Maafiù 6:10 - WƆŊ FƐ̀Ì EBÒ SÌÀŊ DAYÀA

¹⁰ Tɔ̀ e Kana mɔ̀ɛ̀ hnàŋ, tɔ̀ e tùwo mɔ̀ɛ̀ nɔ̀ŋ yɛi e ɗuunyaàŋ diɛŋ màànààŋ è yaà ko àìjɛnɛ̀ŋ lɛ.

Maafiù 6:10 ပူးပေါင်းရင်းမြစ်များ

Maafiù 12:50

Wo nyùnɔ̀ɔŋ gbiŋ nyɛnɛŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè wo nyɛ̀nɛ̀ŋ lɛ, wuŋ nàŋ yaà wo wùìya miɔ̀ŋ, wo jaa miɔ̀ŋ, yèè wo yèye miɔ̀ŋ.”

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

Maafiù 26:42

Wo Jisɛ̀ naŋ ɓɛìŋ kɔ̀ wo zoolò wààŋ, “Dèda miɔ̀ŋ, sèè mààŋ wɔŋ kpòò e keì nyìnga wɛɛ̀ŋ wɔŋ fèim ɓɛ̀nɛ̀ŋ kɔ̀ɛ̀ɛ̀ diɛŋ sɔɔ̀ nɔŋ ka wɔŋ tììyà sùà, kɛ̀ tɔ̀ e yèɛ mùŋ manaŋ lɛ̀ e hɛɛnɛ̀ŋ.”

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Maafiù 4:17

E yìwìà e teenga lii sùà wo Jisɛ̀ naŋ tɔ̀ɔ̀tù gbòà ke mìè Dayàa koɓɛ̀ anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ, esaɓù kɛ̀ e Kànà àìjɛnɛ̀ɛŋ è gbɛ̀ɛ̀!”

Maafiù 7:21

“Anyùùŋ nyaŋ gbiŋ nyààìm ‘Kanaà, Kanaà’ nyaŋ, nààŋ naàŋ kɔ̀ è Kànà àìjɛnɛ̀ɛŋ sùà, sɔɔ̀ nɔŋ aŋ yè nyaŋ do nàŋ nyɛ̀nɛ̀ŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè aŋ nyɛ̀nɛ̀ŋ lɛ.

Luù 19:11

Nààŋ àŋ yaà wa gbɛ̀ɛ̀ sùà ko Jùlusɛ̀làm, anyùùŋ nyaŋ kuwa wa wo Jisɛ̀ maŋjɛ̀wɛ naŋ kòmò maŋ kàɓanè maŋ wò yaà wa giiye màŋ, naŋ gongò kɛ̀ sèè wò haì wa nɔŋ ko Jùlusɛ̀làm fà wò nɔ̀ŋ wo kana nyiŋ nɔɔ̀ŋ.

Luù 19:38

Àŋ yaà wa kpàaŋ sùà àŋ yaà woo nyààŋ, “Wo Dayà kpuumàŋ wo kanaà hnàŋ e dèè Kanaà diɛŋ wɔ̀! Ke jii fàa nɔ̀ŋ ko àìjɛnɛ̀ŋ yèè e jòòwo nɔ̀ŋ koɓɛ̀ Dayài!”

Luù 22:42

Wò naŋ zoolò wààŋ, “Dèda, sèè mùŋ mɔnɔŋ, gèim wɔŋ kpòò keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ e kaaìŋ lɛ̀.”

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Nyɛ̀nɛ̀ŋ 13:22

E teenga bà naŋ mààŋ, yèè wo Dayà naŋ gè wo Sɔɔ̀ ke kpùà kanaà diɛŋ yèè wò naŋ nyɛ̀nɛ̀ŋ wo Dèèwe wo jɔ̀àfèlàà Jɛ̀seɔ̀ wo kana nyiŋ nɔɔ̀ŋ. Wo Dayà naŋ wòò e kiiuŋ wààŋ, ‘Wo Dèèwe wo jɔ̀àfèlàà Jɛ̀seɔ̀ nàŋ yaà wo nyùnɔ̀ɔŋ ke jii miɛ̀ŋ naŋ ɓemè zimgbe. Wò nyɛnɛŋ e yèɛ gbiŋ mìŋ manaŋ wo nyɛ̀nɛ̀ŋ lɛ.’

Nyɛ̀nɛ̀ŋ 21:14

Nààŋ wo gò wa jàà màŋ mìè gbòa wi màŋ kùàŋ dìì wèè wo nyimèè kɛ̀ ɓɔ̀ wò kao, è nauŋ hɔ̀ànè pɔ̀wɔ yèè è naŋ woò wìà, “Tɔ̀ e yèɛ wo Kanaà manaŋ lɛ̀ e hɛɛnɛ̀ŋ.”

