Maafiù 5:46 - WƆŊ FƐ̀Ì EBÒ SÌÀŊ DAYÀA

⁴⁶ Wèè kiìŋ wo Dayà kiɛ̀ìŋ e jìwààjɛ̀wɛ̀ siaŋ sèè nìŋ mɔnɔŋ nɔŋ anyùùŋ nyaŋ mànàìŋ nyaŋ? Anyuùŋ kùwà nɛ̀ɛ̀nɛ̀ŋ fuɔŋ nyàŋ pɛɛ manaŋ aŋ dàwi nyiŋ nyàŋ.

Maafiù 5:46 ပူးပေါင်းရင်းမြစ်များ

Maafiù 11:19

Kɛɛ nààŋ miàim wo Jɔ̀àfèlàà Nyuùŋ kpùnɔɔ̀ŋ naŋ hnè, mìŋ naŋ jènɛ̀ŋ yèè mìŋ naŋ tìè, yèè anyùùŋ nyaŋ gbiŋ naŋ woò nyààŋ, ‘Wo felaa wɛɛ̀ tɔɔ̀ wèè wo nɔ̀ŋ nyùùŋ tɔ̀ɔ̀nyaàŋ, kɛɛ wò jènɛ̀ŋ yèè wò tie zimgbe! Aŋ dàwiuŋ nyàŋ nàŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ yèè anyùùŋ maŋ kpèè naanààŋ.’ Yɛi nɔŋ e jììkɛ̀ɛ̀ Dayàa è naŋ tɔɔ̀, wèè e nɔ̀ŋ e tɔ̀ɔ̀nyaàŋ e nyaàiŋ dè manɛ̀ŋ maŋ mìŋ nyɛnɛŋ màŋ sùà.”

Maafiù 18:17

Sèè wo nyùnɔ̀ɔŋ naŋ nyɛ̀nɛ̀ŋ e keì naanààaŋ wɔ̀ gè maŋhɛɛ wèè wo nyiŋ kumiàŋ, kɛ̀ wòò niŋ koɓɛ̀ ke gbòò anyuùŋ hààwe nyàŋ. Sèè wò gè maŋhɛɛ wèè wo kùmìàŋ ke gbòò anyuùŋ hààwe nyàŋ, kɛ̀ tùwò ko nɛ̀ɛ̀uŋ niìŋ mààŋ wo nyuùŋ gò kɛ̀ɛ̀nɛŋ hààwe ɔ̀ɔ̀ mààŋ wo nyuùŋ kùwà nɛ̀ɛ̀nɛ̀ŋ fuɔŋ.

Maafiù 5:47

Sèè naŋ nɔŋ zùùmò aŋ wùìyaiŋ nyàŋ nyiŋ guùŋ, kɛ̀ nìŋ gò nyɛ̀nɛ̀ŋ è keì kɛnɛ gbiŋ è do nìàŋ è yèɛ anyùùŋ nyaŋ fè àŋ Juùù nyaŋ nyɛnɛŋ lɛ̀. Anyùùŋ nyaŋ pɛɛ gò hààwè wò Dayà nyaŋ nyɛnɛŋ e kèì guùŋ bi.

Maafiù 6:1

“Sèè mùŋ nɔ̀ŋ nyìnìè e tòmò siaŋ e dèè Dayàa diɛŋ, ɓɔ̀ mùŋ nyɛ̀nɛ̀ŋ niŋ wèè ànyùùŋ àŋ doum yɛmɛ̀. Sèè mùŋ nyɛnɛŋ yɛi wèè anyùùŋ aŋ yɛ̀mɛ̀ e tɔ̀ɔ̀nyaàŋ e yèɛ mùŋ yaà nyinie lɛ̀, wo Dèda mɔɔ̀ŋ ko àìjɛnɛ̀ŋ wo naàum kìɛ̀ŋ e jìwààjɛ̀wɛ̀ siaŋ.

Luù 15:1

Ke ɗɔ̀ɔ̀ guùŋ anyuùŋ kùwà nɛ̀ɛ̀nɛ̀ŋ fuɔŋ nyàŋ yaà anyùùŋ maŋ tùwò naanààŋ zimgbe naŋ gbònò wo Jisɛ̀ kɔɔ wèè aŋ kumiàŋ e mìè nyaàuŋ nɛ̀.

