Maafiù 6:1 - WƆŊ FƐ̀Ì EBÒ SÌÀŊ DAYÀA

¹ “Sèè mùŋ nɔ̀ŋ nyìnìè e tòmò siaŋ e dèè Dayàa diɛŋ, ɓɔ̀ mùŋ nyɛ̀nɛ̀ŋ niŋ wèè ànyùùŋ àŋ doum yɛmɛ̀. Sèè mùŋ nyɛnɛŋ yɛi wèè anyùùŋ aŋ yɛ̀mɛ̀ e tɔ̀ɔ̀nyaàŋ e yèɛ mùŋ yaà nyinie lɛ̀, wo Dèda mɔɔ̀ŋ ko àìjɛnɛ̀ŋ wo naàum kìɛ̀ŋ e jìwààjɛ̀wɛ̀ siaŋ.

Maafiù 6:1 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 16:6

Wo Jisɛ̀ naŋ nyiŋ fè e gòo wààŋ, “Yɛ̀mɛìŋ nyɛ̀iŋ bi diɛŋ wèè e sòi jùwìà e gbɔ̀ù aŋ Fɛlosiì nyaŋ yaà e sòi jùwìà e gbɔ̀ù aŋ Sadusiì nyaŋ.”

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Maafiù 23:5

Manɛ̀ŋ nyɛ̀nɛŋ nyiŋ màŋ gbiŋ màŋ yaà nɔŋ wèè anyùùŋ aŋ nyiŋ yɛmɛ̀ ko ɓài. Àŋ singe maŋ mìè nyààŋ fɛ̀ì Dayà maŋ aŋ miŋ bàànè maŋ ɗàsìmɔɔŋ gbeegbèè, yèè aŋ miŋ sɛ̀ɛ̀sɛ̀ɛ̀ maŋ ɗìfeìŋ, aŋ miŋ sɛ̀ɛ̀sɛ̀ɛ̀ maŋ kùàŋ, yèè àŋ dikià maŋ jeèì mùnlòmuŋlo e tɛɛ maŋ ɓuuɓane nyiŋ màŋ diɛŋ, wèè anyùùŋ aŋ nyiŋ gɔ̀à le fɛ̀ɛ̀.

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Maafiù 5:16

E ɗèwè guùŋ lɛɛ̀ sùà, tɔ̀ e gbolòùŋ lɛ mùŋ do nàŋ tɔɔ̀ lɛ e nɔ̀ŋ mɛ̀iŋ niŋ mààŋ e gbòlòùŋ laumpòɛ, e mɛ̀ɛ̀ŋ anyùùŋ nyaŋ fɛɛ̀feìŋ wèè kɛ̀ aŋ yɛmɛ̀ e tòmo sìàaŋ mùŋ naŋ nyɛ̀nɛ̀ŋ lɛ, wèè kɛ̀ aŋ kìɛ̀ŋ wo Dèda mɔɔ̀ŋ e ɓɛ̀ɛ̀jàa ko àìjɛnɛ̀ŋ.

Maafiù 5:46

Wèè kiìŋ wo Dayà kiɛ̀ìŋ e jìwààjɛ̀wɛ̀ siaŋ sèè nìŋ mɔnɔŋ nɔŋ anyùùŋ nyaŋ mànàìŋ nyaŋ? Anyuùŋ kùwà nɛ̀ɛ̀nɛ̀ŋ fuɔŋ nyàŋ pɛɛ manaŋ aŋ dàwi nyiŋ nyàŋ.

Maafiù 5:48

Nìŋ kuwa naŋ nɔ̀ŋ anyùùŋ tɔ̀ɔ̀nyaàŋ, màànààŋ nɔŋ wo Dèdaiŋ nɔɔ̀ŋ ko àìjɛnɛ̀ŋ yaà lɛ.

Maafiù 6:16

“Sèè mùŋ kuwo ke tɔùŋ, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do nyìmàŋ kɛ̀ mùŋ yaà kè tɔùŋ, màànààŋ anyuùŋ jàà fɛ̀ɛ̀ keì foo nyàŋ nyɛnɛŋ lɛ̀. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 6:9

Kpeiŋ e ɗewe kii lɛɛ̀ sùà nìŋ kuwa naŋ zoolò. ‘Wo Dèda wiɔ̀ ko àìjɛnɛ̀ŋ, tɔ̀ e dèè nɛɛmaŋ mɔ̀ɛ̀ e nɔ̀ŋ jòòwo niŋ.

Luù 11:35

Weètii yɛ̀mɛ̀ muàŋ bi diɛŋ wèè kɛ̀ e gbolòùŋ lɛ yààùm ko sùà lɛ e go nàŋ nɔ̀ŋ ke nyìwì.