Nyɛ̀nɛ̀ŋ 22:14

Wo Ananaayà naim woò wààŋ, ‘Wo Dàyà aŋ nèwàènèwe wi nyàŋ wòum tàeɗùù wèè maŋ nyìmàŋ kɛ̀ kiìŋ wò manaŋ maŋ nyɛ̀nɛ̀ŋ. Wò naum tàeɗùù wèè maŋ yɛ̀mɛ̀ wo Ɓɔ̀ìjɔ̀à tɔ̀ɔ̀nyaàuŋ nɔɔ̀ŋ yèè wèè maŋ kòmàŋ wò yaà gbùùyè ke mìè wuŋ biɛ̀.

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Ɛfesɔ̀ 6:6

Nyɛ̀nɛìŋ tɛɛ̀ e teenga gbiŋ sùà wèè e fɔɔyɛ̀ nyiŋ jii, ɓɔ̀ è nɔ̀ŋ nɔŋ sèè àŋ nɔ̀ìŋ yɛɛmɛ. Nìŋ yaà aŋ ɗò Jisɛ̀ Kulaì, e wèètii, e nɛ̀ɛŋ gbiŋ wo Dayà manaŋ wèè naŋ nyɛ̀nɛ̀ŋ lɛ, nyìniaìŋ niŋ ke jiiiŋ nɛɛ̀ŋ gbiŋ.

Kòlo 1:13

Wo Dayà naŋ wi joeyè e yìwìà e gààŋ ke nyìwì Sɛ̀tanàaŋ, yèè wò naŋ wi hìɛ̀ŋ koɓɛ̀ e kànà wo Jɔ̀àfelaa mànauŋ nɔɔ̀ŋ,

Kòlo 1:9

E wèè esaɓù lɛɛ̀, è zoolà e weèiŋ e teenga gbiŋ e yìwìà ke ɗɔɔ jiɛ̀jiɛ̀ɛ è naiŋ wa kòmò e kèè hààweiŋ nɛ̀ lɛ. È zoolàìŋ wèè wo Dayà woiŋ tɔ̀ɔ̀ e nɛ̀ɛŋ gbiŋ wò manaŋ naŋ nyɛ̀nɛ̀ŋ lɛ, yèè woiŋ kìɛ̀ŋ e jiikɛ̀ɛ e kìlà woiŋ nyɛ̀nɛ̀ŋ naŋ nyìmàŋ e yèɛ wo Jinàuŋ nɔɔ̀ŋ kiɛ̀ŋ lɛ,

1Tɛsè 4:3

Wo Dayà manaŋ wèè naŋ nɔ̀ŋ e nɛɛmaŋ sùà, e kìlà e kèì nàànààŋ hmɔŋtu nyɛ̀nɛŋ gbiŋ ɓɔ̀ è gbɛ̀ɛ̀iŋ kɔɔ.

1Tɛsè 5:18

Gèeìŋ Dayà sɛ̀ e keì gbiŋ sùà. Tii nàŋ yaà e nɛ̀ɛŋ wò mànàìŋ sìwè wɔŋ nyiiŋ gèeiŋ nɔɔ̀ŋ sùà nààŋ nìŋ yaà aŋ bàiŋbà wo Jisɛ̀ Kulaìɛ sùà lɛ.

Hiɓu 1:14

Kiìŋ nàŋ yaà aŋ màikà nyaŋ? Aŋ màikà nyaŋ yaà aŋ jinàŋ aŋ yè nyaŋ tomàŋ wèè Dayà, e kìlà wò tùɔ̀ŋ nyiìŋ wèè aŋ kpuumàŋ anyùùŋ nyaŋ wò manaŋ wo joeyè nyaŋ.

Hiɓu 10:36

Nìŋ kuwa nàŋ kɛ̀ɛ̀nɛ̀ŋ maŋ jii tɔumtɔ̀ùm, wèè kɛ̀ niŋ nyɛ̀nɛ̀ŋ e yèɛ wo Dayà manaŋ lɛ̀, yèè nìŋ do nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè woiŋ kiɛ̀ŋ lɛ.

Hiɓu 10:7

weètii mìŋ naŋ woò mìàŋ, ‘Oo Dayà, miàŋ wɛɛ̀, kà hnàŋ wèè ka nyɛ̀nɛ̀ŋ e yèɛ mùŋ manaŋ lɛ̀, màànààŋ nɔŋ è yaà sìnga niŋ e nyaàiŋ eim dè wɔŋ fɛ̀ì maŋ Sàwà Dayàa sùà lɛ.’ ”

1Pììlɛ 2:15

Wo Dayà manaŋ wèè maŋ kpèè siaŋ sìàiŋ màŋ nɔ̀ŋ esaɓù wèè anyùùŋ ɓàaɓàa gò nyìmàŋ keì fèemàŋ nyɛɛ̀ŋ aŋ hɔ̀ànè gbòa.

