Maafiù 5:37 - WƆŊ FƐ̀Ì EBÒ SÌÀŊ DAYÀA

³⁷ Tɔ̀ e yèɛ nìŋ woà lɛ e nɔ̀ŋ ‘Èèè’ ɔ̀ɔ̀ ‘Kpele.’ Eɓìèmàŋjɛ̀wɛ̀ tɛɛ̀, e yèɛ gbiŋ nìŋ woà naàŋ lɛ è yewe wo Sɛ̀tanàŋ sìwè, wo Nyuùŋ Kɛ̀ɛ̀nɛ̀ŋ ke Kpèè naanààaŋ.

Maafiù 5:37 ပူးပေါင်းရင်းမြစ်များ

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 13:38

Wɔŋ ɓùɔ naŋ yaà e ɗuunyaàŋ. Ke kuù kòmàŋ sìàaŋ nàŋ yaà anyùùŋ nyaŋ kanaŋ e Kànà àìjɛnɛ̀ɛŋ nyàŋ. Maŋ dɛɛ wuiye naanààŋ maŋ nàŋ yaà anyùùŋ nyaŋ kanaŋ wo nyuùŋ kɛ̀ɛ̀nɛ̀ŋ ke kpèè naanààaŋ.

Maafiù 15:19

E yìwìà ke jii mɔɛ̀ŋ sùà maŋ gòngo naanààŋ folo, maŋ yè maŋ nyɛ̀nɛ̀ùm maŋ nyɛ̀nɛ̀ŋ maŋ keì mààŋ, nyuùŋ jìwa, e gòngò hmɔŋtu, e kpùlìà maŋ yɛɛ̀ nyɛ̀nɛŋ gò kùwìè ɓɛ̀ɛ̀jàa, maŋ keì naanààŋ gɛ̀wɛɛ̀ zimgbe mààŋ, e wùa, e tòa, yèè e keì kàaɓì gbùwà nyùùŋ ɗì wèè e deèuŋ nɛ̀ e pɔɔ̀.

Maafiù 5:36

Ɓɔ̀ nìŋ gboonò è ɗìiŋ nɛ̀ diɛŋ, esaɓù kɛ̀ niŋ fè ɓɛ̀nɛ̀ŋ nyɛ̀nɛŋ wèè kè ɗì dùùm guùŋ pɛɛ kò ɗìiŋ niìŋ ke fòà ɔ̀ɔ̀ ke diiyè.

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Jɔ̀ɔŋ 17:15

Dèda, miŋ gòum dawè wèè maŋ gè anyùùŋ màŋjɛ̀wɛ̀im nyàŋ è ɗuunyaŋ lɛɛ̀ sùà, kɛɛ muŋ yɛmɛ̀ nyiŋ diɛŋ e yìwìà wo Sɛ̀tanàaŋ sìwè.

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

Ɛfesɔ̀ 4:25

E wèètii, dàngeìŋ e tòaà, wo nyùùŋ gbiŋ sɔɔ̀ maŋ gbààì wo nyuùŋ hààwe dàwi mɔɔ̀ŋ e tɔ̀ɔ̀nyaàŋ, esaɓù kɛ̀ yàwi nààŋ gbiŋ è yààìŋ aŋ bàwibà Jisɛ̀ Kulaì sùà.

Ɛfesɔ̀ 6:16

E teenga gbiŋ sùà e hààweiŋ nɛ̀ e nɔ̀ŋ mààŋ wɔŋ kuu fàà ɓɔwɔɔ kìlìà maŋ gaaŋ kùàŋ feìŋ, kɛ̀ nìŋ do nàŋ ɓɛnɛ̀ŋ wèè naŋ kìlìà maŋ gaaŋ kɛ̀ɛ̀nɛ̀ŋ e hmɔ̀ɔ̀ŋ maŋ gbiŋ wo nyuùŋ nyɛ̀nɛ̀ŋ keì naanààaŋ doiŋ nàŋ tà maŋ kùàŋ feìŋ.

