko nɛ̀ɛ̀uŋ niìŋ wò hawa wɔŋ gbùmaŋ sùà. Nààŋ wo Jisɛ̀ naŋ yɛmɛ̀ kɛ̀ àŋ kuwa wa e hààweɛ̀ kɛ̀ wò ɓɛ̀nɛ̀ŋ jòèyè wo felaaà, wò nàŋ wòò wo felaa kpɔ̀ɔ̀kpɔɔɔ̀ wààŋ, “Felaa wɛɛ̀, kɛ̀ɛ̀nɛɛ̀ŋ ke jii nyingè, kà jùùyà maŋ jùumùum màŋ hakɛ̀.”

Luù 11:4

Jùùyaà wi hakɛ̀ wèè maŋ keì naanààŋ maŋ è naiŋ nyɛ̀nɛ̀ŋ maŋ, màànààŋ nɔŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ jàà wì maŋ. Ɓɔ̀ mùŋ koà wi è wàa nyìnga dìì.’ ”

Luù 13:4

Diè zà e kèè anyùùŋ zììyà jɛ̀wɛ̀ nɔɔnɔŋ le taai nyàŋ ke sààŋ fùùɛŋ naŋ wa sɔ̀ɔ̀ diɛŋ yèè àŋ naŋ fɔ̀ nyaŋ ko Sìloùm nyaŋ? Nìŋ gongà kɛ̀ anyùùŋ nyiiŋ naŋ wa nyɛ̀nɛ̀ŋ maŋ jùumù naanààŋ e nìàŋ anyuùŋ gbànaŋ nyàŋ gbiŋ ko Jùlusɛ̀làm?

Luù 6:37

“Ɓɔ̀ nìŋ kilià è kiti ànyùùŋ diɛŋ wèè màŋ jùumù nyiŋ màŋ, kpeiŋ kɛ̀ wo Dayà naìŋ kìlìè kiti diɛŋ wèè màŋ jùumùiŋ màŋ nyɛ̀iŋ pɛɛ. Jùùyaìŋ aŋ dàwiiŋ nyàŋ hakɛ̀ wèè e keì naanààaŋ àŋ naiŋ jàà lɛ, kpeiŋ kɛ̀ wo Dayà wòiŋ jùùyà hakɛ̀ nyɛ̀iŋ pɛɛ.

Nyɛ̀nɛ̀ŋ 13:38

Nyɛ̀iŋ nààŋ wùìyaim nyàŋ gbiŋ, mìŋ manaŋ wèè naŋ nyìmàŋ kɛ̀, wo Dayà juuyàìŋ hakɛ̀ wèè maŋ jùumùiŋ màŋ gbiŋ esàɓù Jisɛ̀ɛ sùà. Maŋ Sàwà maŋ wo Dayà naŋ wa fè wo Mòòze màŋ fè ɓɛ̀nɛ̀ŋ gè wò nyùùŋ gbiŋ è nìmìlà màŋ jùumùuŋ màŋ sùà. Kɛɛ wo nyùnɔ̀ɔŋ gbiŋ kuwa hààwe wo Jisɛ̀ sùà wɔ wo Dayà douŋ nàŋ jùùyè hakɛ̀ wèè maŋ tùwo naanààuŋ màŋ.

Ɛfesɔ̀ 1:7

Esàɓù maŋ sɛ̀ìŋ Jisɛ̀ Kulaì maŋ sùà wo Dayà naŋ wi bilɛ̀ŋ wèè foo, tii naŋ tɔɔ̀ kɛ̀ wò jùùyà maŋ jùumù wi màŋ hakɛ̀. E tɛ̀ɛ̀tɛ̀ɛ̀ Dayàa naŋ dɛɛ̀,

Ɛfesɔ̀ 4:32

Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.

Kòlo 3:13

Jàaìŋ aŋ dàwiiŋ nyàŋ kùàŋ dìì, e kìlà niŋ juuyà wo nyùùŋ gbiŋ hakɛ̀ sèè wò jààùm è nànàŋ. Nìŋ kuwa naŋ jùùyà aŋ dàwi hakɛ̀ màànààŋ nɔŋ wo Kanaà Jisɛ̀ Kulaì naiŋ jùùyè hakɛ̀ lɛ.