Maafiù 5:6 - WƆŊ FƐ̀Ì EBÒ SÌÀŊ DAYÀA

⁶ “E zɔlɔ̀ yaà anyùùŋ nyaŋ kuwa e mànaŋ gbee wèè aŋ nyɛ̀nɛ̀ŋ e tɔ̀ɔ̀nyaàaŋ wo Dayà manaŋ lɛ̀. Wo Dayà do nyiŋ nàŋ kìɛ̀ŋ ke jii fàa kɛnɛ!

Maafiù 5:6 ပူးပေါင်းရင်းမြစ်များ

Luù 1:53

Wò kiɛ̀ŋ e nɛ̀ŋje siaŋ koɓɛ̀ anyùùŋ nyaŋ e jìè yaà nyaŋ, yèè wò nyɛnɛŋ anyuùŋ bàne nyàŋ àŋ kòà le siwè foo.

Luù 6:21

“E zɔlɔ̀ yaà nyɛ̀iŋ nyàŋ e jìè yaà naàŋ sààmɛ nyàŋ. Wo Dayà doiŋ nàŋ kìɛ̀ŋ e yèɛ nìŋ manaŋ lɛ̀, e jèèsùà maŋ jii maiŋ fà.” “E zɔlɔ̀ è yaà nyɛ̀iŋ nyàŋ nìŋ yaà naàŋ gulie sààmɛ nyàŋ. Nìŋ do nàŋ hile.”

Luù 6:25

“E keì nyìnga do nàŋ nɔ̀ŋ nyɛ̀iŋ nyàŋ naŋ diè nyaŋ. Nìŋ do nàŋ kɔ̀ɔ̀ e jìè.” “E keì nyìnga do nàŋ nɔ̀ŋ nyɛ̀iŋ nyàŋ nìŋ yaà hiile sààmɛ nyàŋ. Nìŋ do nàŋ nɔ̀ŋ ke nyowo sùà e kìlà naŋ gòlà.

Jɔ̀ɔŋ 4:14

Kɛɛ sèè wo nyùùŋ gbiŋ wo tìà e wùìyèɛ mìŋ do nàŋ kiɛ̀ŋ lɛ, ke jòòmàì naàuŋ wa nàwèè ɓɛìŋ nyɛ̀nɛ̀ŋ julɔfɔ. E wùìyèɛ mìŋ do nàŋ kiɛ̀ŋ lɛ è do nàŋ nɔ̀ŋ ke wuiyè soo wo nyùùŋ wii ko sùà e yèɛ kiɛ̀ŋ wɔŋ nyiiŋ gèe gò jùà.”

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Jɔ̀ɔŋ 7:37

Ke ɗɔɔ dìàmaŋ gbeeɛ̀ diɛŋ nààŋ anyùùŋ nyaŋ naŋ kpɛ̀ɛ̀yɛ̀ wɔŋ ɗaa geɔ̀, wo Jisɛ̀ naŋ sie yèè wò naŋ gbòò ke miè gbee sùà wò naŋ woò wààŋ, “Wo nyùnɔ̀ɔŋ gbiŋ nɔ̀ŋ ke jòòmàì sùà wɔ, wo hnàŋ ko nɛ̀ɛ̀ŋ miìŋ yèè mìŋ doum nàŋ kìɛ̀ŋ e wùìyè maŋ tìà.

Maŋ kèì nyɛɛnɛŋ 7:16

Julɔfɔ e jìè, yèè ke jòòmàì naàŋ nyiŋ wa nàwèè ɓɛìŋ nyɛ̀nɛ̀ŋ. E gɔɛɛ, ɔ̀ɔ̀ e zùzù gɔɛɛ̀, naàŋ nyiŋ ɓɛìŋ sùɔ̀ŋ,