Luù 18:13

Kɛɛ wo nyuùŋ kùwà nɛ̀ɛ̀nɛ̀ŋ fuɔŋ wii naŋ sìè e fèemàŋ mùnlaŋ, yèè wo gò ngèè pɛɛ gè è ɗì dìì wèè wo yɛ̀mɛ̀ è tèèngà kò àìjɛnɛ̀ŋ, kɛɛ wò naŋ ɓùlò ke sɔɔ yèè wò naŋ woò wààŋ, ‘Dayà, mìŋ yaà wo nyùùŋ maŋ jùumù, yɛ̀mɛ̀im ke nyowo!’ ”

Luù 19:2

Wo kana nyuuŋ kùwà e nɛ̀ɛ̀nɛ̀ŋ fuɔŋ bà yaào wa àŋ nyaaŋ wo Zakiɔ̀. Wò yaà wa wo nyuùŋ bàne.

Luù 19:7

Anyùùŋ nyaŋ gbiŋ naŋ wa yɛ̀mɛ̀ e keì bi nyàŋ naŋ tɔ̀ɔ̀tù ɗìòsùà gùlia nyààŋ, “Wo kenàŋ wɛɛ̀ wò kà ke nyɛiŋ ko gbòò wo nyùùŋ maŋ jùumù.”

Luù 3:12

Anyuùŋ kùwà nɛ̀ɛ̀nɛ̀ŋ fuɔŋ nyàŋ bà nyiŋ naŋ hnè wèè aŋ nɔ̀ŋ gùa nyiŋ, yèè àŋ naŋ dàwè wo Jɔ̀ɔŋ nyààŋ, “Kààmɔɔŋ, kiìŋ è naiŋ ɓɛ̀nɛ̀ŋ nyɛ̀nɛŋ?”

Luù 5:29

Eɓìèmàŋjɛ̀wɛ̀ tii, wo Liivaà naŋ wa kɛ̀ɛ̀nɛ̀ŋ wɔŋ ɗaa gèe gbee ko gboouŋ noo wèè wo Jisɛ̀ yaà anyùùŋ màŋjɛ̀wɛ̀uŋ nyàŋ. Nyiŋ, e hààwè anyuùŋ kùwà nɛ̀ɛ̀nɛ̀ŋ fuɔŋ nyàŋ zimgbe nyiŋ yaào wa e kpùlìà aŋ nyùùnèènyɛiŋ joo bà, yaà wa jììyè nɛ̀ŋ koɓɛ̀ guùŋ.

Luù 5:30

Aŋ kààmɔ̀ɔ̀ŋ maŋ Sàwà Dayà nyaŋ bà nyiŋ ke gbòò aŋ Fɛlosiì nyaŋ sùà, naŋ tɛɛ̀ yɛmɛ̀, yèè àŋ naŋ dàwè anyùùŋ màŋjɛ̀wɛ̀uŋ nyàŋ nyààŋ, “Wèè kiìŋ nyɛ̀iŋ nààŋ anyuùŋ kùwà nɛ̀ɛ̀nɛ̀ŋ fuɔŋ nyàŋ yaà anyùùŋ maŋ kpèè naanààŋ nyaŋ jiiyà nɛ̀ŋje koɓɛ̀ guùŋ?”

Luù 7:29

Nààŋ anyùùŋ nyaŋ gbiŋ naŋ wa kùmìè e yèɛ wo Jisɛ̀ naŋ woò lɛ, e kpùlìà anyuùŋ kùwà nɛ̀ɛ̀nɛ̀ŋ fuɔɔ̀ŋ pɛɛ aŋ yè nyaŋ anyuùŋ zimgbe naŋ wa nììngè fɛ̀ɛ̀ nyaŋ, naŋ nyimèè wèè aŋ jɔ̀ɔ̀lɔ̀ ke dòmàŋ tɔ̀ɔ̀nyààŋ Dayàa dìì, nààŋ àŋ naŋ wa nyimèè wèè wo Jɔ̀ɔŋ wo nyiŋ gùà.

Luù 7:34

Kɛɛ nààŋ miàim wo Jɔ̀àfèlàà Nyuùŋ kpùnɔɔ̀ŋ naŋ hnè, mìŋ naŋ jènɛ̀ŋ yèè mìŋ naŋ tìè, nìŋ naŋ ɓɛìŋ woò nààŋ, ‘Wo felaa wɛɛ̀ jènɛ̀ŋ yèè wò tie zimgbe! Aŋ dàwiuŋ nyàŋ nàŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyùùŋ maŋ jùumù.’