Luù 12:1

Nààŋ e fààŋ anyuùŋ kpùuŋ zimgbe naŋ wa dèènè koɓɛ̀ guùŋ wo Jisɛ̀ kɔɔ àŋ gè nyàwè nyàwè aŋ dàwi, wo Jisɛ̀ naŋ fè anyùùŋ màŋjɛ̀wɛ̀uŋ nyàŋ jiɛ̀ e gòo wààŋ, “Yɛ̀mɛìŋ nyɛ̀iŋ bi diɛŋ e nyaàiŋ dè e sòi jùwìà e gbɔ̀ù aŋ Fɛlosiì nyaŋ. Mìŋ sɔ̀à e kàà e keì jàà fɛ̀ɛ̀ sùà nyiŋ nɛ̀. E je nyiŋ ɗeweɛ̀ lii àŋ zuwà nyùùŋ.

Luù 12:15

Wo Jisɛ̀ naŋ ɓɛìŋ wòò e faaàŋ wààŋ, “Yɛ̀mɛìŋ nyiŋ bi diɛŋ wèè niŋ go nàŋ nyɛ̀nɛ̀ŋ e wànàŋ manɛ̀ŋ maŋ gbiŋ. Esaɓù kɛ̀ e bàne zimgbe kɛ̀ɛ̀nɛŋ nàŋ naàŋ jòèyè wɔ̀ŋ nyiiŋ mɔɔ̀ŋ. Miŋ gò kpɛɛ̀ŋ kɛ̀ diè mùŋ naŋ banè.”

Luù 16:15

Yèè wo Jisɛ̀ naŋ nyiŋ woò wààŋ, “Nyɛ̀iŋ nàŋ yaà anyùùŋ nyaŋ tɔɔ̀ wèè naŋ nɔ̀ŋ anyùùŋ tɔ̀ɔ̀nyaàŋ ko fɛ̀ɛ̀fèìŋ anyuùŋ joo, kɛɛ wo Dayà nyìmàŋ maŋ jiiŋ màŋ sùà. Esaɓù kɛ̀ manɛ̀ŋ maŋ anyùùŋ àŋ ɓemàŋ wèè maŋ nɔ̀ŋ gbee miŋ màŋ maŋ fè è nɛ̀ŋ gbiŋ kò fɛ̀ɛ̀fèìŋ Dayài.

Jɔ̀ɔŋ 12:43

Yèè ngèè anyùùŋ gbèègbèè aŋ Juùù nyaŋ manaŋ wa anyuùŋ kpùuŋ aŋ nyiŋ tɛnɛ̀ŋ e nìàŋ wèè wo Dayà wo nyiŋ tɛnɛ̀ŋ.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Nyɛ̀nɛ̀ŋ 3:12

Nààŋ wo Pììlɛ naŋ yɛ̀mɛ̀ anyùùŋ nyaŋ, wò naŋ nyiŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ dàwiim nyàŋ, wèè kiìŋ tɛɛ̀ naiŋ foonò, yèè wèè kiìŋ nìŋ yaà wi yɛɛmɛ? Nìŋ naŋ gongò kɛ̀ e gààŋ yàwi biɛ̀ sùà le ɔ̀ɔ̀ ke nyòwò yàwi biɛ̀ sùà naŋ nyɛ̀nɛ̀ŋ wo felaa wɛɛ̀ naŋ kaaìŋ?

Gàla 6:12

Anyùùŋ nyaŋ yaà kààmè e ɗewe wèè aiŋ jàà kpùa maŋ kèìŋ sùà maŋ gàangàaŋ nyaŋ, nàŋ yaà aŋ yè nyàŋ tɔɔ̀ nyiìŋ bi ko ɓàì kɛ̀ àŋ yaà tɛ̀ɛ̀ nyaŋ. E gbio sùà, àŋ nyɛnɛŋ maŋ keì mɛɛ̀ŋ wèè àŋ go nàŋ sɛ̀ɛ̀ e kèì nyìngà wɔ̀ŋ vànèkpàà Jisɛ̀ Kulaìɔ sùà.

Hiɓu 11:26

Wo Mòòze wa nyìmàŋ kɛ̀ wèè maŋ kà e keì nyìnga dìì wèè wo nyùnɔ̀ɔŋ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, è kuwa e nàfa e nìàŋ sùlò bàneɛ̀ ko Ijè, esaɓù kɛ̀ wò yaà wa yɛ̀ɛ̀mɛ̀ dòmaŋ wèè e jìwààjɛ̀wɛ̀ ko dòmàŋfeìŋ nɛ.

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

2Jɔ̀ɔŋ 1:8

Yɛ̀mɛìŋ nyɛ̀ìŋ bi diɛŋ, wèè niŋ go nàŋ gbɛ̀nɛ̀ŋ è yèɛ è naìŋ wa tomo wèè niŋ lɛ̀, yèè nìŋ do nàŋ yɛ̀mɛ̀ e jìwààjɛ̀wɛ̀ niŋ nɛ̀ e dìa niŋ.