Maafiù 5:30 - WƆŊ FƐ̀Ì EBÒ SÌÀŊ DAYÀA

³⁰ Sèè wɔŋ kùàŋ jìka mɔɔ̀ŋ wɔum nyɛ̀nɛ̀ŋ maŋ sɛ̀ɛ̀ e jùumù sùà, kɛɛ̀ wuŋ noo muŋ gò! È yaà tɛ̀ɛ̀ wèè maŋ kɛ̀ɛ̀nɛ̀ŋ wɔŋ kùàŋ guùŋ maŋ kà ko àìjɛnɛ̀ŋ, e nɛ̀ɛŋ nyɛ̀nɛ̀ŋ ke kpùnaŋ mɔɛ̀ŋ gbiŋ ke kà ko jàhamaŋ.”

Maafiù 5:30 ပူးပေါင်းရင်းမြစ်များ

Maafiù 11:6

Wo Dayà do nàŋ kpùùmò anyùùŋ nyaŋ gbiŋ gòim gììyà màŋhɛɛ, èsàɓù màŋ keì maŋ mìŋ nyɛnɛŋ màŋ.”

Maafiù 13:21

Kɛɛ ke fè nyiŋ gè lè gùlò màŋ jiio sùà tɛ̀ɛ̀, kè nɔ̀ŋ nyìŋ nɔŋ maŋ jii wèè e teenga kpuu. Kpeiŋ sèè e keì nyìnga hnàŋ nɔŋ ɔ̀ɔ̀ sèè àŋ kɔ̀à e mɔ̀ɔ̀nɛ̀ŋ ke sàwà dìì esàɓù ke mìè Dayàa, àŋ nyiŋ gè kùàŋ dìì àŋ kɛ̀ɛ̀ maŋjɛ̀wɛ fiò.

Maafiù 16:23

Kɛɛ wo Jisɛ̀ naŋ kìlè yèè wò naŋ wòò wo Pììlɛ wààŋ, “Kɛ̀ɛ̀im maŋjɛ̀wɛ, Sɛ̀tanàaŋ! Ɓɔ̀ mùŋ kiliàim kùàŋ feìŋ. E gòngo mɔ̀ɛ̀ yiwià koɓɛ̀ Dayài, kɛɛ è yewe ke nyɛ̀nɛ̀ŋ nyuùnkpùuŋ sùà.”

Maafiù 17:27

Kɛɛ e manàŋ wèè ànyùùŋ nyɛɛ̀ŋ aŋ wi tùù sìwè. Weètii kɔ̀à wɔŋ juwoɔ̀ muŋ dàào wɔŋ jàà yèè muŋ kùwà wo kɛì jiɛ̀jiɛ̀ɔ. Yìlè wo kɛìɔ nyààŋ, yèè mùŋ doo nàŋ mɛ̀ɛ̀ŋ ke kaiŋ fua nɛɛnɛŋ. Kɔ̀à muŋ kiɛ̀ŋ nyiŋ ke nɛɛnɛɛ̀ŋ wèè aŋ paawà nyiŋ weè wi ko Saaŋ Zòòlò Dayài.”

Maafiù 18:8

“Sèè wɔŋ kuàŋ mɔɔ̀ŋ ɔ̀ɔ̀ ke golò mɔɛ̀ŋ nɔ̀ŋ esaɓù wèè maŋ nyɛ̀nɛ̀ŋ e keì naanààŋ, kɛɛ̀ wuŋ noo muŋ gò! È yaà tɛ̀ɛ̀ wèè maŋ kɔ̀à wɔŋ kùàŋ guùŋ ɔ̀ɔ̀ ke gòlò guùŋ ko jàwà Dayà wɔŋ nyiiŋ gèe gò jùà sùà, wèè maŋ kùwìè maŋ kùàŋ tìyèe yèè maŋ gòlò tìyèe aum gbìàŋ ko jàhamaŋ koɓɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀.

Maafiù 22:13

Kpeiŋ wo kanaà naŋ wòò aŋ ɓɔìjɔ̀àuŋ nyàŋ wààŋ, ‘Dèkaìŋ wo felaa wɛɛ̀ maŋ kùàŋ yèè maŋ gòlò niŋ gbìàuŋ ko jɔɔlèi ke nyiwì gènaàŋ sùà. Kuŋ wò do nàŋ nɔ̀ŋ wò golo yèè wò gbile le sìàuŋ nɛ̀.’ ”

Maafiù 25:20

Wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ nɔɔnɔɛ̀ŋ wɔ, naŋ niŋ hiɛ̀ŋ e hààwè e tààsùùŋ nɔɔnɔɛ̀ŋ wò naŋ yɛmɛ̀ e geenìŋ sùà lɛ. Yèè wò naŋ woò wààŋ, ‘Kààmɔɔŋ, mùŋ naim mɛ̀iŋ kìɛ̀ŋ e pàtaà tààsùùŋ nɔɔnɔŋ, kɛɛ mìŋ naŋ yɛ̀mɛ̀ e gèènìŋ e tààsùùŋ nɔɔnɔŋ ɓɛìŋ.’

