Maafiù 5:5 - WƆŊ FƐ̀Ì EBÒ SÌÀŊ DAYÀA

⁵ “E zɔlɔ̀ yaà anyùùŋ nyaŋ deeyà nyiŋ bi nyàŋ. Nyiŋ nàŋ do nàŋ kɛ̀ɛ̀nɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ!

Maafiù 5:5 ပူးပေါင်းရင်းမြစ်များ

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Maafiù 21:5

“Wòoìŋ anyùùŋ nyaŋ ko jawa gbee Zanyɔ̀ŋ nààŋ, ‘Yɛ̀mɛìŋ, wo kanaiŋ nɔɔ̀ŋ kòò wò yaà hìnìè ko nɛ̀ɛ̀iŋ niìŋ. Wò naŋ dèèyè wuŋ bi yèè wò jaa wo sòo bɔwɔ jɔa diɛŋ wo jɔ̀à ɗòsòo.’ ”

Luùm 4:13

Wo Dayà naŋ wa jɔ̀ɔ̀ e ɗààhiì koɓɛ̀ Eɓulɔhɛɛ̀iŋ yaà aŋ jɔ̀ɛ̀ɛ̀jɔ̀ɛɛuŋ nyàŋ kɛ̀ wò do nyiŋ wa nàŋ kìɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ. Wo Dayà gò wa jɔ̀àà è ɗààhiì lɛɛ̀ esaɓù kɛ̀ wò Eɓulɔhɛɛ̀ŋ naŋ wa jɔ̀ɔ̀lɔ̀ màŋ Sàwà Dayà maŋ dìì, kɛɛ esàɓù e hààweuŋ nɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.

Gàla 5:23

e ɓɛ̀ɛ̀jàa, yèè wo nyuùŋ nyìmàŋ e ɗèwè wuŋ bi kùwa. Ke sàwà bà gbiŋ fè wèè ke gbòà naanààŋ è nyààìŋ dè màŋ keì mɛɛ̀ŋ.

Ɛfesɔ̀ 4:2

Dèèyeìŋ nyɛ̀iŋ bi e teenga gbiŋ sùà, niŋ kuwìè maŋ jii tɔumtɔ̀ùm, yèè niŋ nɔ̀ŋ anyuùŋ kùwìè e ɓɛ̀ɛ̀jàa. Tɔ̀ɔìŋ e mànaiŋ nɛ̀ ke jii siaŋ diɛŋ koɓɛ̀ aŋ wùìyaiŋ nyàŋ e hààweɛ̀ sùà.

Kòlo 3:12

Nyɛ̀iŋ nàŋ yaà anyùùŋ nɛɛmaŋ nyàŋ. Wo Dayà mànàìŋ yèè wòiŋ tàeɗùù wèè naŋ nɔ̀ŋ anyunùuŋ. Weètii, nìŋ kuwa naŋ kùwìè ke nyowo, ke jiio sùà wèè naŋ nyɛ̀nɛ̀ŋ e keì sìàŋ, naŋ dèèyè nyɛ̀iŋ bi, naŋ kùwìè ɓɛ̀ɛ̀jàa yaà maŋ jii tɔumtɔ̀ùm.

1Time 6:11

Kɛɛ muàŋ, Timetè, mùŋ yaà wo nyùùŋ Dayà, weètii, kɛ̀ɛ̀ maŋ keì mɛɛ̀ŋ gbiŋ maŋjɛ̀wɛ. Fɛɛ̀ wèè muŋ nɔ̀ŋ wo nyùùŋ tɔ̀ɔ̀nyaàŋ, muŋ nɔ̀ŋ kèè Dayàa maŋjɛ̀wɛ, muŋ nɔ̀ŋ wo nyuùŋ hààwe, muŋ kuwiè e mànaŋ wèè nyùùŋ gbiŋ, muŋ kuwiè jii nyingè wèè keì nyìnga kà dìì, yèè muŋ nyɛ̀nɛ̀ŋ e keì sìàŋ koɓɛ̀ nyùùŋ gbiŋ.

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

Taitɔ̀ 3:2

Wòò nyiŋ ɓɔ̀ àŋ woò è keì naanààŋ wèè nyùùŋ gbiŋ, kɛɛ aŋ mɔɔnɔ̀ŋ, yèè aŋ nɔ̀ŋ jii fàa sùà, yèè e teenga gbiŋ sùà aŋ tɔɔ̀ ke kpèè jii siaŋ koɓɛ̀ nyùùŋ gbiŋ.

Jìiiŋ 1:21

Weètii gèeìŋ maŋ nyɛ̀nɛŋ kùwà niŋ naŋ màŋ yaà maŋ kpèè naanààiŋ màŋ gbiŋ kùàŋ sùà maŋ yè maŋ anyùùŋ nyaŋ yaà nyinie màŋ. Yèè maŋ miè gbìaŋ màŋ wo Dayà naiŋ gbìɛ̀ŋ maŋ jiio sùà maŋ, jɔ̀ɔ̀lɔìŋ miŋ dìì yèè niŋ nyɛ̀nɛ̀ŋ e nɛ̀ɛŋ màŋ naŋ woò lɛ. Esaɓù kɛ̀ ke miè gbìaŋ yii kuwa gààŋ wèè ke jòèyè wɔŋ nyiiŋ mɔɔ̀ŋ.

Jìiiŋ 3:13

Ɓòò naŋ kɛ̀ɛ̀jii yèè wò jaa e keì jii e tɛɛiŋ? Tɔ̀ɔ̀ niŋ e yìwìà wɔŋ nyiiŋ gèe siaŋ mɔɔ̀ŋ sùà, yèè maŋ kpèè siaum màŋ mùŋ nyinìàŋ e jɔ̀ɔ̀lɔ dìì e yèɛ folo e jiikɛ̀ɛ sùà lɛ.

1Pììlɛ 3:15

Kɛɛ kùwieìŋ e ɓɛ̀ɛ̀jàa wèè Jisɛ̀ Kulaì maŋ jiiiŋ màŋ sùà, yèè niŋ joowòuŋ mààŋ wo Kana maŋ nyiiiŋ màŋ sùà. Nɔ̀ɔìŋ e bànèbaneiŋ e teenga gbiŋ sùà wèè naŋ fàsàì nyùùŋ gbiŋ wo yèɔ dawàìŋ wèè nauŋ fè ke jii gbài wèè ke jii tùliaà yààìŋ sùà lɛ.

1Pììlɛ 3:4

E siàum mɔ̀ɛ̀ e nɔ̀ŋ ke jii mɔɛ̀ŋ diɛŋ esaɓù kɛ̀ mùŋ siaŋ tùwo yèè mùŋ kuwa wo jinàŋ sìàŋ sìàŋ tùwo yèè wò naŋ tɔumtɔ̀ùm. E sìàŋ mààŋ tɛɛ̀ è yaà wèè julɔfɔ, yèè wo Dayà jàà niìŋ kùàŋ dìì.