1Pììlɛ 4:2

Weètii, wɔŋ nyiiŋ gèe gbànaiŋ nɔɔ̀ŋ maŋ kèìŋ maŋ sùà, fè ɓɛìŋ è gòngò nyuùŋkpùuŋ dìi. Wɔ̀ŋ yaà naàŋ e gààŋ Dayàa dìì.

Maŋ kèì nyɛɛnɛŋ 11:15

Wo màìkà nɔɔnɔŋ letìyèeɔ̀ naŋ fùɔ̀ŋ e pòtanàuŋ nɛ̀, yèè mìŋ naŋ kòmò maŋ mìè gbɔ̀ɔ gbee e yìwìà ko àìjɛnɛ̀ŋ màŋ yaà woo wààŋ, “E kànà ɗuunyaàŋ è yaà naàŋ wèè wo Kana wiɔ̀ Dayà yèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, yèè wò do nàŋ nɔ̀ŋ wo kana wèè julɔfɔ yèè julɔfɔ.”

Maŋ kèì nyɛɛnɛŋ 12:10

Eɓìèmàŋjɛ̀wɛ̀ tii, mìŋ naŋ kòmò ke mìè kpàaŋ e yìwìà ko àìjɛnɛ̀ŋ kè naŋ woò wààŋ, “E jòèyè Dayàa è ngàà hnàŋ! Wo Dayà ngàà tɔ̀ɔ̀ e gaàuŋ nɛ̀ mààŋ wo Kana! Wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, ngàà tɔ̀ɔ̀ e gaàuŋ nɛ̀! Esaɓù nàŋ yaà kɛ̀, wo yèɔ naŋ wa sìè wo Dayà wiɔ̀ fɛɛ̀feìŋ, yèè wò naŋ gbùwò maŋ keì anyuùŋ hààwe nyàŋ ɗì maŋ gɔɛɛ yèè dùùm wɔ, àuŋ gbìàŋ ko jɔɔlèi e yìwìà ko àìjɛnɛ̀ŋ.

Maŋ kèì nyɛɛnɛŋ 19:6

Mìŋ naŋ kòmò ke mìè kpààŋ anyuùŋ zimgbe, ebò lɛ yaà mààŋ ko gbàà nàŋ gumo yaà ko fuùŋ kpàaŋ gbee koɓɛ̀ guùŋ. Mìŋ naŋ kòmò àŋ naŋ wa woò nyààŋ, “Tɛ̀nɛ̀ŋ wììŋ wo Dayà, esaɓù kɛ̀ wo Kanaà, wo Dàyà Gaàŋ Gbee wiɔ̀, wò yaà wo Kana!

Maŋ kèì nyɛɛnɛŋ 20:4

Mìŋ naŋ yɛ̀mɛ̀ maŋ kpùà kana. Anyùùŋ nyaŋ jàà miìŋ wa diɛŋ nyàŋ, nyiŋ àŋ naŋ wa kìɛ̀ŋ gààaŋ wèè aŋ hàà kiti. Anyùùŋ bi zà nàŋ yaà wa aŋ jìnàŋ anyùùŋ nyaŋ àŋ naŋ wa kɛ̀ɛ̀ maŋ ɗì nyaŋ wèè aŋ kìɛ̀ŋ maŋ mìè seì, esaɓù kɛ̀ àŋ naŋ wa wòò e tɔ̀ɔ̀nyaàaŋ e nyaàiŋ de e yèɛ wo Jisɛ̀ naŋ wa gɔ̀àì sùà lɛ yèè àŋ naŋ gbòò ke mìè Dayàa. Nyiŋ nàŋ yaà anyùùŋ nyaŋ naŋ wa gè maŋhɛɛ wèè aŋ zòòlò wo yilì kùùnoɔ̀ yaà wo dayà joouŋ nɔɔ̀ŋ, e kìlà àŋ naŋ gè maŋhɛɛ wèè aŋ nyiŋ hàà e fèè wo yilì kùùnoɔ̀ maŋ ɗìfeìŋ ɔ̀ɔ̀ maŋ kùàŋ sùà. Anyùùŋ nyɛɛ̀ŋ naŋ wa kɛ̀ɛ̀ wɔŋ nyiiŋ gèe sùà yèè àŋ naŋ kɛ̀ɛ̀ kana wo Jisɛ̀ Kulaì maŋjɛ̀wɛ wèè maŋ doa tààsùùŋ guùŋ.