Maafiù 26:31

Kpeiŋ wo Jisɛ̀ naŋ nyiŋ woò wààŋ, “Nyɛ̀iŋ nààŋ gbiŋ nìŋ do nàŋ dùɔ̀ŋ naim jòà wɔŋ dùùm guùŋ wɛɛ̀ŋ, esaɓù è yaà sìnga niŋ wɔŋ fɛ̀ì Dayàa sùà kɛ̀, ‘Wo Dayà do nàŋ jìwè wo nyuùŋ tùnìàŋ aŋ ɓaawaa nyàŋ, yèè ke gbòò aŋ ɓaawaa nyàŋ gbiŋ do nàŋ ɓaayè.’

Maafiù 5:22

Kɛɛ tɔ̀ miŋ woòiŋ naàŋ kɛ̀, sèè maŋ tùù wo dàwi mɔɔ̀ŋ sìwè wèè foo, àŋ doum nàŋ hìɛ̀ŋ ke sàwà fɛɛ̀feìŋ. E kìlà sèè maŋ wòò wo nyùùŋ gbiŋ mààŋ, ‘Wò siaŋ nɔŋ wèè foo!’ Àŋ doum nàŋ kɔ̀ɔ̀ ko sààŋ sàwà. Yèè sèè maŋ wòò wo nyùùŋ gbiŋ mààŋ wò yaà wo nyuùŋ kpàna, mùŋ do wa nàwèè nàŋ nɔ̀ŋ e keì nyìnga dìì e hmɔ̀ɔ̀ŋ jàhamaàŋ sùà.

Maafiù 5:29

Weètii, sèè e fɛ̀ɛ̀ kùàŋ jìka mɔ̀ɛ̀ eum nyɛ̀nɛ̀ŋ maŋ sɛ̀ɛ̀ e jùumù sùà, gè niŋ noo muŋ gò! È yaà tɛ̀ɛ̀ wèè maŋ kɛ̀ɛ̀nɛ̀ŋ e fɛ̀ɛ̀ guùŋ, e nɛ̀ɛŋ nyɛ̀nɛ̀ŋ maŋ kɛ̀ɛ̀nɛ̀ŋ e fɛ̀ɛ̀ tìyèe kpeiŋ aŋ gbìàŋ ke kpùnaŋ mɔɛ̀ŋ ko jàhamaŋ.

Luù 12:5

Tɔ̀ miŋ tɔɔ̀iŋ kɛ̀ ɓòò nìŋ kuwa naŋ dùàŋ. Dùaìŋ wo Dayà, wo yèɔ pɔɔpɔ̀ɔ̀ wɔŋ nyiiŋ nɔɔ̀ŋ, e kìlà wò kuwa e gààaŋ wèè weiŋ gbìàŋ ko jàhamaŋ. Hààwe nìim, wo Dayà nàŋ yaà wo nyùnɔ̀ɔŋ nìŋ kuwa naŋ dùàŋ wɔ!”

Luù 17:2

È henàŋ nɔ̀ŋ tɛ̀ɛ̀ wèè aŋ sɛ̀ɛ̀ wo nyùnɔ̀ɔŋ ke duò gbee ke gbèìŋ auŋ gbìàŋ wɔŋ juwoɔ̀ sùà, e nɛ̀ɛŋ nyɛ̀nɛ̀ŋ wo nɔ̀ŋ esaɓù wèè wo tòloòjɔ̀à wɛɛ̀ bà guùŋ wo nyɛ̀nɛ̀ŋ e keì naanààŋ.

Luùm 9:33

Màànààŋ nɔŋ wo Dayà naŋ woò wɔŋ fɛ̀ì Dayàa sùà lɛ wààŋ, “Yɛ̀mɛìŋ, mìŋ yaà hàa sùà ke dùò ko Zanyɔ̀ŋ, ke dùòɛ ke yèɛ do nàŋ nyɛ̀nɛ̀ŋ anyùùŋ aŋ duonò, ke dùòɛ ke yèɛ do nyiŋ nàŋ nyɛ̀nɛ̀ŋ aŋ sɔ̀à dìì fukpù. Kɛɛ wo nyùnɔ̀ɔŋ gbiŋ haawà Dayà wɔ e sàngè naàuŋ kùwò.”

1 Kɔliìŋ 8:13

Wèètii, sèè e nɛ̀ŋje nyɛnɛŋ wo wùìya kùwìè e hààweɔ̀ sɛɛ̀ e jùumù sùà, kɛ̀ julɔfɔ miŋ naàŋ ɓɛìŋ gbìlè yilì, wèè miŋ go nàŋ nyɛ̀nɛ̀ŋ wo nyuùŋ kùwìè e hààweɔ̀ bà sɛ̀ɛ̀ jùumù sùà.

Gàla 5:11

Wùìyaim nyàŋ, sèè ka woò mìàŋ è yaà tɛ̀ɛ̀ wèè wo nyùùŋ nɔ̀ŋ kpùà jàa, kɛ̀ wèè kiìŋ mìŋ yaà maŋ keì nyìnga mɛɛ̀ŋ sùà? Sèè tii naŋ wèè ɓɛ̀nɛ̀ŋ nɔ̀ŋ e tɔ̀ɔ̀nyaàŋ, kɛ̀ ke miè gbìaàŋ e nyaàìŋ dè wɔŋ vànèkpàà Jisɛ̀ Kulaìɔ weè ɓɛìŋ ɓɛ̀nɛ̀ŋ nɔ̀ŋ e keì nyìnga.

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.