Kòlo 3:9

Hɔ̀àneìŋ tùùyà aŋ dàwiiŋ nyàŋ, esaɓù kɛ̀ nàŋ gè maŋ nyɛ̀nɛŋ gɔuiŋ màŋ kùàŋ sùà yaà maŋ kpèè miŋ màŋ.

Kòlo 4:6

Maŋ mìè gbòaiŋ màŋ maŋ ɓuuyè nyiŋ maŋ nùŋ e teenga gbiŋ e kìlà aŋ kɛɛnɛ̀ŋ mànaŋ weè miŋ yèè maŋ hiàŋ nyiŋ e keì sìàŋ. Yɛ̀mɛìŋ maŋ mìè gbòaiŋ màŋ diɛŋ e kìlà niŋ nɔ̀ŋ bànèbaneiŋ wèè naŋ fàsàì wo nyùùŋ tɛ̀ɛ̀ sèè wò dawàìŋ wɔŋ mààŋdàwè.

2Tɛsè 3:3

Kɛɛ wo Kanaà yaà wo nyuùŋ tùlìà jii, yèè wò doiŋ nàŋ fè e gààŋ yèè woiŋ yɛ̀mɛ̀ diɛŋ anyùùŋ maŋ kpèè naanààŋ nyaŋ e tɛɛ.

Jìiiŋ 5:12

Tii gbiŋ sùà, nyɛ̀iŋ nààŋ wùìyaim nyàŋ, sèè nìŋ ɓemàŋ e ɗààhiì wèè naŋ nyɛ̀nɛ̀ŋ e nɛ̀ŋ bà wèè nyùùŋ. Ɓɔ̀ nìŋ gboonò è dèè àìjɛnɛ̀ɛŋ diɛŋ ɔ̀ɔ̀ è dèè ɗuunyaàŋ diɛŋ ɔ̀ɔ̀ è dèè nɛ̀ŋ bà gbiŋ diɛŋ. Sèè nìŋ, nyimààŋ nààŋ “èèè” e nɔ̀ŋ èèè, sèè nìŋ woà nààŋ “Kpele” e nɔ̀ŋ kpele, kɛ̀ wo Dayà naìŋ gbààè è keì.

1Jɔ̀ɔŋ 2:13

Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ kòmaŋ nyàŋ, e fèfoo nàŋ wa nyìmàŋ kɛ̀ wo Dayà yaà e yìwìà ko tɔ̀ɔ̀tù e ɗuunyaàŋ. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ bɔwɔ nyàŋ, e fèfoo nàŋ gbùwò e gààŋ wo Nyuùŋ Kɛ̀ɛ̀nɛ̀ŋ ke Kpèè naanààaŋ diɛŋ.

1Jɔ̀ɔŋ 3:12

Yèè ɓɔ̀ è nɔ̀iŋ mààŋ wo Kiìŋ, wò yaà wo nyùùŋ Sɛ̀tanàŋ, wo yèɔ naŋ wa jìwè wo wùìyà wuŋ biɔ̀ Eɓɛ̀ɛ̀ wɔ. Wèè kiìŋ saɓù wo Kiìŋ naŋ wa jìwè wo Eɓɛ̀ɛ̀? Wò naiŋ wa nyɛ̀nɛ̀ŋ esaɓù kɛ̀ wo nanàuŋ nɔɔ̀ŋ yaà wa wo nyùùŋ tɔ̀ɔ̀nyaàŋ, kɛɛ wuŋ bi wò yaà wa wɔŋ fàà wo Nyùùŋ Kɛ̀ɛ̀nɛ̀ŋ ke kpèè naanààaŋ.

1Jɔ̀ɔŋ 5:18

Èiŋ nyìmàŋ kɛ̀ aŋ jɔ̀à Dayà fè nɔŋ nɔ̀ŋ nyɛ̀nɛ̀ŋ sùà màŋ keì naanààŋ keleiŋ, esaɓù kɛ̀ wo Jɔ̀àfèlàà Dayàa yɛmɛ̀ nyiìŋ diɛŋ, yèè wo Nyuùŋ kɛ̀ɛ̀nɛ̀ŋ ke Kpèè naanààaŋ fè nyiŋ jàà keì nyìnga.